اليوم رحت مكتب طاقات اللي بمجمع العثيم في الدمام وشوف شنو صار
 

السلام عليكم ورحمة الله وبركاته
انا حابة افيدكم مثل مااستفدت منكم ومن مواضيعكم امس كلمتني بنت عمي وتقولي روحي قدمي مكتب العلم في العثيم يجيبون وظايف حكومية علي كلام صديقتها أختها توظفت وتقول يجيبونوظايف حكومية انتداب ورحت علي كلامها وسالت ماكو الا طاقات ودخلنا عندهم واستفسرنا وقالت أنتو مسجلين بحافز قلت لها اي قامت عطتنااستمارة نعبيها وفيها خيارات الوظايف كثيرة يمكن عشرين مدارس ومعاهد وبنوك ومحاسبة وسكرتارية ومدارس عالمية وعقار والخ عقب تختارين مختلط او غير
عقب في فقرة أخيرة تشوفين الوظايف المتوفرة عندهم حاطين ثلاث لوحات لوحة فيها وظايف مختلطة والثانية غير مختلط والثالثة منوعة المهم كاتبين وظايف في مدارس وخدمة عملاء ومحاسبة وحاطين كل وظيفة ووراتبها والشروط والمكان المهم عجبتني وظيفة مدرسة دين لان نفس قسمي بس اللي يقهر الرواتب قليلية هاي راتبها ألفين شكلي بغير رأيي المهم سجلتها وقالت لحظة اشوف الوظيفة لسة متوفرة او لا المهم قالت خلاص راح نكلمك هي موجودة المهم سألتها اذا ماعجبتني الوظايف عادي الرفض يعني ماتنقطع حافز قالت لا ماتنقطع
المهم حبيت افيدكم وأقول قدمو يمكن يجيبون وظايفحلوة لان في وظايف والله راتبها حلو 3500 و4000 بس خدمة عملاء وأهلي مايرضون او موظفات استقبال كلها رواتب حلوة الا المدارس
وسالتها هل لازم نستني لين تجي رسالة ونقدم علي طاقات قالت لا عادي*

بارك الله فيك يالغاليه

وباذن الله الكل يستفيد

يعطيك العافيه خيتووو

زين علمتيني بمكانه عشان لو ابي اتوظف اروح لهم

مالي خلقهم الحين

ومجمع العثيم قريب منا

بس كأنهم يقولون بالدور الثاني فوق ماكدونالدز والاااا؟؟

لحظة مافهمت الحين هم وش دخلهم هذا المكتب مش المفروض نستنى لقاءات يتصلوا علينا لانا امتحنا عندهم وفية معرض وظائف بعد كم شهر هذا الي قالوه يعني هذا المكتب ليش داخل عرض قسم بالله ان مخي تشتت وانا اسمع سالفة من هنا وهناك .... يعني اروح هذا المكتب أدور وظيفة ولا أستني لقاءات. ؟؟؟؟؟؟؟؟؟؟؟؟؟؟����

اخوي لقاءات اختياري

لكن طاقات اجباري وهم اللي بيعطونك الفرص الوظيفيه اللي من خلالها تتحدد عقوبات خصم الاعانه او قطعها في حاله رفض فرصه وظيفيه مناسبه
+
يعني هم بيتواصلون معك.... واذا كنت انت حاب تروح وتبحث عن وظيفه عندهم تناسبك مافي اشكاليه

موفق بإذن الله ... لك مني أجمل تحية .

نطاقات هو المكتب الي بالعثيم ولا كيف يعني اروح لة ولا أستني لقاءات

هههههههههه تراي من النساء :)