اختي في الضمان هل يحسبونها علي
 

والله يابنت الحلال مقدر افيدك بخصوص هالمعلومه

لكن ياربي وش ذنب العالم طيب الي ابوه او امه يمشي لها ضمان وهو رجال عاقل بالغ

اكيد اسمه ماهو مسجل بالضمان طيب وش ذنبه يخصمون عليه

قسم بالله شي لايطاق ماباقي الا يحطون من ظمن شروط حاافز

انك تحلف بالله انك ماعمرك شفت فلوس وانك تحلف بالله انك تشرب عصير ربيع وماعمرك شربة موكاا

ولاكابتشينو هذا الي بااااقي

الله يوفقك اختي وان شاء الله انهم مايخصمون ويستحون علي دمهم شوي

ياقلبي اختك مالها علاقه فيك

انتي مو فاهمه ليه خصمو من اعانتك ..؟؟ عشان كذا قلتي هالكلام

راح افهمك

شوفي ياقلبي ابوك لما قدم على الضمان على اساس هو المسؤول عن عائله ويبي مساعده تعينه على المعيشه

وقدم بكرت العائله فالضمان راح يصرف له هو صاحب الطلب 862
وبما انه رب الاسره فأي احد من ابناءه مسجل بالكرت راح تصرف لهم 284

وعلى حسب عدد افراد الاسره راح يصرف مبلغ الضمان

فحافز اعتبر 284 هذه دخل لك بما انه مسجلها تلقائي من خلال ابوك انها لك


لكن اختك يوم سجلت باسمها فهذا يرجع لها هي وينزل لها 862 بما انها فرد واحد
ويعتبر دخل يخصها ماراح يخصمون منك

قول الحمدلله اللذي لايحمد على مكروه سواه "P

العيون الزرقا .. ادري اختي غثيناكم بكثر الاسئله عن حافز

بس انا سألت لانهم يقولون اي احد من اهلك بالضمان سواء ابوك ولا امك ... وانا قلت ويش دخل امي .. هي بس اسمها بكرت العايله .. بس مالها ضمان .. وقلت الحمدلله .. بس رجعت تذكرت ان اختي معنا بكرت العايله وهي تستلم ضمان خاص فيها ماهو من ابوي .. وقعدت اهلوس .. قلت خلي اسأل .. واتاكد عشان اذا نزل المبلغ ناقص اكثر من اول ما انصدم ...

ويعطيكي الف عافيه اختي على جهودك ولاهنتي .. وبارك الله فيكي

الله يعافيك يالغلا


ولا يهمك نوضح لك هذا واجبنا

هم قصدهم بالام اذا كان الاب متوفي فالضمان ينزل للام يعني تحل محل رب الاسره

وفي كثير امهات مسجلين بكرت العائله كعائل للاسره المتوفي والدهم وشامله اللي بالكرت من أبناء

لا تخافين باذن الله غير اللي خصموه من الضمان ماراح يخصمون زياده

الله يرزقك من واسع فضله

اختك اذا كانت مضافة عند ابوها بالضمان فالخصم 284 يخصمون حافز اقل
اذا صار مسؤلة عن نفسها هنا يعني يامطلقة او ارمله او عمرها 35
لان من شروط الضمان مايحذفون من عند ابوك وتأاخذين من الضمان 826 الا بها الحالات وهنا حافز يخصمون اكثر

هي تتكلم عن نفسها وتقول في حاله تسجيل اختها بالضمان هل يتم الخصم من اعانتها هي

وليس اختها

وتم توضيح الامر لها بانه لا علاقه لها بما يصرف لاختها

بارك الله فيك كاتشب

طيب والي اسمه مو في كرت العائله
وخصمو منه 284 عشان الوالد والوالد بالضمان ؟