|
اي المشروعين انجح؟؟
السلام عليكم ورحمه الله وبركاته
هذي اول مشاركه لي معكم وابي منكم استشارة انا على وشك البدايه بمشروع وهالمشروع عبارة عن مشغل بس جاتني اقتراحات اني اخليه بدل المشغل بوفيه بس مطورة شوي وخدماتها حلوة ومميزة بس انا اميل للفكره الاولى لان المنطقه الي انا فيها مافيها ولا مشغل بس فيه واحده فتحت غرفه بالبيت وحاطه لها كرسي ومرايه وتشتغل والزباين كثير بس ماهي متفرغه ولا ماتقدر تشتغل لوحدها فتعتذر اغلب الاحيان يعني المكان محتاج للمشروع اشرايكم فين المشروع الانجح؟؟؟؟ |
مشروع المشغل ... ماشاء الله ناجح ولاكن تكثر مشاكله من الموظفات وبكثره
مادام الحي مادام مافيه محل مشغل سبب واحد أنحل وهو عدم وجوده بهذا المنطقه السبب الثاني المشغل يحتاج رعاااية تامه يعني لازم تكون الموظفات أمينات لان بعضهم وبكثره تحصل انهم حراميات وخاصه الاجانب الله يكفيك شرهم الفرق بين المشغل والبوفية؟؟ المشغل مكلف واقتصاده المادي عالي وله مكاسب على حسب السوق البوفية اقتصادة المادي بسيط وايضا له مكاسب لاكن هذا يوميآ لاكن تحصل له مشاكل ايضا لاكنه بسيطه ما أقدر أقول لك ويش المشروع الافضل لاكن كلها ناجحه باذن الله البوفية مكاسبه بسيطه ومعداتها بعضها غالي المشغل مكاسبه عاليه لاكن معداتها غاليه البوفية أشكل الناس تقول انها فاشله يعني اعطي لك 70 بالمئة للمشغل و30 بالمئة للبوفية هذا الكلام على حسب اللي أسمعه يعني لاتاخذين على كلامي قبل ما تسالين أكثر من شخص ولازم تسالين عن اصحاب المشاريع مثل تسالين احد عنده مشغل وتقولين سبب نجاحه وايضا البوفية سبب نجاحه وقبل كل شي لازم قبل تخطين خطوه لازم تدرسين المشروع دراسه تامه والله يرزقك ان شاء الله بالتوفيق |
اقتباس:
المشغل افضل 100 مرة من البوفية لانك تقدرين تتابعينه بنفسك وكذلك الدخل احسن هذا شوري عليك والله يوفقنا وياك |
والله خليك ع المشغل اولا مافيه عندكم مشاغل وان شاء الله انه يكون فيه مرابح
وع قولت اخوي انا السعودي تتابعيه بنفسك بس يبي لك شغالات ع مستوى عشان ينجح ويكون سمعته حلوووة والله يوفقك ويرزقك يارب |
أنا أرشحلك مشروع المشغل والله يوفقك
|
هالمشروع من زماااااااااااااان احلم فيه ويارب يكون ع ارض الواقع قريبا
ييعافيكم ربي عالردود الحلوة والمفيده |
طيب سؤال صغنون^_^
انا ابي اسئل لو ابي عاملات من الفلبين والمغرب كيف اجيبهم؟ يعني اكلم واحده من العاملات في المشاغل تشوف لي احد من طرفها والا استقدم؟ احس اني كثرت اسئله صح خخخخخ |
الافضل تستقدمين عشان يكون وضعك قانوني
اصلا اتوقع من شروط فتح المشغل ضروري يكون عندك عاملات او شوفي وحده من الفلبينيات الي بالمشاغل تساعدك وتجيب لك اشخاص شغلهم حلو وتثق فيهم بس طبعا عن طريق تأشيره وبشكل نظامي وبالتوفيق يارب |
شكرا شكرا وربي هالمنتدى والي فيه وجه خييييييير علي ربي يسعدكم
|
اقتباس:
هلا بالجميع بالنسبة للمحل مو من شروطة وجود عاملات فيه طريقة تساعدك وتسهل لك الامر في فتح المشغل بعد تسهيل الله وهي انك تشوفين لك اي خريجة كليه تقنية تخصص خياطة او اي وحدة من قرايبك عندها دورات خياطة هذي وتقدمين الاوراق باسمها هذي تساعدك في تخليص المعاملات بسرعة وسهولة والله يوفق الجميع |
| الساعة الآن 03:09 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين