ممكن اعرف وش اخرتها مع حافز
 

سلام عليكم ورحمه الله وبركاته اهلا باعضاء المنتدى الكريم انا عندي استفسار
ابغاء اعرف اللي رفض وظيفه برنامج طاقات خلاص يعني راح ينحرم من حافز ولا وش وضعهم
بصراحه وبدون مبالغه مخي تشتت وعلى فكره اللي يعني عرضوا عليه اكثر من مره
واسال الله لي ولكم التوفيق والسداد:h

لا هم جالسين يخيرونك مايجبرونك

لا ماراح تنقطع عنك في حاله الرفض

راح تتطبق عقوبات قريبا .. للي يرفضون

ولهم اكثر من فرصه

مشكورين على الردود
 

بس بصراحه وظايفهم مو كويسه بس تتوقعون من ضمن العقوبات قطع حافز عني او خصم منه ولكم جزيل الشكر ياعضاء المنتدى الكريم:h

ايه عقوبات حافز اما بقطع الاعانه او خصم مبلغ دايم كل شهر

القرار هذا مابعد يتطبق .. بس قريب راح يطبقونه

انا افكر اخذ حافز ثلاث شهور واوقفه وستريح شهرين وارجع ثلاث شهور هع عشان مايفكرون يقطعون

طاقات مالة شغل فى حافز
مجرد برنامج مساعد لتاهيل التوظيف لطالبي العمل .
وماراح تنقطع الاعانة لو تجيك مليون وظيفة من طاقات وترفضها
غاليتى الحياة
ماراح تصدر عقوبات نهائى بخصوص طاقات لانة مالة شغل بحافز .
مصدري الخاص

والله يوفق الكل

نايف مو كلامي هذا كلام المعيقل .. وانا ما اجيب شيء من راسي

صحيفة: وزارة العمل تعتزم فرض عقوبات على رافضي وظائف "حافز

نقلت صحيفة "عكاظ" عن مصدر مسؤول في وزارة العمل السعودية قوله بأن الوزارة ستفرض عقوبات على المتقدمين لوظائف البرنامج الوطني لإعانة الباحثين عن العمل "حافز"، في حال رفضهم للوظائف المناسبة المعروضة عليهم.

وبين المصدر أن هذه العقوبات لازالت محل دراسة في الوقت الحالي.

وأوضح المصدر أنه سيتم إيقاف الإعانة المقدرة بألفي ريال عن المستفيد من حافز عند حصوله على وظيفة مناسبة، ويمكن له التقديم مرة أخرى إذا فقد الوظيفة، مشيرا إلى أن المستقيلين من عملهم للتقديم في البرنامج عليهم الانتظار لمدة 3 أشهر من تاريخ آخر يوم عمل.
أما بالنسبة للطلاب المتخرجين من المدارس والجامعات ومراكز التدريب، بين المصدر أنه عليهم الانتظار 6 أشهر قبل التقديم للاستفادة من البرنامج

نايف سلم على مصدرك الخاص وقله يشيل الكلام اللي مكتوب بموقع حافز دام السالفه تسذا :q