انتسابي بالجامعه وحافز
السلام عليكم
الله يعطيكم العافيه مقدما لكل من يفيدني بتساؤلي أنا قدمت على حافز وطلعت مؤهله للشهر الاول الشهر الثاني تفاجئت بأني غير مؤهله والسبب وجود اسمي بأحد الجامعات طيب انا منتسبه اتصلت عليهم قالوا حل المشكله من نفس الجامعه توجهت للجامعه وقالوا حنا مالنا دخل ! بعدين مع كثر الضغط عليهم قالوا راح نرفع باسمائكم لحافز وذا الشي متأكده راح يماطلون فيه كالعاده سؤالي شلون نرسل لحافز صوره من السجل تفيد اني منتسبه فكرت اضغط على ايقونة اعتراض وكثير قالوا انتظري هالشهربعد واللي جربه يعني هي بس اعادة طلب ولا بامكاني ارفق بيانات معها وشاكره لكم |
اعادة طلب مافي ارفاق اي اوراق
موفقة ياارب. |
حبيبتي يتم حل هذه المشكله عن طريق الجامعه بتواصلها مع برنامج حافز وذلك بارسال كشوفات بالمنتسبين والمنتظمين لكن الجامعات اخطأت وارسلت كشوفات الطلاب بدون تحديد من المنتسب ومن المنتظم... اضغطي اعاده طلب.... لان كل شهر يتم التحقق من الاهليه واتصلي على حافز وقدمي اعتراض بانك منتسبه وحرمتي من الاعانه وتاكدي انهم رفعوه من خلال اعطاءك رقم طلب للاعتراض وباذن الله تنحل مشكلتك وتتاهلين الدفعه اللي بعدها..... حل المشكله يتم في مده اقصاااها 90 يوم |
تسلمين ريومه الشرقيه والله يوفقك على تجاوبك
مشكوره يالعيون على الافاده الوافيه الله يعطيكم العافيه |
انا زي حالتك
اتصلت عليهم قبل شهر ورفعت اعتراض والى الان لا حس ولاخبر سألت موظفات حافز قالو المشكله من عندنا وراح تنحل ان شاء الله يعني مو من الجامعه بسألك اي ايقونة اعتراض اللي تقصدين لأن بالموقع مافيه الا اعادة طلب الله يرزقك من واسع فضله |
اقتباس:
انتي طفشي موظفات حافز بالاتصال اللين مايسوون لك اعتراض ويعطوك طلب وانتي بعد قوليلهم ياادمية ترا رفعت الجامعه اسمائنا بس ارفعيلي طلب وخذي رقمه:) |
الله يكون بعونك مع مرمطة حافز
|
الله يعينك
وان شالله تتاهلين بالحافز |
تسلمون على التجاوب .. الله يوفقكم جميعا
استفسرت من موظفة حافز وقالت ان شاء الله هالشهر راح تنحل مشكلة المنتسبات والمنتسبين لان بعض الجامعات مارفعت لهم وقالت ذي مشكله عامه وان شاء الله هالشهر او القادم راح تنحل للجميع وقالت شوفي الاهليه هالشهر ان شاء الله راح تتغير الف شكر للجميع |
ان شاءالله تنحل قريب وفالك التاهيل
|
الساعة الآن 05:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين