تساؤل عن حسم الاعانه للمستفيدين من الضمان واليه رفع اعتراض
السلام عليكم ورحمه الله
صباح الخيرات اخواني واخواتي .. تساؤلات ببالي وحبيت اطرحها لكم يمكن الاقي اجابه شافيه بالنسبه للحسم اللي صار الشهر اللي فات من ابناء المستفيدين من الضمان الاجتماعي بيستمر ولا كيف ؟ لانه بصراحه فيه اجحاف بحق هالفئه اللي محتاجه لكل ريال من الاعانه ومع احترامي للي وضع هالشرط فيه عدم ادراك وفهم للأحوال وايضا بعض المستفيدين من الاعانه رواتب اوليائهم تتجاوز 15 الف ريال فهل بيفجعوننا هالشهر ويخصمون من اعانتهم ايضا بنفس الحجه كل اللي اتمناه انهم يطبقون الامر الملكي كما جا ومايطلعون شروط ماانزل الله بها من سلطان سواء كان المستفيد تجاوز 35 سنه او من ابناء المستفيدين من الضمان او او لانهم جميعا وبالاخير من ابناء هالارض الطاهره .. اسئلتي تتلخص بـ : 1- هل سيستمر الحسم ام سيتوقف بالدفعات القادمه بحكم عدم منطقيته ؟ 2- وش الاجرائات اللي اتخذتوها سواء بمراسله الصحف او غيرها وهل من ثمار لها ؟ 3- رفعت اعتراض وحدة من موظفات حافز واعطتني رقم الطلب وقالت انتظري مكالمه الموظف بس الحكايه طولت مين اللي منكم رفع اعتراض وكيف جاءه الرد وتحياتي لكم .. :w:w |
.. الله يفرجها عليكم وييسر أموركم ..
|
امين يارب
جزاك الله خيرا |
اقتباس:
وعليكم السلام ورحمه الله وبركاته موضوعك اعجبني تشكرين عليه راح ابدأ بالاجابه اسئلتي تتلخص بـ : 1- هل سيستمر الحسم ام سيتوقف بالدفعات القادمه بحكم عدم منطقيته ؟ الى الان ما صدر قرار بتغيير هالشرط او العدول عنه وكما قلتي فعلا شرط غير منطقي يكفي ان المبلغ لا يصرف باسم العاطل ولا بحسابه فكيف يكون دخل له..!! 2- وش الاجرائات اللي اتخذتوها سواء بمراسله الصحف او غيرها وهل من ثمار لها ؟ ما قصرو الاعضاء بعضهم تفاعلو ارسلو للصحف وكذا صحيفه نشرت الخبر لكن بعدها تم السكوت عن الوضع واذا سألتي لماذا... اقول لك من وضع الشروط احسنو الاختيار بالخصم من الفئه الضعيفه اللي صوتها لا يعلو كثيراً..؟؟ لكن من غرته الدنيا نسي او تجاهل انا الصوت يصل ولا رادع او مانع او حاجزله لمن بيده تدبير الامور وهو الله تبارك اسمه.. 3- رفعت اعتراض وحدة من موظفات حافز واعطتني رقم الطلب وقالت انتظري مكالمه الموظف بس الحكايه طولت مين اللي منكم رفع اعتراض وكيف جاءه الرد شيئ جميل رفعو لك اعتراض لان الكثير من الاعضاء قالو انهم رفضو رفع اعتراض لهم بما انهم من ابناء المستفيدين من الضمان فهل هذا كان تسكيته لك ام انا الموظفه لم يصلها قرار او خبر بالامر على العموم الاعتراض ياخذ فتره 90 يوم كحد اقصى حتى يتم حل المشكله الله يرجع الحقوق لاهلها عاجل غير اجل موفقين يارب |
ماقصرت معك اختي العيون ..
الله يكون بعونك خيتوو .. وان شاء الله تتصلح اموركم ويعيدون النظر لشروطهم .. وبالاخص ان الضمان مو بأسمكم |
وانا معك احسسسه قمة الظلم للي في الضمان وربي ظلم ما احد يرضااااه ~ :m انا خصموا مني 300 ريالا علشان زوجي في الضمان ....!!! ربي حسيبهم |
اقتباس:
بالفعل اختي العيون الزرقاء اختاروا فئه ضعيفه يعتقدون انها لن تحرك ساكنا لكن لن يضيع حق عند الله اتذكر البعض قال بيوكل محامي بهالموضوع عندك اخبار بهالخصوص :d وبالنسبه للاعتراض رفعته لي قبل ماتعرف ان والدي من المستفيدين من الضمان بالبدايه خاطبتها باني مو مسجله فيه وفعلا انا مو مسجله باسمي :q وبعد ما اعطتني رقم الطلب ناقشتها بان مايصرف لاولياء امورنا ماينزل بحسابتنا الشخصيه وردت بيتصل فيك الموظف وقولي له عن هالموضوع وبانتظار الاتصال من اكثر من اسبوعين شاكره لك اختي العزيزه هالتواجد ولا هنتي :h |
اقتباس:
امين يارب جزاك الله كل خير |
اقتباس:
فعلا قمه الظلم وحولو اعانه حافز لنظام اشبه بالضمان وكأني بهم يقولون عقابا لكم لانكم من المستفيدين من الضمان الاجتماعي :q عجبي !! الله يرزقني واياك واخوتنا جميعا من واسع رزقه وبعيد عن اهاناتهم |
صحيح هالكلام والله يخصمون من الاعانة ماادري ليه .انا اوختي كلنا مؤهليين انا جتني الالفين كاملة وهي ناقصها 350 ريال ماادري ليه مع العلم اننا ناخذ ضمان اجتماعي ماادري ليه خاصمين منها ّّّ!!
|
الساعة الآن 12:19 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين