مشروع القلابات رايكم يهمني
بسم الله الرحمن الرحيم , , السلام عليكم ورحمته الله وبركاته اخواني حبيت استشيركم في مشرووع ان شاء الله راح ادخل فيه بس ابي ارآكم انا لقيت قلاب سقس موديل 94 و السياره ولله الحمد نظيفه وما فيها كلام بس ابي اعرف كيف شغل القلابات وخاصتن المشاريع الى برابغ و ذهبان مشروع القطار فيه ناس قالوا ليه سوي عقد مع مشروع توسعه الحرم بس مثل ما انتم عارفين المشروع كلها صخور وهدميات مباني وهذا الشى يأثر على السياره ويكسر السست و راح تروح فلوسها في الصيانه لكن اذا فيه احد عنده خبره عن المشاريع الى في رابغ يا ليت يفيدني ويفيدني عن مشروع القلابات هل هي مربحه ام العكس وشكـرآآآ |
. ....
|
والله ماعندي علم بس اعرف ناس صارو مليارديريه من ورى هالقلابات والكسارات اهم شي استخير وان شالله يجي من يفيدك
|
هلا بك اخوى بحكم انى املك تريلات انصحك بالتريله احسن من القلاب القلاب اجاره باليوم 400 بينما التريله القلاب 600 ريال يوميا والبوكلين والجردير افضل البوكلين 750 باليوم والجريدر من الف الى الف واربعمائه ريال لاكن بشرطه تجد شركه جيده ف التعامل وصادقه فى دفع حقك لان الكثير من الشركات نصابه والوقوع فى شباكها يحتاج الى موال طويل للخروج منه المعدات ذهب وافضل مشروع لان راس ماله تقريبا موجود لافيه اجار ولا فيه بضاعه تخرب ولا فيه زباين ماتشترى عيوبها ان يحصل عطل فى المكينه وتحتاج الى توظيب وف هذى الحال يبيلك اقل حاجه عشرين الف وايضا الكفرات وايضا لاتقل عن الف وستمائه ريال لاكن عموما المشروع ناجح وهو الافضل وخصوصا هذى الايام فى وجود طفره القدم والبناء تحياتى لك
|
هلا بك اخوب
بالنسبة لرابغ عندك الشركة الصينية مدري اذا باقي ماسكة عقد او لا وعندك الشركة التركية كذلك وشركة ncc هذي شركات ماسكة مشاريع ببترو رابغ وعقودها زينة بس لا تنسى كلام اخونا شايب يمكن يتاخرون في التسديد اما مكة اخوي فانصحك اذا الموتر بيكد معك سنة بمقاولات مكة لا تتردد اذا التسديد ما فيه متعثر وكل شهر وخاصة ان العقود بمكة زينة مو اقل من 15000 ريال بالشهر 15000*12=180000ريال قل 30000 صيانة لسيارتك والباقي هو راس مالك رح واشتر سيارة ثانية ودخلها بالمشروع واستمر على ها الحال اخوي بعد سنتين وانت باذن الله تملك اربع سيارات ودراهم واذا تبي تخفف الصدمات على السست والصندوق بطن الصندوف بخشب او ربل موفق اخوي والله ييسر لنا ولك كل خير |
اخواني نصيفه الشركات تتاخر بي السداد وتكرف سياره الواحد وشروط
ويا الله تدخل موترك الي بي الوسايط والملعنه او اعذنا بي الله من الرشاوي انت استخير وجب سواق على كفالتك والله يرزقك من واسع فضله |
الله يعطيكم العافيه ما قصرتوا
انا لقيت عقد مع مشروع قطار الحرمين المشروع مربوط من المدينه الى مكه و الى جده حالين المشرووع برابغ اخذت خلفيه عن العقد من قبل شخص قريبي ليه لديه سياره في المشروع يقول العمل مريح لسياره المرمى مو بعيد عن ارض المشروع يقول اليوميه بـ 500 يعنى الشهر 15000 ريال وارزق عند الله |
والله مالي خبرة بس ع حسب مااسمع ان الي دخلو بهالمجال ماشاء الله يدخلون ذهب
بس لي سؤال وابي احد يجاوبني كم قيمه التريله ؟ وكم قيمه الشيول؟ جديده ومستعمله |
ابوي يشتغل في القلابات من 30 سنة هي دخلها ممتاز في حالتين :
1- اذا ما خربت لان تكاليف اصلاحها علية 2- اذا انت اشتغلت فيها بنفسك لان السواقين حرمية يسرقون بدون ما تحس اما اذا اجرتها على سواق فعلى سيارتك السلام لانة بيشتغل عليها باليل والنهار وبيرجعها لك منتهية |
لا تشتري الغالي بالمعدات أو التريلات
تبي تقول ليش ؟ يجيك العامل ويرجعها لك خرده وكثيرة أعطال أشتر معده فنيه تريحك للآخر وتكفيك عناء الصيانة مثلاً القريدر تأجره على الشركات ب28600 بالشهر شامل سكن وإعاشه وديزل والقريدر شغله الفعلي في اليوم 3 إلى 4 ساعات وبعض الأيام ما يشتغل مجرد معدة تدور في الموقع ولا عليها ضغط . ونصيحة مني قبل لا تقدم على التأجير لا تأجر الا على شركات كبيرة أو مصنفة لها قسم مالي ومحاسبي حتى لو تأخروا عليك ، وتحط بحسابك مبلغ لا يقل عن 15000 لأي طارئ لا سمح الله أفضل سائق للمعدة ويحترمها السوري والفلبيني والرواتب من 4 الى 6 حسب معلميته :d أعطه سيارة وجوال وراتبه في وقته ولا تخلي ناقصه شي واعطه الثقة بعد انتهاء الدوام |
الساعة الآن 04:40 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين