الأمن العام + القصيم مهم ياعيال نخيتكم
 

للرفع الله ييسر لك يارب الامور

اخوك ابو بدر

هاه فيه شي او لا
انا نفسيا دقيت على الامن العام بمكه قالو فيه وكلمهم واحد من اخوياي قالو ما فيه وش الحل وفيه تقاديم قريبه او لا

الله يجزاك خير يابوبدر يعلم الله انييييييي منحد لو على حارس عماااااااره

بس ابي اتاكد اكثر من اهل القصيم

للرفع

وينكم ياهل النخوووووووووووووووووووووه افيدوني واللي يرحم والديكم

حب لاخيك ماتحب لنفسك

القصيم مافي الى اقل شي سنتين بعد الثانوي 6شهور مافي موفق بإذن الله ...

انا خلصت مراجعاتي بالقصيم وانتظر الفرز

القصيم التقديم فيه من عريف وفووق بس

(الامن العام قصدي) يامطيري اشرب فنجانك والبس شماغك وولع سجارتك والغي الصوره الشخصيه الي ترفع الضغط وروح لانك راح توسوس في تقديم مافي تقديم قبل ماتطير الطيور بخصوص مكه مفتوح على رتبت وكيل رقيب الشهاده كليه تقنيه النظام القديم بس مادري شهادتك تنقبل ولا لا ماعرف بس الاي اعرفه ان شهادتك على رتبت عريف المناطق الرياض +عسير)هاذ الاي اعرفه امقن صح امقن خطاء . وكيل رقيب( القصيم ومكه )هاذ الاي اعرفه الاوكاد انهم طالبين عدد كبير وترا ان مادخلت اساسي راح تدخل احتياط لانه فيه ناس راح تهرب وراح يغطون من الاحتياط رح منت خصران شي بس تاكد من نوع الشهاده هي فاي منطقه يقبلونها وحتى في ناس نهاية شهر 4 يسلموا الكشف النهائي
رررررررررررررررووووووووووووححححححححححح

يااااااااااااااااااااابن الحلال انا ماعندي دبلوم انا عندي ثانويه عامه أدبي + حاسب آلي 6 شهور = جندي أول

انا ابي اقدم على جندي أول فين ؟؟

طيب ابي واحد يعطييني دبلوم وروح اقدم حاولو تفهموني تكفوووووووووووووووووووووووووون

القصيم مافيها جندي اول

القصيم يوجد بها رتبتين فقط الي هي عريف _ وكيل رقيب

جندي اول في الرياض فقط

الخالدي انت وش دراك ان بالرياض في تقديم جندي اول ؟؟

في احد من ربعك قدم عليهم وإلا لازم واسطه .. !!

ياخي لاتوسوسون بالرجال

جندي اول بس فتحةه بالرياض عشان انهم ما اكتفو


وخلاص وقفو استقبال طلبات الالتحاق برتبة جندي اول


مالك الا تدور لك واسطه يدخلك بالرياض او تنتضر التسجيل بشكل رسمي يمكن يفتحون جنود تفائل بالخير


ماتشوف اليوم امطار واجواء حلوه روق الرزق من ربك

موفق بإذن الله ... .

إلا والله الحمدلله امطار خير ونعمه وبطلع شوي للغنم بشب النار وبزهب القهوه

واللي يبي يسير حياه الله المحل محله

الوكاد يعني التقديم بالرياض قفل وكاد ؟؟؟

بعدين يالغالي مايحتاج تضرب لك مشاوير

دبر ارقام مدن التدريب واتصل عليهم واسالهم مايحتاج تروح

ياخي انا مشكلتي مشكله

رابض في محلي وانشد في تسجيل ولالا

لو اني رايح براسي احسن اوجهم وجه بوجه

انا الي اعرفه ان الرياض فيه رتبة جندي اول بس

عاد هل هو باقي تقديم للحين مدري :c

عندي ارقامهم ودقيت عليهم لي حروة اسبوعين ويصرفوني

واكثر شي مايردون اذكر واحد كلمته وتهاوشت معه وقفل الخط بوجهي عساه تقفل مصارينه

التقديم على رتبت جند اول مافيش بح خلاص الناس شطبت الامن العام حقين الجنود مالك الا كلية الملك فهد والبحريه طالبين جنود ولو بيدي اخذت شهادتك ومشيت امورك بس دحنا غلابه ربنا يوفقك

اخوي انا مدري انت من وين

بس اذا كنت بعيد عن الرياض اتصل على الاستعلآمات :d

وخذ رقم القبول والتسجيل بالامن العام و آستفسر :d

والله يكون بعونك :w

يالخالدي ماشفت كلامي اجل بالصفحه الي قبل هذي شفه ولاتهون خاصه سالفتي مع ارقامهم

وبعدين انا من حفرالباطن الرياض تبعد عني حروة 700 كيلو عرفت

ماتقصر يالامير خابر لو بيدك شي ماذخرته علي

لكن الله يعطيك العافيه ومثل ماقلت الطيور طارت برزاقها وانا ادوج بالارض

ياخي انا مدري وش اقولك :d

بس انت تعال للرياض وجيب معك اكثر من ملف

وقدم يمين ويسار وربي بيرزقك

رح لحي الوزارات هناك قدم على كل شي ورح للامن العام ومنها تستفسر عن الامن الدبلوماسي خخخ :d

الامن الدبلوماسي
هههههههه

لا وازيدك من الشعر بيت يقولون الامن الدبلوماسي الدورات الجايه وقفوها ألغاء يعني

مدري ليش حظي منخسف بالارض يالله تفرجها ياكريم

شف بوفر عليك مشوار 1000 كيلو تقريبا .... لاتروح لهم بيردونك خذ العلم الأكيد
ليه ؟ لان الشهادات الي يقبلونها بالقصيم
1- كليه تقنية سنتين ونص لرتبة وكيل رقيب
2- ثانويه عامه + دورة أو دبلوم لمدة سنه ونصف لرتبة عريف
وصدقني لو رحت لهم بنفسك وجهاً لوجه ماراح تسمع منهم كلام زياده غير هذا
( التقديم عندنا على رتبة وكيل رقيب ورتبة عريف والمؤهلات المطلوبه ( الموضحه أعلاه ) عندك ؟ بتقول لا ! بيقول الله يستر عليك رح الرياض !! )

رقيب وجندي اول وجندي لايوجد بها تقديم السنه هذي بالقصيم
جندي اول على ماعتقد بالرياض وعسير والظاهر إنهم مكتفين ومعد يبون عدد زيادة
هذا العلم الأكيد ومتاكد منه وسلامتك
وأتمنى لك التوفيق عاجلا غير أجل انت وكل العاطلين والعاطلات ..
تحياتي

اخوي انا اشوف لك اكثر من موضوع وشكلك مستعجل

على الوظيفه وكلنا مستعجلين :d

بس انت تعال للرياض وقدم على الاقل على وزارة الدفاع هناك فيه اقسآم

لآن الجيش على طول التقديم مفتوح واذا انقبلت تداوم الين تجيك الدورة

وترى فيه اقسام حلوه مثل الشرطة العسكريه الخاصه و استخبارات الجيش عجل على عمرك :d ....

وشاور نفسك :d

وترى رواتبهم حلوه هذي الاقسام الي قلتك عنها وفيها بعد اقسام اكيد رواتبهم عاليه

آبوعبدالله الله يعطيك العافيه يالغالي ماقصرت وفكيتني من عنوه ومصاريف

الخالدي يس انا مستعجل لان عمري على مشارف الثلاثين عرفت ومافي قطاع قبلني كلهم عفوا لم يتم قبوووووولك

وبعدين تكفى فكني من الجيش وطاريه لو ابيه رحت له عندنا بس مابيه يعني اصوم اصوم اصوم واخرتها افطر على بصله ؟

ابي اصبر والله يكتب الي فيه الخير وشاكرلك على وقفتك الطيبه يالحلو

اروح بكره لمدينه التدريب ببريده ولالا معي دبلوم علموني تراي متوتر

حبيبي هذا الاعلان اللي تم فتح التقديم مره ثانيه في مدن التدريب بالامن العام ولك التحيه

علنت مديرية الأمن العام - شؤون التدريب (للمرة الثانية) عن فتح باب القبول والتسجيل للدورات العسكرية برتبة

(رقيب) (بكالوريوس أو ما يعادلها) على أن لا تقل مدة الدراسة عن أربع سنوات ورتبة

(وكيل رقيب) للكليات المتوسطة والكليات التقنية أو ما يعادلها والتي تزيد مدة الدراسة المقررة لتلك الشهادة على سنتين وستة أشهر أو حملة الشهادة الثانوية العامة لجميع أقسامها + دورة تخصصية تزيد مدة الدراسة عن سنتين إلى سنتين وستة أشهر، ورتبة

(عريف) لحملة الشهادة الثانوية العامة لجميع أقسامها + دورة تخصصية تزيد مدة الدراسة عن سنة وستة أشهر إلى سنتين، وذلك للعمل بالأمن العام بعد التخرج ويكون القبول بمدن التدريب التابعة للأمن العام في كل من


(الرياض لرتبة رقيب)
(ومكة المكرمة لرتبة وكيل رقيب)
(وعسير لرتبة عريف) (والشرقية لرتبة عريف)
(والمدينة المنورة لرتبة وكيل رقيب وعريف)
(والقصيم لرتبة وكيل رقيب وعريف)
وعلى الراغبين في الالتحاق بالخدمة العسكرية مراجعة مدن التدريب مباشرة اعتباراً من يوم السبت الموافق 1/1/1433ه وسيستمر التسجيل حتى اكتمال العدد المطلوب على أن تتوفر في المتقدم الشروط السابقة مع ملاحظة التقيد بالشروط والمستندات المطلوبة وسوف يكون الحضور والمراجعة عند الساعة السابعة والنصف صباحاً مع ملاحظة الحضور بالزي الرياضي وحلاقة الرأس رقم (1). والوثائق المطلوبة للتسجيل عند المراجعة بمدن التدريب هي:
1- أصل بطاقة الأحوال المدنية.
2- أصل المؤهلات المطلوبة وصورة مصدقة منها من مصادرها.
3- أصل شهادة حسن السيرة والسلوك وصورة مصدقة منها من مصدرها.
4- عدد (6) صور ملونة حديثة مقاس (4X6) كاشف الرأس.
5- ملف ترتب بداخله جميع الأوراق المطلوبة أعلاه.



للأمانة منقول: https://www.btalah.com/showthread.*****..#ixzz1nQHlW6zE


ان شاء الله اني قدمت ما يفيدك

بس روح للمدينه اللي فيها تقديم شهادتك

روح حتى لو تنحط احطياط ناس كثير يخرج في 45

ولك تحياتي

اخوك ابو بدر

موفق بإذن الله ... لك مني أجمل تحية ..

بالتوفيق

ربي يسهلك

موفق بإذن الله ... لك مني أجمل تحية . https://www.btalah.com/signaturepics/sigpic188192_11.gif

لو الله يفكك من هيااطك ان شااء الله تتيسر


اكررره الهيط والمهااايطه