هذا الي صار معي في السجون 5/4
 

بسم الله الرحمن الرحيم
كيفكم يا شباب طيبين , ندخل في الموضوع على طول
انا اليوم كان موعدي في السجون بتاريخ 5/4
ورحت للجنة القبول والتسجيل الي على طريق خريص دخلت عليهم الساعة 8:45 طلعت من عندهم 9:00
المهم وانا داخل للصالة حقتهم الا القاء ورقة بيضاء عند الباب ومكتوب فيها جميع تخصصات حقت الكلية التقنية
وانا داخل ومعي شهادتي وكل شي الي هم طالبين
ما فيه الا ثالثه عرفاء و واحد مدني على الكمبيوتر
قال لي الي على الكمبيوتر عطني شهادتك و بطاقة احوالك
واجلس على الكرسي علشان اصورك المهم وهو يصورني طبع لي ورقة للكلية و ورقة للاحوال المدنية
وقال لي رح للعسكر الي جنبه واعطيهم الاوراق قالو ابصم قلتلهم سمع وطاعة
وقال لي عطني صورة وحده علشان يدبسها في دفتر الالتحاق
وقال لي الي على الكمبيوتر بطاقة الاحوال ابيها اسود و وابيض ما ابيها ملونة
هالمرة بمشيها لك ... قلت اوكية اخلص علينا يا هووووه من عيوني الي تبي بس اقبلوني هههههه
وعطوني دفتر الالتحاق بالعسكرية وقالي كمل الدفتر وتعال لنا في 29/5/1433
قلت مشوار قالي العريف احمد ربك ما قلنا شهر 8
وقالي خلاص رح توكل على الله الله يستر عليك .
المهم خلصت منهم في غضون 10 دقائق ان كانها واجد
ما لقيت ولا ابن امه ما فيه الا انا لحالي (نفسيه) او ان (الوظيفة تنتظرني ) خخخخخخخ
ولا سوى لي قياس طول ولا وزن ولا اي حاجة مرررررررره
المهم ان حبيت استفسر عن الرتبه قال لي العريف كم مدتت شهادتك قلت سنتين قال عريف
وقلت غريبه ما عندكم زحمة قال لي حنا معطينا كل مجموعة يوم لمدة شهر
علشان ما يكون لخبطه وهكذا وزحمة ومنظر غير حضاري وهكذا
وقلت كم الي مقدمين عليكم قال لي 7000 مقدم على هالوظيفة
وقلت كم تبون منهم قال لي 650 او 700 طالب
قلت دفتر الالتحاق يعني قبول نهائي ولا وش السالفة قال لي يا حبيبي باقي لك الكشف الطبي وبعدين يحلها ربك
وقلت له عندي استفسار قال تفضل قلت الي معه دبلوم من معاهد اهلية
قالي لا يجي ...
ما نبي الا كلية التقنية فقط...

يا شباب الي معاهم معاهد اهلية وخاصة الي مهب قريبين من الرياض لا يجون
ويا القط الضائع .... قالي بالحرف الواحد لا يجون ... طبعا الي قالي هالكلام عريف مهب ضابط يمقن مهب ثقة ويمقن صادق لان شفت ورقة مكتوبة كلية التقنية وتخصصاتها

وسالت عن الدورة قال يابن الحلال خلص هالاوراق وخلص الكشف الطبي بعدين اسال متى الدورة
قلت اوكية ماشي يا عمي بماشيه علشانك هههههه
وهذا وصلى الله على نبينا وحبيبنا محمد صلى الله عليه وسلم
اي استفسار يا زقرت انا عند الطلب
وموجود وخدمة اكسترا وكل حاجة هههههههه استخف بدمي معليش
واعذورني ما كتبت هالموضوع بسرعة لان ابوي كان عنده رجاجيل وغداء وهكذا
تقبلو تحياتي .................

فالك القبول النهائي يا رب

الله يجزاك خير

ما سالتهم عن الثانويه العاامه حقينا ثلاثه سنووات حسبي الله ونعم الووكيل

لا والله وانا اخوك ما سالتهم

طيب فالك القبول والله يوفقك .
بس ماشفت التخصصات فيها مكانيكا سيارات ولا

الا فيه , وكمان جميع تخصصات الكلية التقنية

حبيبي مافيه تفرقة على حسب علمي بشرط تكون مختمة من المؤسسة التعليم العالي وانا قدمت جميع اوارقي في قطاع عسكري

المطلوب للمديريه العامه لسجون كلية تقنية فقط لا أحد يروح يتعب نفسه فقط خريجي الكليه التقنيه بأالاقسام المطلوبه المعلقه في الاداره العامه لسجون غيرها مرفوض مافي واسطه مافي أمل الابعد الفرج من الله سبحانه

الله يجزاك خير

بس غريبه مافيه غيرك عندهم مو معقوله