|
التوظيف بمستشفى الدكتور سليمان الحبيب
السلام عليكم ورحمة الله وبركاته اخواني الاعزاء حبيت استفسر منكم عن طريقة التوظيف بمستشفى الدكتور سليمان الحبيب بالرياض وين اقدم وكيف؟؟ وهل فيه وظايف لحملة الثانويه؟؟ وكيف نظام الدوام؟؟ والرواتب كم؟؟ ياليت تفيدوني ولكم مني دعوه خالصه |
|
^^^^^^^^
اشكرك اخوي جزيل الشكر على الرد ولكن قد شفت هالموضوع ومافادني بشي وارسلت سيرتي الذاتيه من شهور وماجاني رد جزاك الله خير ووسهل لك بكل درب تسلكه* |
|
^^^^^^^^^^
اهلا وسهلا بك اخي اهلا وسهلا ^_^ اشكرك على الافاده ووفقك الله وسدد خطاك وماقصرت والايمل اضن انه نفس الي ارسلت عليهم قبل وابرسل مره اخرا بس اخاف يزلبوني وياليت تفيدوني باستفساراتي اذا كان عندكم بها علم جزاكم الله خير |
موفق بإذن الله ... لك مني أجمل تحية .
|
السلام عليكم ورحمة الله وبركاته
اخوي الملازم نايف التقديم خلف مستشفى سليمان الحبيب اللي على طريق الملك فهد مبنى الشؤوان الاداريهـ مسؤول التوظيف / فهد الكبير الدوام طبعا فترتين مو ثابت مره الصباح ومرهـ العصر ومره بعد الظهر مر يعني ماله اي وقت محدد والاجازهـ يوم الجمعه فقط وظايف حمله الثانويه ( خدمات عملاء ) طبعاء يسوون لك تدريب على نظام السستم وحفظ اسماء العيادات بالانجليزي وتحفظ المباني وبعدها يسوون لك تقييم اختبار اذا اجتزت حلو على حلو واذا ما اجتزت الاختبار يرجعون يعيدون لك الدورهـ لحد ما تجتاز طبعاء الدوره فيها شويه نرفزه بس يبي لك طوله بال وانشاءالله راح يقبلونك بي طريقه والتعيين بيكون في مركز سليمان الحبيب ( فرع التخصصي الجديد ) لانهم محتاجين موظفين وموظفات كثيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييير الرواتب 4000 بعد خصم التامينات الاجتماعيهـ موفق بإذن الله ... لك مني أجمل تحية.... |
اقتباس:
اقتباس:
وبيض الله وجهك على الرد الوافي ياوافي والله ماقصرت واسئل الله ان يوفقك ويفتحلك ابواب رزقه من حيث لاتحتسب معليش ابتعبك معي بالاسئله وش اجيب معي من اوراق اذا جيتهم ؟؟ وهل اقدر ادرس واكون بنفس الوقت موظف عندهم؟؟ وهل الراتب قابل للزياده بعد مده ولا مكانك سر؟؟ |
الان هم بحاجه وظائف انا ارسلت لهم ماحد رد علي كله حكي فاضي ؟؟؟؟؟؟؟؟؟
|
شـكرا لك وبارك الله فيك... لك مني أجمل تحية .
|
الافضل تودي الاوراق لين المستشفى نفسه اللي ب العليا اتوقع
موفق |
السلام عليكم ورحمة الله وبركاته
هلا فيكـ زود ووجهك ابيض ماسويت شي لبى قلبكـ تستاهل اكثر انت والوجيه الطيبه شرواكـ تحت امركـ اي وقت الاوراق المطلوبهـ طال عمركـ : 1ـ السيرهـ الذاتيهـ + شهاده الثانويهـ +شهايد الخبرهـ ان وجد + حسن سيره وسلوكـ + صورهـ بطاقهـ الاحوال + صورهـ شخصيه ..... من نايحة تكون تدرس وبنفس اللحظه موظف واللهـ مادري بس على ما سمعت الان نزل قرار من صندوق الموارد البشريهـ مايقبلون طالب هذا على ماسمعت ... وتقدر تتاكد من الاخ مسؤول التوظيف / فهــد الكبيــر . مبنى الشوؤان الادايهـ من ناحيهـ زيادهـ الرواتب اكيد فيهـ زيادهـ بس اهم شي تثبت وجودك لهم وتنتبهـ لشغلكـ على شان مايطلع علي عجز مبلغ وقدرهـ الله لايقدر عليك ولا على احد بشر .... والله يوفقك ويسعدك ويفتح لك ابواب رزقهـ ويرزقك كل ماتتمنى ..... ******** ضحكهـ خجوله <<<< من ناحيهـ ترسل لهم ( sv ) انسى انهم يتصلون عليكـ لان الافضليه للي يقدم مباشر في الشؤوان الادرايهـ يعبي ( طلب التوظيف ) مرهم وسلم لهم الاوراق وعبي الابلكيشن وبأذان الله راح يكلمونكـ لتحديد موعد المقابله الشخصيهـ باقرب وقت واتمنى لك التوفيق يارب .... |
يسر الله امري و امــــركـــ............
|
بارك الله فيك ...بالتوفيق جميعا
|
ضحكة خجولة جربي روحي ولا ولي امرك وبالتوفيق ان شالله واشكرك ع المرور غرام الاحباب موفقه بإذن الله ... لك مني أجمل تحية . الجمانه اشكرك وجزاك الله خير ووفقك لكل الخير واشكرك ع المرور :mنظامساهار:m ياشيخ روح عسى الله يفتحها بوجهك وين ماتروح ويرزقك بالمال والجاه والعيال تعبتك معي يالغالي وماقصرت والله ماانسالك هالافاده وابشر باللي يدعيلك دايم المميزه دوم ااميين والله يوفقك بالي تتمنين واشكرك على المرور وافوض امري وياك ان شالله وموفق |
السلام عليكم ورحمة الله وبركاته
ملازم نايف حبيب قلبي اذا تبي النصيحهـ من اخوكـ روح للموراد البشريهـ اللي بطريق الملك فهد جنب اسواق التميمي ... خذ شهايدك والسيره الذاتيهـ وباذن الله تعالى تلقى الوظيفه اللي انت تبيها يخيرونكـ وانت تختار وكل اسبوع تنزل وظايف يعني يشغلونك غصب عنهم ورواتبهم حلووه اخبر واحد من الشباب دخل شركه سايكو للتامين التعاوني والله راتبهـ ( 5160) وخميس وجمعهـ اجازهـ واتمنى لك التوفيق يارب واسال اللهـ ان يرزقك الوظيفهـ الي تسعدك وانشاء الله اسمع عنك اخبار حلوه قريبا .. تحياتي لكـ ....... |
نظامساهر :m
وعليكم السلام ورحمة الله وبركاته اشكرك كل الشكر على الافاده وجزاك الله خير يالطيب والله مهما اقول يعجز لساني عن شكرك وان شاء الله ابفيدك بجميع التطورات الي تسرك ;) بالتوفيق يالبى قلبك |
| الساعة الآن 09:49 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين