اقتباس:
لا ترا أنا لما كتبت ماكنت معصبة:) بس الجد الجد الجد أنا أننننقهر على حالنا في مجتمعنا وبجدييية لو البنت غلطت أصغر غلط قالو عنها ماترربت واذا الولد ارتكب اشششنع الكبائر قالوا عنه (طايش يكبر ويعقل) وأنا متأكدة ان مو الكل وانما((( البعض))) لكن هالبعض كل شوي يزيد وبالنسبة للي قرقع بقلبي فأنا وبغض النظر عن كوني متزوجة أو لا فأنا أعيش وأشوف من حولي حال المجتمع ككل مو شرط أكون عايشة هالشيء بس مايمنع أتكلم فيه وأنبه هالرجال وأمنية حياتي أمسح هالجملة من قاموس مجتمعنا (الرجال شايل عيبه)مع ان لا ربي ولا رسوله قالوا كذا بس وش نسوي بهالمجتمع مدري متى بنصحى ونهتم بديننا أكثر من عاداتنا وأعرافنا عموما أعتذر مرة ثانية عالإطالة وماكنت معصبة أببدا عندي قصة بغيت أحب راس واحد فيها اكيد كثير سمعوا فيها شاب تزوج بنت ماتعرف تطبخ وداها لبيت أبوها وقال علموا بنتكم علوم الحريم المهم بعد فترة اتصل الأب عالزوج قال له تعال خذ زوجتك ولما جا ياخذها قال الأب أبشرك بنتي صارت تعرف تطبخ حتى الذبيحة استانس الزوج وقال نادها خل نمشي قال الأب ماتطلع لين تذوق الذبيحة من يدها ويطلعه للحوش ويقول يالله اذبح ذا الغنمة واصلخها عشان تطبخها زوجتك قال الزوج الحمش بس أنا ماأعرف أذبح قال الأب رح لأبوك تعلم المراجل ثم تعال خذ البنت لو كل مجتمعنا يفكر مثل الأب كان احنا بخير ولله الحمد |
كلام جميل
بستثناء اقتباس:
يعني ايش اذا غضب الزوج وهي وشو قطعة اثاث ماتغضب ولا تحس البادي اظلم دام هو الي بدا يتحمل الي يجيه |
اقتباس:
لكن إذا كان هو ظالمها أو سب أهلها أو غلط عليها أو .... إلخ ففي هذي الحالة الوضع بيكون فيه مشاحنة و مشكلة فبالتالي في هالحالة بيكون فيه صراخ و غضب و زي كذا لكن في الأصل الزوج إذا كان غاضب المفروض إن الزوجه تسكت لين هو يهدأ و بعد كذا تتفاهم معه .. لأن النار ما تنطفي بالنار و الزوجه العاقلة تتحمل و تصبر على زوجها في لحظة غضبه و بعد كذا لما يهدأ تقول له اللي في قلبها كله و راح يطيعها و يسمع كلامها فلابد تكون الزوجة ذكية و تستغل الوقت اللي هو يكون فيه هاديء و تعرف كيف تتصرف مع رجالها |
اقتباس:
إيه قد سمعت هالقصة ... يعطيك العافية .. و أسأل الله ان يحقق حلمك لا .. لا .. أقصد احلامك إنت و والديك و المسلمين |
أتمنى من شاب و فتاة قبل الزواج أن ياخذوا دورات عن الزواج
و اتمنى إن الدولة تجعل هذه الدورات إجبارية |
الله يخلف علينا بس
(((بعض))) الرجال , لا يصلحون كازواج ولا حتى آآباء للأسف . فاهمين الحياة الزوجية غلط في غلط شكرا ع الموضوع عموما ..بس تدري ليه البنات تنرفزوا لان فيه شباب كثيير في مجتمعنا يجيك ماشي مليون ويعجبه الكلام اللي انت كتبته وتحصل اخلاقه ما تنبغى ولا بقرش هالشيء اللي يخلينا نضطر نرد علشان بعض العقليات . اجل تقول : يجب ان تستقبلي زوجك بعد ما يرجع من العمل ,, طيب لازم تنتبه ان الزوجه ممكن تمر عليها أيام جسمها منهد من العيال والطبخ والترتيب .. هاليوم اللي ما قدرت ترحب بأبو الشباب وكان ابو الشباب عقلية هالكبر وشلون بالله بنطلع منها. صحيح انت ذكرت (لبعض) ع قولتك بس ع فكرة بناتنا في معظم الاحيان مساااااكين ما يستاهلون هالكلام وهالمواضيع اللي توجه للمرأة منتشره بغرابة .. رغم ان الرجل في مجتمعنا .. شوي ويقص ظهر الحرمة .. لا تقدير ولا تفهم الا حالات (ناااااااااااادرة) جدا للاسف ولا وإاذا شفته اخلاق مع زوجته تجمعت عليه شياطين الانس والجن لحد ما يزعزعون العلاقة .. يارب إعانتك وسترك ورضاك أقول ما ودك تكتب أو تنقل موضوع موجه للرجال فقط ,, وكيف يتقون الله في المرآة ؟؟؟؟ (مجرد اقتراح) وبالمناسبة ع طاري انها تقدر أهله وتصلهم ..ترى في أهل زوج ..ما تقول اهل ..إلا تقول (يهود) ,,ينصبون العداء والمؤمرات (طبعا بعض أهالي الازواج) .. مضطرين نقول بعض كل ابو شوي يا ويل حالنا والزوج يجبرها على زيارتهم لحد ما تكرهم وإذا كرهتهم ,, قال انتي وانتي !! |
اقتباس:
أشكرك على الرد و المشاركة :) أرجع أكرر و أقول لازم اللي يكون مقبل على الزواج من قبل الطرفين عليهم بأخذ دورات عن الزواج و الحياة الزوجية و أتمنى إنها ما تكون فقط يومين و أتمنى من الله عز و جل إن تكثر المؤسسات و جمعيات إصلاح ذات البين ... |
دايما نسمع نصايح للمرأة كيف تتعامل مع زوجها وتداريه خلااص زهقنا
ونادر نسمع نصايح للرجل كيف يعامل المرأة ودااايما نصايح للبنات والحجاب والحجاب والشاب محد ينصحه وكأن الرجل لايحاسب على معاصيه استغفر الله عشان كذا المرأه تقدمت على الرجل بالسعوديه بكل شيء تقريبا جات على روسهم بالاخير |
اقتباس:
إنني لا أقصد بهذا الموضوع إلا الزوجات و الفتيات الوقحات التي لا تحترم ولا تقدر الحياة الزوجية أو الزوج |
يعطيك العافيه على هالموضوع الحساس <<<:wa
كيف تعرفي أنكِ لا تنفعي زوجة ؟ انا عن نفسي عرفت اني انفع:d ملاحظة للزوجة : تذكري ان الزوج طفل صغير مهما كان ذو عمر كبير:k ملاحظة ثانيه= كل مايجب على الزوجة يجب على الزوج لان الزواج حلقة مربوطة:b عندي ملاحظة بعد على فقرتين : 3- اذا غضب زوجك ورددتي عليه الكلمة بعشر كلمات ورفعتي صوتكِ عليه إذا لا تنفعين زوجة[COLOR="red"]<<صحيح نصيحة للبنات والزوجات اسمعي من هنا وطلعي من هنا لاتنفعلين وقت غضبه مايصلح تنفعلين وهو منفعل مثل المغناطيس كوني !! الافضل تضبطين اعصابك مو ضعف فيك الا قوة <<وبعدين لاهدا الجو ومر يوم يومين افتحي الموضوع بهدوووووء تام مع تهيئة جو مناسب ومريح خلي الموضوع عتب (زبدي له ):i وتناقشي معه ووضحي له انه لاينبغي ان يرفع صوتة وانك لاتحبين هالاسلوب وماينفع معك ومن حقك تطلبين منه الاسلوب وتوضحين الاسلوب اللي يمشي معك ويمشي الامور دون توترها وان انفعاله غير مبرر وماتستفيدين شيء في حين عززي رجولته في هالموقف بدون ترفيع في النفس ووضحي ان الصراخ ورفع الصوت مو قوة ابدن وذكرية ان طلعت منه الفاظ وكلمات غير مقبولة الى الان ترن في اذنك !!! /COLOR] ^ للي قالوا انها قطعة اثاث وقت الغضب والملاسنه خليه وهو معصب <<<مع نفسه هههههه استغفرالله امزح = حبيت اقول من صالحك انك تتمالكين اعصابك وتاخذين لك فليك تروقين عليه 7- إذا حانت الصلاة ولم توقضي زوجكِ للصلاة ولم تأمريه بطاعة الله عز وجل وتطلبي منه ترك المحرمات وتعينيه على التوبة إذا فأنتِ لا تنفعين زوجة . الزوجة لا بد أن تعين زوجها على الطاعة وتعينه على ترك ما حرم الله ولا تعينه على معصية الله فلو لم تعيني زوجكِ على طاعة الله وتعينيه على التوبة فما فائدتكِ كزوجة !.البعض يعلق الذنوب على الزوجة!!!(انك لاتهدي من احببت) وسلامتكم:w |
الساعة الآن 02:38 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين