ياااخوي التسجيل للدبلوم هذه الفتره ...
تسجيل الثانويه شهر 8 زي كل سنه .. ^^ لحد يتعب نفسسه .. |
صدقوني انا سجلت بالثانوية
وبالتوفيق للجميـع |
اخوي علاووي تستهبل انت ولا وش قصتك ياخوي يعني معقول الموقع مايضبط الا معك انت ومعي ومع الشباب يطلع دبلوم مايصير ياخوي يا انك مضيع الطاسسه ومشبه او انك ماعرفت تشرح لنا طريقه تسجيلك بالضبط عشان نتاكد هي للثانويه او للدبلوم واتمنى الرد بجدديه وبوضوح تام وبدون الغاز لان الوضع مايستحمل يالطيب فيه غيرك ينتظرون هالتسسجيل ب احر من الجمر وب انتظارك
|
اقتباس:
اول شي لو انا استهبل ماكان رديت عليكم ولا كان اعطيتكم الطريقه اللي انا سويتها ثاني شي .. انا سجلت بالثانوية العامة ( امس المغرب ) واعطوني رسالة بالجوال برقم الطلب وبالايميل بعد مو من مصلحتي اني استهبل عليكم ومثل ما انا ابغى استفيد ابغى غيري يستفيد حتى لو ما انقبلت في غيري محتاجها لكن انا امس سجلت بالثانوية .. والطريقه اللي سجلت فيها اعطيتكم واللي انا سويته بالتسجيل طرحته لكم ورجاء محد يحط اللوم علي لان انا اللي سويته قلته ولو عندك كلام او استفسار اكثر , لا تتعب نفسك وجيب رقم هاتف صدارة وكلمهم والسلام عليكم :w |
طيب ي اخوي علاوي عسسى عمرك ططويلٍ طريقه تسجيلكُ اروح لايقونه طلاب مسجلين وبعدين اضغط مستخدم جديد وبعدين اخر الصفحه اضغط ع طلب التحاق وبعدين تطلع لي استماره بيانات صح كلـامك بس اللي انا اقوله اخااف هالاسستماره مخصصه للدبلووم بس ي بعدي يعني اسوي زي ماسويت وماتفرق ثانوي او دبلوم
|
يعني اسسجل والباقي ع الله سبحانهُ ولـا كيف ي الذيب
|
والله اللي يريحك يا غالي
لو تبي تسجل سجل ... وعسى ربي يوفقك |
والافضل انك تتصل عليهم وتستفسر اكثر
لان اكثر الموجودين يقولون دبلوم وانا سجلت بالثانوية لا تستعجل اخاف وقفوا الثانوية اليوم .. لان امس ويشهد الله اني مسجل بالثانوية اخاف لو سجلت تلاقي دبلوم والله يوفق الجميع |
قبل امس كنت اراسلهم عاللايميل بخصوص التسجيل وسبحان الله صادفت موضوعك
هل يتم قبول لخريجي الثانوية 1432 هـ العام القادم ان شاء الله ؟ عزيزي المتقدم، السلام عليكم ورحمة الله وبركاته، نقدر لك اهتمامك ورغبتك في الإلتحاق بشركة صدارة للكيميائيات، ويؤسفنا إبلاغك بأن باب التقديم لا زال مقفلاُ، وسيتم الإعلان عن الفرص الوظيفية المتاحة في حينه. ويمكن توجيه اي استفسارات بهذا الشأن إلى العنوان التالي لاحقاً فور الإعلان عن الفرص الوظيفية: مع خالص التحية شركة صدارة للكيميائيات لا يوجد هناك معهد أسمه معهد صداره للبتروكيميائيات متى يتم فتح التسجيل في معهد صدارة للبتروكيماويات ؟ |
السلام عليكم ورحمه الله وبركاته
التقديم هاذا فقط لحملة الدبلوم بالتخصصات التالية : الكيمياء الانتاج و البوليمرات و الالات الدقيقة و الاختبارات غير اتلافية و التشغيل المعامل . اما الثانوية بالاذن الله التقديم سوف يفتح في شهر شعبان بالتوفيق لكم . تحـــــــــــــيتـــــــــــــي ... |
الساعة الآن 05:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين