لماذا قياس الطول والوزن مهم لدى القطاع العسكري؟
السلام عليكم ورحمة الله وبركاته
شباب اسعد الله اوقاتكم بكل خير واحب ان تكون اول موضوع لي با المنتدى الشامخ سؤال يطرح نفسه نعم لماذا القطاعات العسكرية يهمها الطول والوزن وجة نظري ان هاذا الشرط تصريفه ويستخدمونه كا عذر لعدم القبول المبدئي وارجوا منكم المشاركة عشان ينور الموضوع بردودكم |
:court:لا حد يستحي ترى انا عاطل مثلك
|
مالك لوا يالحبيب القامة مهم للرجل العسكري القامة تعطي هيبة واحترام وتعطي الرجل العسكري وجود
خصوصاً بالقطاعات المهمة والحساسة بعدين يا اخي القطاع العسكري له تفاصيل يمكن حنا مانستوعبها ولا نهتم لها لكن بالكواليس لها اهتمام كبير .. |
والله لايظر ولا ينفع لاطول ولا وزن
يعني بنفع في الحروب مثلا ؟؟؟؟ ولوانه يأثر كان اهل الوسطه مايقدرون يتوسطون في الطول ولا الوزن بس السالفه روتين فقط لاغير |
ياخي حتى انا مقهور مطرود من قطاعات بسبت الطول بفهم بس هو الي قصير مو رجال ولا ايش
اذا ع القوه شوفني مهجد اعيال الحاره كلها وانا اقصرهم بس ياخووي لو الطول كان مو من الشروط كيف راح تكون الواسطه يعني لو مافي طول عز الله محد توظف غير اهل الوسطات...... |
سياسه العسكريه كذا مالنا ومالهم والله يوفقنا ويوفقكم
|
وايش تقول على الحرس الملكي والي ذحين عندهم يبغون 180 وفوق الي هم حرس الشرف
|
اقتباس:
كـــــــــــــــــــــــــــــــــــــــلام في الصميم |
اقتباس:
يازين قــطاعات الـداخــليــة 168 وتجي سهالة :rolleyes::rolleyes: الــــــــفرق 13 سم لو تشد عمرك كله ماجبت 3 :s:s |
امسك او شيل السلاح وتعرف الاجابه
|
نتفق معكم على الطول
لاكن الوزن انا انطردت من كذا قطاع بسبة الوزن اخر شي الاسبوع الماضي بالمخدرات انطردت عشان وزن طيب يرحم والديكم الحين عندك دوره 9 شهور تبي تكدن وتكد غيري يعني الوزن يبي ينزل غصبن عني صارت تعقيد العسكريه ياخي افتحو المجال بوجيه المواطنين خلونا نعيش مو تعقدونا دراسه مانبيها نبي نتوظف والله حاله |
مهم جد البنية الجسمية والي يقول مهجد عيال حاره طيب لو تقابل ارهابي طوله 175 وانت 165 تعرف ان الله حق ..
|
هذا الشي لازم منه
|
ياخي لا تعقيد ولا شي بالعكس أنت لو تفكر فيها تأيدهم
لأن مثلا اللي يقول الحرس الملكي حرس الشرف طالبين 180 حرس الشرف شغلتهم يسون درع وأكيد شفتوهم اللي يوقفون صف واحد ويحمون الملك او الشخصيات المهمه في المطارات يعني أنت تخيل المنظر اذا واقفين صف ويجيك واحد طويل واحد قصير وأغلب القوات الخاصه طولهم أقل شي 170 يعني قطاعات محدده اللي يشترط فيها الطوال وانا معك ان الكلام فالقلب ماهو فالطول بس هذي الشروط منطقيه وأكيد كل العالم يهتمون فيها بس اللي مايدخل العقل واللي المفروض تفتح موضوع عشانه هو النسب العاليه وحديثين التخرج اللي صار شرط أساسي فالأمن العام وماله داعي يعني العسكريه عالميآ معروفه للناس البسيطه واللي على قد حالهم المفروض التخصص اللي يحتاج دوافير يكون لهم تقديم لحالهم لأنهم فالعدد أقل من اللي نسبته طايحه وكان يدرس ليلي |
اقتباس:
|
يا رجال مافكك الاتحاد السفييتي الارجال لابالطول ولا الوزن والدولة تعتمد على الداخلية علشان كذا تبغا اجسام اما لاقدر الله في حرب فتعتمد على المجاهدين
|
اقتباس:
جاكي شان معه فنون قتاليه ومتدرب انت وش عندك ؟ بالنسبة تقول الامن زمان والطول 165 فرق بين زمان والحاضر كل شي في الحياة يتغير ... |
امسك او شيل السلاح وتعرف الاجابه
ليش الجيش يقبل اي اطول والداخلية لازم 170 الجيش هم الى عندهم الاسلحه صح اسلحة ماقد سمعت بسمها عشات تعرفعا والداخلية مسدس على القايش فاضي والا رشاش اذا كبرت السالفه |
اقتباس:
بس شكلك من الناس الي تخاف من الاطوال يعني بالعربي طويل قوي قصير رخمه ياخوي والله ثم والله اني تهوشت مع ناس ما ابي اقول اني بطحتهم ولكن يكفي انهم اشتكو علي بالشرطه خيفين مني واحد بالامن الخاص الحين والثاني بالطواري والثالث عاطل وكلهم اطول يعني 175 وانت طاااالع قال ايش قال ارهابي هي ع القلب يا الغالي |
اعطيكم من الاخر وش الفايدة لم يكون طولة 170 وهزيت علية هرب
هههههههه مافي فرق في مثل يقول لا يغرك المظاهر ترى الشجاعه في القلب وليس المظهر او الطول |
شوف انا معك أن الطول مالهم حق فيه
اما الوزن لا والله لابد يكون دقيق شوي على طاري الطوووووووووووول والله قرأت مرة تعميم صادر من خادم الحرمين أن الطول يكون 160 للقبول العسكري لكن لااعلم لماذا لاينفذ |
اقتباس:
الجيش اهم من الداخليه وخصوصا وقت الحرب والجيش يقبل 155 واقل بعد والداخليه اقوى سلاح عندهم فرد << خصوصا الامن الداخلي يعني الطول مافرقت سواء طويل او قصير ــ عسكر الصين واليابان اطوالهم بكثير 160 واقل وماحطو شروط مثل ربعنا وبأذن الله ينزلون في الطول بحد ادنى 163 الى 165 وبكذا بتنحل اغلب العطاله في المملكه الحبيبه:k |
يارياجيل جعلكم سالمين انا بختصر كلامي واقول الملك عبد العزيز يوم وحد المملكة هل قال للجيش العور لايجي والقصير لايجي والدبه لايجي الى مالانهاية
ياما اصغار سوو العجايب ويمكن ولائة للوطن اكثر |
موفق بإذن الله ... لك مني أجمل تحية .
|
اذكر قصة واحد افريقي طالع اخر الليل وماسكينه الدوريات والله هو طوويل صح امكن طوله 189
مدري ايش مسوي مصيبه بس تصدق جات اكثر من دورية امكن 10 دوريات والعسكري زي الاطفال تحت الرجال كل واحد يكلبش من جهة بس الرجال والله خلعهم شكله عنده طوول بس والله الي ضحكني ان العسكر جايين زي البزران تحت الرجال تخيلو المشهد بس ههههههه |
اقتباس:
يا الغالي مسالة الطول اشوف ما فيها فايدة خصوصا مع كثرة العاطلين هالاليام يعني اذا تقول نبي طويل عشان اذا واجة عصابات او مجرمين يهابون من طوله يا رجال بيهابون ويخافون ويسلمون انفسهم اذا شافو الرشاش ببيده ولا اذا مهو مسلح مسكوه وعلقوه |
ياخوي مو لازم سلاح الرجال مسالم مسلم ما قاوم رجال الامن عشان كذا
|
يجي من يفيدك
|
اسعد الله مساكم ..
اخواني بالنسبه للطول وربي مسألة تعقيد لا اكثر .. يعني كأنهم يقولون انت رجال قصير ما انت كفو لخدمة الوطن !!!! الحين اللي يقول الطول هيبه وارهابي ومدري ايش . ليش مايكون لكل قطاع اختصاصه . يعني هم يدققون على الطول بس يعني لو انك مسواك ونحيف مرره ما اهتموا اهم شي طويل وبهالحاله ما اهتموا بالجسم يعني تخيل انا اعرف ناس ياكثرهم طولهم مناسب لكن وزنهم مايوصل 50 كيلو !!! ومقبولين وبالامن العام والقطاعات الثانيه .. والله هذا الشي تعقيد مايبونك تنقبل ولا اهتموا بك يعني بالعربي خلك جالس بالبيت انت مو كفو لخدمة وطنك والسبب ؟ انت قصير والا وزنك زايد شوي والا لابس نظاره والا سنك مكسور الخ.... وبالنسبه للسلاح وانا اخوك الامن العام سلاحهم مسدس او رشاش .. انا اتكلم عن نفسي انا قصير واعرف ناس قصيرين لكن نعرف نمسك سلاح ونعرف نرمي ماهي مسألة سلاح ... وابي اسالكم الحين فيه عسكر قصار وسمان ولابسين نظارات وفيه منهم نحاف ... ليش هذولا يعملون ويأدون عملهم صح وحنا جالسين لنا على كم سانتي ؟؟؟ المسألة وولاء لله سبحانه ثم للمليك والوطن .. يعني اذا المسأله ما احد يخدم الوطن الا يكون جسمه وطوله صح يجيبون من الدول ناس اجسامهم وطولهم يناسب ويعطونهم الجنسيه ويقولون اخدموا الوطن .... شباب الوطن قصار ولا ينفعون لخدمة الوطن !!!! ليش مايكون اثناء الدورة تدريبات وغذاء صح ع شان تبني جسمك دامهم يبون اجسام وقوة بدنيه ؟؟؟؟ اذا دققتوا فالمسأله تعقيد وشروط تعجيزيه لا اكثر .. ليش مايدققون على دينك واخلاقك واحترامك وطريقة تعاملك مع الغير ...!!!! والله اني اعرف عسكر قديمين مايعرفون لا يقرون ولا يكتبون وانا نفسي كتبت عنه بمركز الشرطه .. كنت ابي منه ورقه ولا يعرف يكتب تخيلوا رئيس المركز ورتبته رقيب ولا يعرف لا يكتب ولا يقرأ !!! ليش مايطبقون النظام على الناس القديمين والناس الحديثين ..>> والا يقولون حرام ينقطع رزقهم !!! وحنا حلال يقطعون رزقنا !!!! يا اخواني والله العظيم نظام تعقيد في تعقيد ولو معك واسطه تدخل ولو انك قزم ... نبي نتوظف نبي نعيش فيه بارقابنا اهل محتاجين لنا وحنا ورانا مستقبل وفوق هذا كله نبي نخدم الوطن ... يطول الكلام والله واعذروني على الاطاله ... لكم ودي واحترامي ,,, |
موفق بإذن الله ... لك مني أجمل تحية .
|
الأغلبيه كلامهم سليييم
بس هذا نظام ولابد يكون في كل شي نظااام وأنت رايح تقدم فالحكومه برجلينك يعني لازم تحترمه بس السؤال المهم النظام هذا يمشي على الكل ؟ واذا يبون هيبه وخرابيط رجل الأمن سلاحه فيده والسلاح هذا نفسه لو كان مع طويل ولا قصير الإرهابي او الحرامي او الخارج عن القانون قبل لا يسوي شي بيحسب ألف حساب للسلاح اللي معك والعكس لو كان مع الأرهابي او الحرامي ربع ماهو كلاش لو تجيب له عشرين واحد طوله 180 ماحد راح يواجه بدون سلاح وضحكني اللي يتكلم عن جاكي شااان فالصين واليابان عندهم الدفاع عن النفس حصه مثلها مثل الرياضيات والعلوم فيها نجاح ورسوب يعني يدرسوها من صغرهم فالمدرسه وفالسعوديه عندنا كوره يوم واحد فالاسبوع واذا جت الحصه تلقى نص الشباب فدورات المياه يدخنون :d |
4 مرات انقبل بالدفاع المدني ويسقطوني وزن :qhttps://www.btalah.com/images/icons/loOol.gif
|
ياليتهم يشوفون لنا حل بالطول والله انه ظلم يفرقون بيننا والسبب انت طويل وانت قصير !!!!
اذا انا قصير مايحق لي اخدم ديني ومليكي ووطني !!!؟؟؟ لازم يغيرون هالشروط التعجيزية ... |
الساعة الآن 12:03 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين