علم العفا وعفاك ياوافي الكيل
 

للشاعر : محمد الدحيمي الشهري


[poem=font="Arial,6,white,bold,normal" bkcolor="transparent" bkimage="https://www.btalah.com/mwaextraedit2/backgrounds/22.gif" border="inset,4,white" type=0 line=0 align=center use=ex num="0,black""]
علم العفا وعفاك ياوافي الكيل=ابشرك بساطه في خير وعفا
نكفي بعضنا ونتكافى على الشيل=وللي تعب من الحط والشيل يكفا
من ذاق حر القايله يعشق الليل=ومن شب ضوه ليلة البرد يدفا
لاعاد ليل نمت به في حرى سهيل=وخايلت نو ٍ يخطف العين خطفا
امسيت في جيل ولاهوب بذا الجيل=اصبحت ولا ديرتي شبه منفا
كنا على فال الشحم والمعاميل=ونفوسنا انقى من نقى العد واصفى
وانا ولو راحت بقولة تساهيل=صلف وصروف الوقت تحتاج صلفا
ياترج جداني زحول الرجاجيل=يحرم فلا لي عنك ياترج مقفا
اما لطمنا العيل والا ألطم العيل=مدام شب النار مندوب الاطفا
خل ابرهه الاشرم على ذمة الفيل=وانظر لشي مايوصفه وصفا
ياذيل والله ماتجي راس ياذيل=علم ماهو يغبى ولا هوب يخفى
واللي حما بيته بطير ابابيل=ماجيتك ادور لمن صد واقفا
وماجيتك اطلب منك بن ولا هيل=جيتك وجرح الظلم غاديه يشفى
جيتك بكلمه كنها صعقة الويل=وان قلت تكفى لاتهاون بتكفى
تكفى تراها كلمة تقطم الحيل=لابالله الا تنسف الحيل نسفا
تكفى ماهي لمعقبين الفناجيل=تكفى لصلف وعادة القرم صلفا
تكفى ترا تكفى لها هدرة السيل=في صدر حر ينتف الطيب نتفا
تكفى ترا تكفى لها تسرج الخيل=وان كان لك في الخيل سرج وعسفا
تكفى تبين كل لاش وحلحيل=ثم تسمع لها بالصدر هبد ورجفا
تكفى وتكفى ماتساق لمهابيل=تكفى تخلي القرم لاش وهطفا
تكفى تجنبني هل القال والقيل=مانيب من يزبن على كل ملفى
تكفى تراني من قروم مشاكيل=حماية الساقه بسيف وشلفا
تكفى ترا تكفى تهز الرجاجيل=ولولا صروف الوقت ماقلت تكفى
[/poem]


http://www.youtube.com/watch?v=UweV0-DibT4

صح لسآن شآعرها ولاهنت ع نقلها
يعطيك ربىآ الف عآفية
تقبل م ـروري





××



×

مراحب بالجميع

اشكركم على مروركم والردود

رااائعه وسبق قرأتها بس كل مااقرآها احس اني اول مرة اقرآها ...

بس لو كان عنوانها ( تكفى ترى تكفى تهز الرجاجيل ) يكووون احلى ...

كل الشكر اخووووي ...

صح لسانك استاذ فضل ولسان الشهري

يسلموو الله يعطيك العافيه