بدائي مشاريع (وعلى الله نتكل)
 

السلام عليكم ورحمة الله وبركاته

اخواني الحلوليه للبطاليه << شوف العباره بس :k

والله اني متابع المنتدى واني ادعي لكم كلكم بالتوفيق وتسهيل الامور ان شاء الله تعالى .

والله يوفقكم ..


طبعاً انا معاي 30الف ريال سعودي او بأمكاني ازودها ولكن مشاريع تتراود في ذهني .

قلت بشتري دنه واشوف لها صرفه ااجرها على شركه او سطحه او ونش واخليها في سوق الابل

والله يكتب للانسان رزقه كل مالانسان شد حيله ويفرجها الله سبحانه على خلقه ..


وقلت ابغى اشوف الشباب اللي اشتغلو في الدنه او استأجرو دنه وين اشتغلو فيها وكيف الطريقه

ونستفيد من خبراتكم وان شاء الله افيدكم باللي يجيني من علوم ..

وفقني الله وايأكم ..:tsfiq:

زدها عشر آلاف وافتحلك مغسلة اربحلك

او بنفس مبلغك افتحلك بوفية تسالي مرتبه او وجبات سريعة على قد فلوسك

انصحك بمحل ملابس

ام قتاده

المغسله يبي لها ايجار وديكور وموقع وتعب ومتابعه دائمه على طول

الله يجزاك خير الجزاء

محل ملابس ؟

كويس بس المحل يبي له بضايع ومتابعة جديد الموضه والاسواق

والمحلات كثيره يعني مافيه مكان افتح فيه المحل ويكون ملفت للانتباه او مندور هالمحل او حاجه زي كذا


ومحل الملابس من ناحيتي ماراح يضبط معاي لاني اعرف نفسي


الا الدنه مافيه احد يعرف وش الشغل المظبوط لها او يعرف وين الشركات اللي تاخذها بالايجار

غريبه وين الشباب؟؟

اممم فكرتك حلوة والاحلا انك انت تبيها ومقتنع فيها واصل وربي يوفقك كثير اسمع عن الي عندهم دنات شغلهم حلو

انا كنت اشتغل على اللوري وعينت خير يارب لك الحمد
شوف الكده مافيها خسارة مرة

سوى كانت وايت ولا تريله ولا دنه ولا ونيت
الدنة شغلها في نقل اباعر وغنم واعلاف

اذا بتشتغل انت بتعين خير احسن لك من العامل

وموفق خير إن شاء الله

الله يجزاك خير الجزاء الشباب فيهم خير وبركه


والله يوفقك لما يحب ويرضى يارب العالمين

الله يرزقك ضعف ماتتمناه للناس وحبك للخير يارب العالمين

اشكرك كل الشكر

والله يوفقك يارب العالمين.