حلول البطالة Unemployment Solutions - فكرة الكوشكات الصغيرة في الحدائق العامة

السلام عليكم ورحمة الله وبركاته
الموضوع بإختصار
مشروع حديقة الملك عبدالله نادي الفروسية سابقا في الملز
وهذا لاهل الرياض ويقاس على ذلك للمناطق الاخرى

البداية بسيطه ورأس المال بسيط والفكرة بسيطة
وهي عبارة عن كوش او محل صغير ذات ديكور مميز او يناسب نوع النشاط وغالبا النشاط في الحدائق العامة او المتنزهات الخاصة بالعوائل
الآن الا حاصل يا اخوان ان الاجانب مستغلين هذا النشاط الغافل عنه كثير من شبابنا الطموح

على سبيل المثال الكرسبي والذرة ....الخ

فأنا وقفت على هذا الشي بنفسي وقابلت واحد من الاجانب من الجالية المصرية شاب لا يتجاوز عمرة 22 سنة يعمل في محل صغير ويبيع البطاطس الحلزوني بسعر 5 ريال اعطاني بعض المعلومات عن نشاطه
طبعا الايجار سنويا بـ50الف ريال لصالح امانه الرياض
نشاطه بس بطاطس حلزوني الحبة طبعا بـ5 ريالات ( كيس بطاطس جملة 10 كيلو بـ8 ريالات ) واحسب على كذا خيال
سألته كيف الوضع وكيف الارباح طبعا الكلمة المشهورة عن الكل (الحمده الله كله تمام )
طبعا النشاط الفعلية في الايام العادية يوم الاربعاء والخميس والجمعة اذا كان وقت مدارس
غير ايام العطل الرسمية
عموما الشهر راح يستفيد منه فقط 12 يوم
طبعا يوميته من 500 وفوق الله يرزقه حسب كلامه واعتقد اكثر نظرا لكثرة الزبائن وخاصة يوم الجمعة تعرفون عطله الاجانب يوم الجمعة ونسبة الاطفال تتعدى 60بالمئة

عموما اخونا المصري او الشاب المصري يملك اكثر من 10 فروع في جميع مناطق المملكة الله يرزقه ويرزق الجميع
والا وده يلقي نظرة على ارض الواقع يروح لحديقة سلام بالرياض وهذه ليست دعاية له بس عشان الواحد يقتنع ان العمل البسيط يكبر !!! ونشاطه لم يتجاوز السنتين او الثلاث سنوات وما شاء الله على الصبر والتفكير السليم
لان بعض الاخوان يقترض 100 الف ريال وقد ينجح بمشروعه او يفشل ويكون الخسارة كبيرة ويثقل على نفسة ديون ويجيه احباط لكن رأس المال البسيط لو خسر فهذا يعطي دافع اكبر ان يحاول مرة ومرتين وثلاث لن راس المال بسيط ويمكن يعوض

:Thumbs:ما احب اطول عليكم
وهذه الفكرة بلوروووها في عقولكم لعل ان شاء الله يحالفكم الحظ يفتح مشروع الصغيرة في حديقة الملك عبدالله كبداية له ويحجز من الحين قبل ما تروح عليه لا تقف عند قراءة الموضوع بل فكرة من بعد هذه الرسالة ان تقوم في هذا الشهر بأن تتحرك وتسأل وتقرر بأن تكون ممن له محل في اكبر حديقة نموذجية بالرياض كونها جديده

تحياتي والله يرزق الجميع