|
م هي حاله وقسسم بالله , شي يقهر
أنا اليوم رحت صندوق التنمية للموارد البشرية طبعا قدمت عن طريق النت في موقعهم لقيت خانه مكتوب فيها لخرجين الدبلومات الصحية واللي يبون يتوظفون في القطاعات الخاصه عبيت البيانات وقلت خلني أروح لهم أفضل المهم لما رحت لهم واليوم توني رآجع منهم دخلت ع الموظف قلت له معي دبلوم صحي قال تفضل عطني بطاقتك أعطيته وجلس يحوس بالجهاز قآل إسمك مهب مسجل في الخدمة المدنيه قلت إلا وهذا رقم الطلب معي قال إنت منت من ضمن الـ 6 آلاف شخص اللي إعترضوا يوم حولوهم في القطاعات الخاصه قلت إيه توه م نزل إسمي قال إحنا فاتحين ع الوظائف للي إعترضوا بالقطاع الخاص واللي يبي يتوظف منهم فيها وقال رح ور عن طريقك بمستشفيات الأهليه بعدها طلعت . فعلا شي يقهر . طيب اللي م يبي يتوظف بالقطاع الخاص يعني خلاص مالنا نصيب إحنا حتى منها ياللي م طلعت أسامينا المهم وأنا رآجع بالطريق كنت مشغل الرآديو على قناة روتانا وكان شغال برنامج ( أكثر من كلام ) مقدم البرنامج علي العلياني وإتصل واحد بصرآحة رجال كفو ونشمي تكلم عن الدبلومات الصحية وقال إننا نعاني من عدم قبولنا للوظائف الحكومية وقال أيضا أن نزل في جريدة الحياة موضوع عن الدبلومات الصحية وتكلم فيها وكيل الوزارة إن يوجد 35 ألف وظيفة حكومية و 12 ألف وظيفة تمريض وكاتب آخر المقال أين هم أصحاب الدبلومات الصحية ؟؟؟ فرد الأخ المتصل , بذمتك مو شي يقهر وإحنا نطالب وأصواتنا بكل مكان ولا أحد نظر لنا وبالنسبة للي إنتحر في عرعر خريج تمريض بالله مو حرآم عليهم رد عليه الإستاد علي العلياني وقال إحنا ناقشنا في هذا الموضوع وأيضا رآح يناقش في برنآمج ( الرأي العام ) فما أدري متى يأتي برنآمج الرأي العام على رآديو روتانا ودي إننا نسمع وش بينطرح في هذا البرنآمج وأتمنى لو فيه رقم إتصال لهم ودي جميع خريج الدبلومات الصحية يتصلون ويتفآعلون مع هذا البرنآمج ربما يوصل صوتنا لمصدر معين يوقف معنا ويحقق مطالبنا والله يوفق كل منا وظيفة حكومية ونرتآح من هذا الهم والغم والبطالة |
اه ياوطني شي يقهر والله الوظائف للاجانب بس حسبنا الله ونعم الوكيل
|
هلا اخوي مايصير سبحان الصدف هههههه
انا الشخص الي اتصل وماعليك زود(ماضاع حق وراه مطالب) وتكلمت عن ممرض عرعر والتغييب الاعلامي شباب بنات لازم موضوعنا مايبرد ويروح للادراج لازم نضغط عليهم كل يوم لحد مايفرجها الله |
اقتباس:
ههههههههههههه وأنا أقول نكك نفس صوتك < خير م يصير وش هالسوالف :cool: والله عجبتني ي بعدي وبيض الله وجهك م تدري وش صار في برنآمج الرأي العام وإيش إنطرح فيه ؟؟؟ إيه والله وقسسم شي يقهر قاعدين يلعبون فينا الله المستعان :w |
هههههههههه بس هنا مبحوح شوي
وشسمه ياخي والله من جد لكن الله حسيبهم (تابعت البرنامج مجمعين كم خريج ومحامي ويسألونهم ويجاوبون بصراحه تعبنا من سؤال ليش ماتوظفونهم/انا ابي متى توظفونهم<<<هذا الي يهم اما ليش ياصحه وليش ياخدمه مدنيه وليش ياماليه= لانتيجه) اذا موضوع توظيفنا بأمر ملكي وله 9شهور ولا اهتموا فيه يبغون يهتمون فينا حسبي الله عليهم بالنسبه لي كل برنامج بتصل فيه واوعدكم انشالله اذا ردوا بيوصل صوتكم ياخريجي المعاهد الصحيه<<<وخروا عنه |
[align=right]
قسم بالله ’ كل شي يقهر هنا بالبلد :court: لاحول ولاقوه الا بالله :c"P [/align] |
حسبنا الله سيؤتينا الله من فضله انا الى ربنا راغبون
على الاقل يفتحون لنا الابواب الي يبي يكمل دراسته يساعدونه |
الدبلومات يبون يضيقون عليهم الخناق بالبحث عن الوظائف او تجديد بطاقة الهيئة لان الان مافيه تجديد للي مايعمل
وهاذا الاسلوب تعمل عليه خليه مفسده والربيعة جزء من هالخلية .. يبونك غصب تكمل دراستك وتدفع اكثر من 120 الف يعني السالفة فيها مليارات .. لانك على وضعك الراهن مالك مستقبل واضح مجرد تائه في مهب الريح لأ انت متوظف ولا انت مجدد ولا تستطيع انت توصل صوتك لمن يهمة الأمر ولو وصل صوتك قوبل بالرفض للأسف |
ويابلااادي وآآآصلي
|
| الساعة الآن 03:33 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين