عندي 35000والله العظيم محتار وش اسوي
 

لسلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اخواني اخواتي


انا معي 35000ريال والله احترت مادري ايش اسوي ودي بالتجارة لكن ماابغاها مقيدة بمحل ابغاها حرة لي لانني موظف في شركة ب3000ريال وعندي يوم دوام ويوم راحة
وش تشورون علي ايش اسوي انا عندي سيارة كبيرة جمس سوبرمان والمبلغ جمعته من الوظيفة
ابغى مشروع حر لي انا رحت لاسواق الجملة في الديرة والمعيقيلة وشارع ال سويلم لكن اللي ماعنده دراسة جدوى اكيد مايدري ايش يفعل احترت مادري ايش البضاعة اللي تمشي معي لدرجة انني كنت ناوي اشري بضاعة لكن خفت انها ماتمشي ووين اصرفها يعني اسئلة كثيرة دارت في ذهني ترددت كثيرا

ارجوا منكم افادتي تكفووون انا اكلمكم واعتبركم اخواني والله يشهد ابغا تفيدوني ياجماعة

يفيدونك

اخوي فيه طريقة مربحة جدا جدا جدا وهي مناسبة للمبلغ اللي عندك
الطريقة هي مشروع التقسيط بس بشرط وافهم معنى هذا الشرط وصدقني بتصير تاجر
الشرط هو ( انك تقسط على شخص تثق فيه 100% يعني زميلك قريبك جارك اهم شي تضمن انه بيقسطك وبهذي الطريقة اضمن التجارة بإذن الواحد الأحد )
وتقبل تحياتي

والله اعرف واحد عندنا بالحارة له محل وبداية كان يشتري جوالات كان ذاك الوقت على عهد بداية طلوع جوال N95 ومن يجيب كمية ماتاخد اسبوع إلا وهي خالصة وكل اخر شهر يجيب كمية وماتاخذ اسبوع إلا وهي خالصة بعد وعلى هالطريقة وبعد فترة اخذ يقسط لاب توب وعلى طول تخلص الكمية عنده وهالحين يجيب آيفون ويومين وتخلص الكمية ... وهلم ماجرى
وهالحين ما شاء الله عليه الله لايضره كانه مطلع من بداية التقسيط 500الف شوي ..

ا[align=center]لاخ العزيز
1: محل كمبيوترات صيانة بيع شراء برمجة

2:محل استوديو تصوير

3:مكتب عقار

4:مؤسسة مقاولات

شو ف المناسب لك واسوي له دراسة جدوى من حيث مكان والمصروفات والإيرادات
وموفق خير إن شاء الله[/align]

اسأل الله لكـ الوفيق ..كل اللي مطلوب منكـ هو البحث عن المشروع اللي يناسب ضروفكـ والبحث الجدي عن كل ما يتعلق بهذا المشروع وسؤال من لهم علاقه بالنشاط والله يوفقك

الله يرزقك

شغلها في الاسهم افتح محفظة مجانية في اي بنك وتداول يقولو الاسهم مقبلة على طفرة وعليك بالاسهم اللي لم تاخذ حقها من الارتفاعات مثل كيان - سبكيم وحتى زين يقولو انها رح تتعدى 15 ريال والله الموفق

عندي لك مشروع ميه ميه

اتواصل معك الليله ع الخاص

بالنسبة للتقسيط ..

رح للراجحي ، سمعت ما أدري قريت من أحد الإخوة .. إن الراجحي سوا حركة .. و هي أنك تربط حسابه مباشرة بموجب عقد بينكم .. بحيث ان راتبه يتحول علطول لك .. ما ادري ااذا البنوك الثانية عندها هالشي و الا لا

الله اعلم