حلول البطالة Unemployment Solutions - رحلتي لمكافحة المخدرات يوم الاثنين

حلول البطالة Unemployment Solutions (https://www.btalah.com/index.php)

رحلتي لمكافحة المخدرات يوم الاثنين

السلام عليكم ورحمة الله وبركاته

اولا صباح الخير لأن اغلب العاطلين سهرانين :i

المهم انا حركت من البيت الساعه 6.30 صباحا طبعا بررررد والجو غبار طبعا رحت انا والوالد الله يحفظه وصلنا لشعبة المخدرات الساعه 7.20صباحا طبعا الحضور كان خفيف انا وست او سبع طلاب فقط انتظرنا لين الساعه 8 وجاء حضور كثيف حوالي 100 طالب وحضرو بالأسماء وبعدها تدقيق الأوراق طبعا اللي شهادة الحاسب قبل الثانويه الله يستر عليه يرجعونه انا كان معي مشهد اني ادرس باقيلي شهر والحمد لله مشت اموري بتدقيق الاوراق وبعدها انتظرت وجاء اسمي اول واحد بالطول والوزن وماكنت موجود وينادون بأسمي وانا مو فيه المهم رجعت ودخلت عليهم ووقفت على الطول قالي النقيب خلك اخر واحد تنتظر الدور من اول وجديد قلت مافيه مشكله وانتظرت من الساعه 9 الى 10.20 ودخلت اخر طالب مافيه الا انا والنقيب وجندي يقيس الطول المهم قاس الطول حصله 166 وقالي نعتذر منك ياولد منا ولا منا واروح انادي الوالد ويخش عليهم الله لايوفقهم حتى الشايب ماقدروه قالو نعتذر منك والله يستر عليك وانتهيت من المخدرات

بما اني اخر طالب واسأل اللي يطردونهم الاسباب هي الطول طبعا متشددين بالطول اذا مو 168 لاتروح وتتعب عمرك ثانيا شهادة الحاسب لازم بعد الثانوية وختم من المؤسسه فيه واحد طردوه عشان الختم مو من المؤسسه الوزن مايقيسونه الطول بس ملاحظه شهادة الكامبردج تمشي مافيها اي اشكاليات طبعا الفرز النهائي بشهر سته والدوره بعد عيد الفطر

موفق بإذن الله ... لك مني أجمل تحية .

ربي يسهل عليك وخيره لك ان شاء الله

الله يرزقك بافضل منها

الله يوفقك ويعوضك بالي افضل منها

مشكور ياخوي ولا أسم فاضي والله يعوضك بس بالنسبه الدورة بعد عيد الفطرررر قووووووووووووووويه بصراححه شكل العس:do5h:كري الي قالك وضعه موب طيب

دايم دورت المكافحه بشهر 6 اول مرة بحياتي اسمع ان الدورة بعد الفرز بـ4 شهور

اسئل الله يعوضك خير
وبأحسن منهاا
احمد الله
اكيد

خـــيرهـ

الله يعوضك بالي افضل منها وانا اخوك وتأكد انك دامك سعيت رزقك قرب والله عز وجل بأذن الله راح يفرجها عليك وبالنسبه لموعد الدوره غريبه انهم قالوا لك بعد عيد الفطر ؟ لايكون غيروا رايهم بيجمعون جنود الاوائل مع العرفا والرقبا بدورة وحده ولا بيسوون دورتين الدوره الاولى لعرفا والرقبا بشهر 6 والثانيه بشهر 10 لـ جنود الاوائل

السلام عليكم ورحمة الله وبركاته

انا معي شهادة الحاسب قبل الثانوية اروح لهم ولا لا