حلول البطالة Unemployment Solutions - طريقة إرسال برقية عن طريق النت

اقتباس:

المشاركة الأصلية كتبت بواسطة ايـ م ـان (المشاركة 5977547)

المشكله كتبت البرقيه ولا عرفت اشلون هل وصلت او لا
:(

اتصلي على البرقيات و أسأليهم و جهزي وقت الإتصال رقم هويتك و هذا اللي أعرفه ... و إذا حسيتي إن البرقية راحت هباء منثور ... أرسلي عن طريق البريد أو روحي لأقرب مكتب بريد فيه برقيات و من هناك أرسلي البرقية و أحتفظي بالرقم و أعطيهم رقم جوال ما تقفلينه لأنه راح تجيك رسالة على جوالك و أكتبي هالأرقام في ورقة خارجية " عشان لا تضيع الإحتياط واجب " و بهالأرقام تابعي و بعد كذا أتصلي على الديوان الملكي و تابعي معهم برقم الهوية و رقم البرقية نفسها و خل صوره معك من نفس البرقية اللي أرسلتيها

و بالتوفيق إن شاء الله

نصيحة قبل كل شيء صلي ركعتين لله و فوضي أمرك إليه و حطي في بالك إن هالبرقية وسيلة و سبب و التوفيق بالله عز و جل سبحانه و تعالى ... لأن الله كريم رحمن رحيم ما خاب من ترجاه و دق بابه .. سبحانه ما أعظمه
لا إله إلا الله محمداً رسول الله صلى الله عليه و سلم

ملاحظة : لا تكثري هرج في البرقية أختصري فيها بالكلام المهم بأسلوب يوضح فيه مقصدك أو طلبك أو شكوتك بطريقه واضحه مفهومه من دون إستطراد أو شرح طويل فقط وضحي المطلوب بأسلوب مختصر تبيني فيه أهم النقاط في كلامك
فلا يكون كلام كثير و سطور كثيرة ولا يكون كلام جداً قليل ما أحد يفهم وش المطلوب

توضيح بسيط : قبل لا تكتبين البرقية أكتبي أهم النقاط اللي تبينها في ورقه " مسودة "
1 / .........
2 / ........
3 / .......

^^^
هذي أهم النقاط على سبيل المثال و بعد كذا تكتبين هالنقاط الثلاثه " فرضاً " و تشرحينها في البرقية بكلام مختصر يبين المطلوب أو الشكوى و بعد كذا تنتقلين للنقطة الثانية و تشرحينها بنفس الطريقة و الثالثه بنفس الطريقة بعد
و تحطين رقم جوالك و العنوان و رقم هويتك و رقم الهاتف الثابت و طبعاً أسمك بالكامل
مع العلم المقدمة و الحروف اللي مثل " و " و إسمك و العنوان و الأرقام غير محسوبه من قيمة البرقية
و الله تعالى أعلم و هذا اللي أعرفه