اﻷمن العام اﻷمن العام
 

سلام عليكم
اخباركم شباب

انا موظف بالتشغيل الذاتي بوزاره الصحه بس بعيد عن اهلي تقريبا 400
وراتي فوق 8000
والصراحه سمعه الي معه دبلوم سنتين ونص يقبلونه وكيل رقيب
هل فيه تسجيل الحين بمدينه التدريب بالقصيم
وكم راتب الجندي اﻷول وراتب الوكيل رقيب
وش التخصصات الممتازه سالت واحد وقال لي الشرطه وأمن الطرق
افيدوني ،،، وانصحوني علما باني رسبت بالطول قبل سنه باقي نص سانتي

وعليكم السلام ورحمة الله وبركاته

خلك على وظيفتك احسن لك

ترى قريبه 400 كيلو

طولك 168 يقبلونك غيره

دور لك واسطه

مجرررد نصييحه

حرام عليك خليك في وظيفتك ازين لك على الاقل اجازتك مرتبه وراتبك حلو بالنسبه للعسكريه مو كويسه
ايش تبي في وكيل رقيب وانت مرتاح وبالنسبه لاهلك عادي بيجي يوم وتروح عندهم

الله يجزاكم خير
والله ودي اصير اقرب من شيباني
ودي اخدمهم صحيح المستشفى راحه بس ربطه
الطول قبل 5 شهور بقي نص سانتي ولا عديت حتى الواسطه مانفعت وادري لو اصير احتياط الناس ما عاد تهرج من الدوره كلن يبي اﻷمن
طيب بالنشاما كم راتب جندي اول + وكيل رقيب

انا خريج كلية صحيه ومحول ع الخاص والله نصيحتي لك خلك بوظيفتك ..

وراح يجيك الحكومي وتتعين عند اهلك .. الصبر زين ..

والله يوفقك

قناص اسيا
انا فني سجلات ولا طابقه بياناتي بالديوان الى اليوم

جندي المهمات

اعرف ناس بلا واسطه مكان تعيينهم حلوا ، التعيين محلول وضعه ان شاء الله ، بس لو يبقى ربع صانتي يمشوني



وكم الراتب / جندي اول + وكيل رقيب

نفس راتب وكيل رقيب و بعدين ماتدري التعيين و ين يحطونك فية

و ترى مسئلة 400 كيلو ترى ولا شي يعني احمد ربك ربوع و خميس عند اهلك

غيرك و الله بلشهور مايشوفون اهاليهم و يبعدون عن اهاليهم 2000 كيلو

احمد لله و اشكره على النعمة و الوظيفة الي انت فيها

نصيحة خلك في وظيفتك

خلك بوظيفتك احسن لك من الشقى يالغالي العسكريه للثانوي وتحت وجهه نظري

حرام عليك يارجال خلك بوضيفتك العسكرية اخر الحلول للي ماعندة أمل بوظيفة مدنية

انا تخصص صحي ونفسي اتعين بتخصصي بس مالقيت غير العسكرية وقدمت عليه ادعي لي تتسهل اموري

وبالتوفيق لك