الي في الكليه التقنيه يدخل الله يجزاه خير
السلام عليكم ورحمة الله وبركاته
بسم الله الرحمن الرحيم يااخوان ان شاء الله انا كلها شهرين واتخرج من الثانويه العامه وودي اقدم على العسكرية(الخيار الوحيد) وابي اخذ رتبه جيده وسالت كذا رجال شرواكم يقول دبلوم من التقنيه تاخذ عليها عريف او وكيل رقيب السوال::وشو اسهل تخصص والمرغوب في العسكرية وكم مده الدراسه وكل مميزات الكليه والسلام خير الختام :d |
ووين افضل مكان اقدم فيه اذا تخرجت باذن الله
الامن العام او الحرس الوطني |
العسكرية .. حاسب الي
|
حاسب او دعم فني او برمجه موفق
|
موفق بإذن الله ... لك مني أجمل تحية .
|
دبلوم كليه تقنية طبعا الآن نظام ثلثي تاخذ رتبه عريف
التخصصات المرغوبه والأفضل للقطاع العسكري ( على فكره اكثر قطاع يقبل الكلية التقنية هو القطاع العسكري هذا إذا ماكان القطاع الوحيد لان التقنية مايطلبونها القطاعات الحكوميه الثانية كثييير الوظائف المدنية الحين صاور يطلبون بكالريوس ووو اوم التعقيد ) طبعا بتخلصها بدري يمكن في سنه ونص وانت ماخذ الدبلوم بيقبلونك العسكريه والتخصصات المرغوبه والزينه حاسب برمجه دعم فني إدارة مكتبية ومانصحك تدخل إدارة مكتبية إذا كنت متخرج علمي من الثانويه ادخل تخصصات علمية مثل علوم الحاسب واتمنى لك التوفيق وإذا خلصت التقنيه ادخل قطاع الامن العام وإذا مالقيت او شيء رح للحرس الوطني ومانصحك تدخل العسكريه برتبة جندي الحين طالما توك خريج إدرس تقنيه او جامعه افضل لك على لاقل مستقبلا لو انحديت تدخل عسكريه يكون عندك رتبة زينه عريف وكيل رقيب مثلاً الجندي وانت قادر على الدراسه مانصحك فيه ابد تحياتي لك وانتمنى لك التوفيق |
مشكووووووووووووووووووووورين
والله يعطيكم العافيه |
ادخل جامعه احسن لك
التقنية سنتين تدرسها والشهاده لو ماتنقبل بالعسكريه ماراح تفيدك التخصصات اشوف افضل لك ميكانيكا او كهرباء او الكترونيات انا انصحك تبعد عن التقنية اذا كنت تقدر تدخل الجامعه استخير قبل كل شي |
السلام عليكم
وانا اخوك انا من طلاب الكلية التقنية دفعة السنة ذي والحمد لله الحين انقبلت في امن المنشات وباخليها وبسحب عليهم أنصحك نصيحة أخوية اذا تبي دراااسة حلوووة في التقنية والانقليزي يكووون ماهو مكثف أدخل تخصص ميكانيكا محركات ومركبات انا الحين فيه اقسم بالله فله وام الفله كماااان المعدل تجيبببه فل واما مدة الدراسة سنتان طبعا سنة ونصف دراسة ونصف تطبيق.... والمكافاة الف وخمسين ريال..وتجلس في البداية شهرين ومن ثم تستلمها... او اي استفسااار انا تحت الخدمة راسلني ع الخاااااص. واي خدمه ثانية |
بالتوفيق لكم ولي
وشكراً على المعلومات |
الساعة الآن 06:47 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين