|
استشارة وياليت الكل يدخل
السلام عليكم ورحمة الله وبركاته
أسعد الله مساكم بكل خير اخواني الرجاء افادتي وارغب بمشورتكم انا عندي مبلغ والحمد لله اموري زينه فكرت ادخل بالتجاره ولعدم خبرتي استعنت بشخص يماني يبيع ادوات تجميل ومن كثر ماامره واشتري من عنده كونت علاقه معاه والرجال الشهاده لله شكله مريح وماتخاف منه المهم يوم من الايام مريته واشتريت من عنده وسئلته كيف دخل المحل وهل تنصحني بالتجاره بنفس مجالك قالي والله الصراحه شغلي زين والحمد لله الدخل حلو صح ان موقعي مو كويس بس امور المحل ودخل زينه قلت له يعني اتوكل على الله وافتح قال توكل وافتح بس عندي لك حاجه افضل قلت وشي قال وش رايك انا بخدمك ليه ماتروح للصين وتصير موزع وتجيب اغراض مثل شنط استشورات سراميك وتوزعه بس يبيلك واحد شاطر يوزعها لك وبالكثير ثلاث شهور راجع راس مالك والارباح بعد لان نظام المناديب عندنا ينزل بضاعه وكل اسبوعين يمر عندنا وياخذ جزء من المبلغ ويكون الاتفاق معاه خلال ثلاث شهور يستلم المبلغ بالكامل وماشين بنفس الوضع وقالي اذا تبيني اكلمك واحد يماني رجال كبير بالعمر كان زمان يشتغل بدرعه والحين طلع من عندهم وتعطيه راتب وفوقها نسبه ويشتغل معاك مافيه مشكله قلت اوكيه كلمه وخلنا نتقابل عندك هنا بالمحل قال طيب دق علي وقال بعد نص ساعه بيجي الرجال قلت اوكي جاء الرجال محترم وخلوق وعنده فكر تجاري وقالي بحكم خبرتي راح اخاويك واطلع معاك للصين ونجيب البضاعه الي راح تمشي بالسوق لان عادي انت تروح بس اخاف تروح تجيب بضاعه وبالنهايه تكون ستوك ولا راح نقدر نصرفها قلت لا بحكم انك رحت وزرت الصين وجبت بضاعه من قبل ابيك تخاويني وقلت له من بالبدايه راح نجيب بضاعه ب 150000 ريال ونشوف الاوضاع قال لي لا المبلغ الي انت ذكرته مايسوى خلها 300000 ريال وبتوفيق من الله اني راح اصرفها لك لان اذا جبت بمبلغ 150000 ريال راح ننجبر اننا نركز على صنف واحد وانت بالاول والاخير راح تكون موزع ضروري تزيد المبلغ قلت طيب المعذره انا بقول كلمه وهذا الشي من حقي انا مااعرفك ولا تعرفني نبي نحط اسوء الاحتمالات وابيك تعذرني بالكلمه هذي اذا انت طلعت نصاب قال شوف اخوي انت معاك حق وانت حاط المبلغ هذا شي طبيعي بتقول كذا انا متى اكون نصاب لو قلت لك عطني المبلغ وانا راح اتصرف صح هنا لازم تخاف او قلت لك اذا وصلت البضاعه ابي احطها عندي وانا اصرفها لك ممكن تخاف بس بالاول والاخير المبلغ انت الي راح تحاسب ولا راح تعطيني ريال واحد والبضاعه برضوه انت راح تكون موجود عندها وبتكون قدام عينك لاننا بنحط مستودع وبنفس الوقت بتكون في مكاتب يعني كل شي بالسليم وماراح تخاف من شي فقلت له اوكي بشوف وبردلك قال ابد شوف واي شي انا تحت امرك .... ياليت تكفون تشيرون علي بالحاجه هذي الي انا راح اسويها وابيكم توجهوني بالطريق الصحيح يمكن لاني مااملك الخبره الكافيه بالتجاره وبالاول والاخير ماحطيت هالموظوع الي ودي استفيد منكم ويعطيكم ربي الف الف عافيه |
نصيحة لاتصير مطب
خليك مثله بيع واشترى مثله من المندووووب |
مدري بس الرجال مو خسران ولا ريال
ومرتاح باله بكره يسافر او ينام او يطفش او مايقدر يصرف او ينشغل عنك مرتااااح على الاخر مو حاط ريال من جيبه لو دخل معك بمبلغ لو بسيط يمكن انتبه وافكر زين لا تبلش بالبضاعه وتجلس عندك او تصرفه بخساره تبغى تنفك منه فكر زين المبلغ كبير موووفق خير |
اقتباس:
|
اقتباس:
|
نصيحة محب
حطه تحت كفالتك احسن لك لو ما تصرفت بعد 3 شهور من السؤل؟ لو سافر بعد بشهر وحس ان البضاعه ماتصرفت من الي يبي يتوهق فيها انت صح بس لو تقوله ابيعك اياها وانت تتصرف انت تشتري البضاعه بي 300 وتبيعها عليه بي 600 وهو يتصرف |
وعليكم السلام ورحمة الله وبركآآتهـ ..:
أولآ..: اسأل الله لكـ ولنا التوفيق في جميع امورنا .. ثانيــآ ..: ببدأ في الحديث(( الضعيف,الموضوع))عن النبي صلي الله عليه وسلم ((ما خاب من استخار,ولا ندم من استشار)) لأخذ الحكمة منه فقط لا غير , ان شاءالله تجد المشورهـ اللي تكون موفقه, وتأكد اننا دائمآ نميل الي الكلام اللي نميل اليه ونحتاج الي سماعه .. نصيحتي لكـ ..:بغض النظر انه انت اللي بتشتري البضائع وتدفع ثمنها ,وان البضائع بتكون تحت عينكـ علي كلام اليماني بغض النظر عن كل هالكلام ..بحكم عدم اطلاعكـ ومعرفتك بتفاصيل هالمشروع انت كأنكـ سلمت هاليماني الخيط والمخيط بحكم عدم اطلاعك ..انا ما اشكك في نوايا شريكك بس ضروري يكون عندك خلفيه كامله عن كل الامور ونوع البضائع اللي يحتاجها السوق وطريقة تسويقها وان تضع اسوء الاحتمالات نصب عينك والطرق لحلها ..بإختصار افهم الصنعه قبل تقدم عليها وخذ وقتك في التفكير وآخذ المشوره من المنتدي ومن اصحاب هذا الكآر((<< الصنعه)) كل التوفيق ان شاءالله |
عجبني كلام منار حيل :rolleyes: أجر لك محل والمندوب يجيب لك وتختار المميز واللي موموجود هذي أسهل وأحسن وأساسا هالمبلغ كبير بالصين خصوصا على هالنوع من البضاعة وبالتوفيق ان شالله |
هلا فيك اخوي احي فيك روح الصبر والعزيمه والاستشاره في نفس الوقت ومن استشار ماخاب ولكن احياناً يكون عند الانسان شعور غير طبيعي عندما يدخل محل تجاري ويتمنى لو يكون لديه مثل هذا المحل وخاصتاً للذين يفكرون بالتجاره كثير وعند كل محل يدخل عليه يبدا يفكر ويسئل العماله الموجوده و البعض من العماله لايهتم ولايبالي بأسئلة الزبون التي في غير محلها والبعض من العماله نياتهم خبيثه بمجرد ان تسئله عن المحل يبدا يمدح المحل وان هذه التجاره ممتازة وهو بداخله شياً ما لاتعلمه وتبدا انت تشتغل عندك الافكار والطموحات وانني سوف احقق احلامي وتبدا تتردد على المحل حتى توقع في الفخ ولكن خذها قاعده مني مستحيل أي عامل يعطيك اسرار المحل لو تذن إلإ ماندر وهذا نادر في زمن هذا . وانا والله ما احب احطمك وكسر احلامك وزي مايقول المثل ( أكل العنب حبه حبه ) لاتستعجل في أي شي ابدأ أولاً من هنا حاول انك تفتح محل صغير وخلي اليماني اللي يقول انه عنده خبره يروح معك الي جده أو الرياض وتشترون البضاعه من هناك وماراح تكلفك غير يمكن 50 الف وشويه شويه تتعلم وبعد ماتشوف ان المحل ماشي ابدا بالسفر الي الصين كا زياره حتى تشوف البلد كيف الوضع ماشي عندهم وجيب معك اشياء غير موجوده بالمحل في شنطه صغيره وضعها في المحل اذا مشيت تمام كرر السفر روح الصين روح ماليزيا روح اندونيسا نوع البضاعه وتمشى منت خسران شي . ولكن انك تروح الصين على طول انا ما انصحك ابداً ابداً ممكن تجيب اشياء انتها زمنها وانت ما عندك خلفيه عنها وبعدين تعض اصابعك ندم استخير الله وشاور في فتح المحل وليس الاستراد اتمنى لك التوفيق ... |
اقتباس:
راح يدخل بااي راس مال لان على كلامه ماعنده شي |
| الساعة الآن 09:27 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين