شركه فواز الحكير
السلام عليكم لو سمحتوا ايش رايكم في شركه فواز الحكير جاتني وظيفه بالاداره الرواتب قالت لي من اربعه الى خمسه هل فيه احد جرب الشغل عندهم وجزاكم الله خير
|
الشركة كبيرة حسب المدير والمنطقة
|
بالتوفيق لك
|
الشركه بالرياض لكن ابي اعرف كيف هل لها مستقبل وظيفي جو العمل امن والف شكر
|
وش المسمى الوظيفي اللي عطوك اياه ؟
هل قدمتي وسويتي مقابلة شخصية واعطوك العرض بعدها ؟ او مجرد توقعات واتصال من الموظفة ذكرت لك الراتب فقط ؟ اسالي عن اجمالي الراتب ؟ والمميزات ؟ البدلات ؟ طبيعة العمل ؟ ساعات العمل ؟ اعتقد موقعهم اللي عند اسواق المعيقلية صح ؟! |
ابد قالت الراتب من اربعه لخمسه والدوام من تسع ونص الى خمسه ونص وانهم في مكان مستقل ومكانهم مقابل مستشفى الشميسي
|
كيف طريقة التقديم وماهي طريقة عملهم وماهي المؤهلات المطلوبه؟
|
وش مؤهلاتك لميونه
|
طريقه عملهم بس الاكسل لان الشغل اداري وطريقه التقديم كان عن طريق اعلان بموقع ارسلتها على الخاص بيناتي ودقت علي ونا معي حاسب وخبره
|
انا موظفه سابقة وانحشت منهم
|
اقتباس:
|
ياليت اختي رشا توضيحن سبب تركك للعمل ارسلتك للخاص مارديتي
|
ابشري يا قلبي بوضح لك
فواز الحكير الله يسلمك شركته كبيرة ومثل ماهو معروف ان (شركتة مساهمه )منها ازياء مثل البراندس المنتشرة في الاسواق مثل زارا وجاب وغيرها حوالي 88 ماركة و 98% الي شغالين في الاسواق اجانب ومنها مقاولات ومنها حراسات امنية والخ وانا ما اقول الرياض بس ( منتشرة بالمملكة كلها ).. فعدد الموظفين عنده بالهبل اذكر رقمي الوظيفي (يبدأ بـ 52 الف ) ادى ذلك الى دخوله النطاق الاحمر بخصوص السعودة وهذا يعرقل مشوار شركاته فهم الان يبذلون اقصى جهد لصالحهم وعلى حساب الموظفين السعوديين عنده وخصوصا البنات ( لان حصتهم عن 3 سعوديين ) اتمنى فهمتي التحقت معهم لسببين : 1/ اول عرض وظيفي يجيني فتحمست معاهم بحكم اني خريجة جديدة حتى باشرت قبل ما استلم وثيقتي ولا سألوني عن شهادتي بس قالوا جيبي بطاقة الاحوال ( وهذا ان دل : على ان يهمهم رقم الهوية وبس ) 2/ انها قريبة من بيتي كونها في الشميسي ( لاني تعينت بالادارة ) تركتهم لـ اسباب : 1/ عينوني Help Disk Assistant (واجهزة الاتصالات ما وفروها لنا !!! ) فلما بدأت العمل ما حسيت ان استمراري معاهم راح يخدمني بخبرتي او تخصصي وكانت السوبر فايزر اصغر وحده بالقروب ( عمرها 22)وحتى مامعها شهادة جامعة بس تملك خبرة 6 شهور في شركة سما المفلسة ( كلها موشرات تدل ان مافيه شغل بس همهم السعودة ) يعني كنت اقوم الصباح اروح اداوم وارجع لبيتي مافيه شيء جديد اتعلمه واكتسبه حتى استحي في اهلي يقولون كيف الشغل ؟ وش اقولهم !! 2/يشتغل القروب النسائي بعشوائية لان الهدف مو تطويرهم الهدف سعودة الاقسام المهمشة وبس 3/المكان مختلط يعني كنا نداوم بعبايتنا ونقاباتنا و ما احكي لك كيف كان سيئ ( بس الان يقولون تغير للافضل واصبح مستقل ) 4/ الحركة الحقيرة منهم لما اشيك على نظام التأمينات يطلع لي ( انت مسجل بنظام التأمينات الاجتماعية ومازلت على رأس العمل ) ماشالوني من التامينات الا قبل شهر وانا تاركتهم من 6 شهور وبعد طلعة الروح كنت اروح 3 ايام متواصلة للادارة عشان يحذفوني وهي بكبسة زر ( يعني حافز راح علي وبيروح علي هالشهرين :( ) بالنسبة للراتب محكم اني مبتدئة اشوف لابأس فيه ( الراتب 3600 بعد خصم Gosi ) موفقة يا رب |
الساعة الآن 09:13 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين