ايهم افضل ... نصيحتكم ...
 

[align=center]السلام عليكم ورحمة الله وبركاته
صباح او مساء الخير على الجميع

ابغى نصيحتكم جزاكم الله كل خير والله اني محتار مرره ...
انا توي متوظف بشركة دواجن الوطنيه وجاي لهم بعرض منهم وعطوني راتب حلو بس المشكلة انه ماعندهم سلم وظيفي واضح وعادي تجلس عندهم 10 سنين وراتب ماتغير او العكس ممكن 10 سنوات يوصل راتبك 20 الف وعندهم بونص كل 3 شهور ويصرفون لك من منتجاتهم باسعار خاصه لاكن الدوام 9 ساعات ، هذا اللي عند الوطنيه .
والان طلع لي وظيفة حكوميه والصراحة متردد انا اروح للحكوميه او اجلس بمكاني احسن .

وانا عندي 57 شهر في التامينات هل تحسبلي بالحكومه درجات او مراتب .

شكرا على مساعدتكم لي:h
جزاكم الله كل خير
وبالتوفيق للجميع[/align]

اخوتي رجاً اكرموني بارائكم

ياخوان معقوله 26 شخص اطلعو على الموضوع ولا احد منكم افادنا بفايده واحده

موفق بإذن الله ... لك مني أجمل تحية .

وعليكم السلام ورحمة الله وبركاته

والله يا الغالي مدري ايش اقولك لكن بقولك رايي الشخصي انو تشتغل عندهم بدون علاوات وترقيات هذا ابدا

ماينفع بتقولي السبب اقولك السبب لانو بدون علاوات ماراح تستمر بنفس الرتم المعين اللي يعني اقصد بنفس

الاداء الوظيفي المطلوب منك

وبعدين بقولك حاجه في اي قطاع خاص لازم يكون هناك علاوات وترقيات فامستحيل بدون علاوات ولا اي مميزات

تحفزك كالموظف

.................................................. ...............................................

اما بنسبه لوظيفه حكوميه جاتك روح لها بدون اي تفكير القطاع الحكومي افضل بكثير لانو الحكوميه كل سنه

تنزلك راتب زياده بعكس القطاع الخاص مافيه زيادات الا في حاله وحده اللي هي اعتماد تقييم الموظف من قبل

مديره المباشر

.................................................. ..........................................

اما بنسبه التامينات تجمع بالحكومه والله يا الغالي ماعندي علم صراحه لكن اللي سمعتوه انو حقت التامينات

تجمع مع راتبك الحكومي في حال التقاعد

هذا اللي اقدر افيدك فيه

اسف على الاطاله

على الحكومي دايركت بدون تردد ..

شف الخاص صحيح انك ممكن يصير راتبك 20 الف لكن في بداية حياتك الحكومي اريح لك بينما الخاص صعب بالبداية وسهل بالنهاية والحكومي سهل بالبداية وصعب بالنهاية ..

اختار الانسب لك

شكرا جزيلا للجميع
وانتظر المزيد جزاكم الله خير