|
سلاح المشاة طبع القرارات
اخواني في الله ابسالكم سوال انا انطبع قراري وتم توقيعه من قائد القوات طبعا في الخلية الرياض رحت لهم قبل 3 ايام بتاريخ 5/28 قالو لي حظر 6/5 خميس مشيظ عظوني الرقم الخاص والرقم العام بورقة ملاحظات صفراء
المشكلة انو كثير ناس قالو لازم تحضر بقرارك او صورة من القرار كلمتهم قلت لهم ابي صورة قالو مانعطي صورة حظر بالرقم الخاص والعام فيه احد عنده خبره بالجيش سلاح المشاة ؟ المشكلة انو ماعطوني صورة من القرار فقط ورقة ملاحظة صفرا مسجل فيها الرقم الخاص والرقم العام |
يجي من يفيدك
موفق باذن الله |
وين كان تورتك?
|
رح لهم وقلهم عندكم كل شئ وماعطيتوني الرقم الخاص او الرقم العام
وجهة نظري وشف رد الاخوان بالتوفيق |
مو من حقه ما يعطيك صوره من قرارك .. انت خلاص امورك منتهيه وش يبي بعد
واذا باشرت لازم يكون معك صوره من قرار التعيين ,,اثبات انك عسكري الى ان تطلع لك بطافة العمل,, الله يوفقك دنيا واخره |
اقتباس:
انا اول ما انطبع قراري قبل سنه عطوني ورقه مثلك ولقيت ملفي كامل في الوحده يلي متعين فيها تحياتي اخوي بالتوفيق |
مسآء الخير ..
آخرتهآ حيآكـ الله وبيآكـ اولاً : ألف مبروكـ على الوظيفة أسآال الله ان يجعلها لكـ خيراً وثانياً: انت من اي منطقة سجلت ..؟ |
الف مبرررررررررررروك
|
اقتباس:
|
الله يوفقك و يديم عليك الاستقرار الوظيفي
|
آلجني الاسود انآ في سلاح المشآة في القوآت البرية سجلت معكـم
سجلت في المنطقة الشرقية من مكتب التجنيد في مدينة الملكـ فهد العسكرية سجلت شهر 2 واعطوني اوراق الفحص والعمده والشرطة والاحوآل المدنية وخلصت اموري وسلمت اوراقي بشهر 3 ورفع بالملفآت من هنآ لريآض في 3/20 وكـل ماسألهم في التجنيد عن الدورة يقولون خـلك على استعدآد ومن ذآك اليوم وانا مستعد :d المهم كلمت ولد عمـي قبل آسبووع في الريآض وراح وكلم واحد من خويآنه وشآف اسمـي وانطبع القرآرت في الرياض لكن الى هذآ اليوم ماوصلت القرآرت الى المنطقة .. ومكتوب في القرارات معهد سـلاح المشآة في خميس مشيط يوم الدورة السبت 5/21 وانصح صآحب الموضوع انه مايحضر الى قبلهآ بسبوع والجميع واللي عنده معلومة يفيدنا أكثر بآرك الله فالجميع .. |
يآشبآب انآ قبل شوي حصلت واحد يعمل في التجنيد
وسآلته عن الدورة يقول اليوم من مكتب التجنيد اتصلنا عليهم فآلريآض وقلنا لهم متى الدورة والقرار يقول القرار ينطبع 8/1 والدورة 8/6 يعني هل من المعقول أن يكون بين طبع القرار والدورة 6 أيآم كيف نآخذ صوره من القرار او رقم القرار ..؟ ياشبآب اللي عنده خـبر يزودنآ لان والله حآس اننآ لعب معهآ مآصآرت دورة |
والله ياليت احد يفيدنا
|
يآليت ان احد يعطينآ علوم عن الدورة ..!
|
بالتوووووووفيق
|
طيب في واحد من الشبآب رآح الريآض واعطوه صورة من القرار
والمشكله ماقالوا له وقت الدورة يعني يروح للخميس ويحضر ..؟ او ينتظر حتى يجي القرارات لمكتب التجنيد للمدينة التي يسكنهآ ؟ |
اقتباس:
طلعت النتائج بشهر 11 فحصنا 16-12 خخلصنا الاوراق 9-1 شهر2 طبع القرار وجاء لمكتب تجنيد وشهر 3 عقدت الدوره ع فكره ترا اتصلوا علي قبل الدوره بأسبوعين وحضرنا بلبس رياضه لون احضريوم جينا للمركز صرفونا الصرفيه طبعا الصرفيه اللي هي البدله بعدها تدخل الدوره المقصد من كل هالكلام كله انه مكتب التجنيد يجيهم القرار ويتصلون عليك بأذن الله. عسى الله يوفقك . |
طيب احنآ سجلنآ شهرر 2 وخلصنآ امورنآ
ورفع بالملفآت شهر 4/20 ولحد الان يقولون ماوصل شيء لمكتي التجنيد بس اللي رآح الريآض اخذ صورة من القرار او اخذ الرقم الخآص مثل صآحب الموضوع اخذ الرقم وقالوا له يحضر يوم 6/5 المهم ان في واحد طلع صورة من القرار حقه وهو طآلب عنده ثآنوية عآمة وقالوا له دورتك في معهد سلاح المشآة في خميس مشيط لكن ماقالوا له يوم الدورة لكن هو استفسر من شخص يعمل هنآك يقول له حضر الاسبوع الجآي فهو مآيدري يحضر او يصبر حتى ان يصل باقي القرارت لخويآنه ..؟ |
شباب انا قدمت شهر 12 في سلاح المشاه في الخرج وخلصت كل شي ودقو علي الاسبوع اللي طاف قالو الدورة يوم 21-6-1433 وولد عمي ارسل اللي صورة من القرار اخيرا فرجت
|
اقتباس:
عسى الله يوفقك ويصبرك يارب . |
بالتوفيق ياشباب
|
اقتباس:
|
سلام عليكم كيفكم يا شباب
شباب انا هذا الاسبوع سلمت ملفي بالكامل لمكتب تجنيد تبوك باقي طباعة القرار بسلاح المهندسين ابي مشورتكم اروح الحين الرياض او انتضر ابي الرد يا شباب |
شآهينو يآ غالي انآ اتمنى لو اني اتواصل معكـ عن طريق الجوال او الايميل او اي الفيس بوكـ
بآلنسبة يآشبآب لدورة سلاح المشآة فهي كمآ قال الاخ شآهينو ولن ازيد عمآ قال لكـن وعلى مارأته عيني ان الثآنوية العآمة جنود أوائل ودورته في معهد سلاح المشآة مدة الدورة 9 شهـور وقت التحضير من الاسبوع القآدم الى الاسبوع الذي يليه اللي عنده رقم الخآص والعآم حقه يحضر مو ضروري يآشبآل تكون صوره من القرار معكـ وانا رآح احضر الاثنين هذآ وعلى الله وان فكوني رآح ابلغكم بكـل جديد .. |
أخوي سعودي ملكي ياليت نستفيد ﻣ̉ﻥ̴ بعض وأنا أرسلت لك رساله عالخاص. وهذا رقمي ياليت نتواصل 0507210983
|
ياهو أحد شاف لي سعودي ملكي
|
اسف يآغالي كنت في خميس مشيط وتعرف صعب النت هنآك بآذن المولى بيننا اتصال
|
ياشباب انا توني وقعت وبصمت بتجنيد الشرقية قالو اختار سلاح المهندسين أو المشاه قلت المشاه لأن بيني وبينكم ماعندي خبرة بالمهندسين مثل. تبريد وتكيف المهم اخترت سلاح المشاه رفعو أوراقي الرياض يوم 19-11 - 1435 وش العلم انتظر شهرين 5 شهور 6 شهور افيدوني في دورات سلاح المشاه بشهر 3 أو. شهر 6 أو شهر 8
|
يقولون في دورة 24 /12 والله العالم
ويجي من يفيدك |
بس ي اخوي انت مقدم بأي شهاده وشنو عطوك رتبه
ابي اعرف اللي مقدم ثانويه يعطونه جندي وله جندي اول |
موضوع قديم
|
| الساعة الآن 09:17 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين