مشروع يديره يمني بدون رخصه دخله اليومي 1000 ريال.. ماصدقت حتى شفت بعيني
السلام عليكم
الصراحه انا شفت مشروع تحت ادارة يمني والعمال يمنيين بدون رخصه وما صدقت حتى شفت بعيني وجلست مع المدير اليمني .. كيف!!! انا اقول لكم .. الحقيقه كانت فيه مناسبة عشاء عند احد اعمامي في بيته وقد حضرنا في ذلك اليوم .. ومن باب التعاون كلمت عمي اذا رغب في مساعده او شي .. قالي لا تعب نفسك انا جبت قهوجيه وصبابه . قلت خير المهم رحت للقهوجي وسلمت عليه وكنت متوقع انه سعودي ماشاء الله راز نفسه بالغتره والعقال والله انه معدل الغتره تقول سعودي . قلت له انت سعودي .قال: لا .انا يمني ودار بينا حوار طويل بس انا بختصره لكم . قلت له : من متى وانت تسوي القهوه والشاهي .قالي: من 5 سنوات . قلت له: تابعين لمحل او مؤسسه. قالي: ما يحتاج يارجال الجوال موجود وانا صرت معروف عند الكثير . قلت : طيب كم تاخذ اجر في كل مناسبه . قالي: شف الفلوس تختلف من مناسبه لاخرى يعني اذا زواج اخذ في اليوم 2000 ريال واذا غداء او عشاء اخذ الف ريال واحيانا اذا ما فيه شغل اقبل ب500 ريال . قلت طيب: المبلغ شامل لكل شي . قالي: لا الصبابين لهم حساب ثاني في الزواجات 500 ريال لكل واحد وفي العزايم العاديه 300 ريال لكل واحد . قلت : حلو الله يرزقك بس اتوقع انكم تشتغلون في الشهر مره او مرتين . قالي: بالعكس احنا في الشهر نطلع ما يقارب 30000 الف ثلاثين الف في الايام العاديه وفي العطله ايام الزواجات نتعدى الخمسين 50 الف . ( يارباااااااااه بدون رخصه) . قلت طيب الي معاك منهم قالي : هذولا عيال عمي واقاربي ( كلهم لابسين غتر ) وقال لي : على فكره احنا اليوم كنا عند واحد كان عنده غداء بالف ريال وعمك عشاء بالف ريال يعني اليوميه الفين قلت له : بالتوفيق الله يرزقك ومشيت من عنده وانا قاعد احسب كم يدخلون في الشهر . حسبتها قلت : يعني لو يدخلون في اليوم اقل شي 1000 ريال × 30 يوم = 30000 الف لو ما يشتغلون الا نص شهر 1000 × 15 = 15000 الف في السنه كم تطلع 15000× 12 = 180000 الف مائة وثمانون الف في السنه من غير الشغل في الصيف وايام الزواجات . بدون رخصه وبدون سجل تجاري وبدون ايجار محل يعني لو فتحت مؤسسة نضاميه وبرخصه وبسجل تجاري وبسميها ( مؤسسة القهوه العربيه ) واحط منشورات في قصور الافراح والاستراحات واوزع عند الاشارات . واجيب عماله يمنين وادربهم على عمل القهوه والشاهي والنعناع واعلمهم الترحيب وصب القهوه . مو احسن من هذا الاجنبي الي يعمل بدون رخصه ويدخل في السنه 180 الف ريال .......... اترك لكم التعليق |
معقوله :do5h:
ماشاء الله الف له لوحده في اليوم من غير العماله الله يرزقنا ويرزقه يارب ياليتني رجال كان اشتغلت :d وين بعض الشباب النايم :mad: الله يهديهم بس ويرزقهم |
أصلن يالحبيب هذآ العمل مايحتاااج رخصصصصصة ابدآ
ولا له ترخيص يقدر يشتغل هاليمني الي مب عاااجبك شششششششغل مخـــه ويطلعووون من الترآآآب ذهـــب لو شبابنا يفكر نص تفكير هالحضارم واليمنه والله لنصصصير فوووووق مين اغنى بالموارد احنا ولا الامارات ورووح شششوف الامارات وشوووفنا حنا العمانين الطلاب الي في بريطانية ياخذووون 2500باوند في الشهر غير السكن الطلاب السعوديون ياخذون 1180 باوند مع السكن |
15 ألف ريال أو 30 ألف ريال في الشهر !! أقول.. كيف الحال !
|
ماشاء الله عجبتني الفكره وعجبني طريقه تفكير صاحب الموضوع يعني باختصار استفاد من تجربه القهوجيه اليمنه
يالله ياشباب الي مالقي وظيفه ليه مايصب قهوة المبلغ مشجع جدا لو انا شاب لااحترف هاذي الشغله وحنا على ابواب الصيف همتكم شباااااب الله يوووووووووووووووفقكم |
صحيح يكسبون وينافسونهم فيها الباكستانية خصوصا النساء مع أني ألاحظ مبالغة بعضهم في الأسعار بالنسبة للرخصة مو ضروري وهذا عمل شريف لمسلم في بلاد الإسلام المهم إقامته نظامية ولا مارس عمل مخل يضر الوطن والسكان مثل غيره! وأساسا لو تركوها قليل من السعوديين راح يشتغلوا فيها الله يرزقهم |
الله يرزق المسلمين انا شايفهم في مناسبه لا احد اقاربي جايين على جيب فكسار ومجهزين الشنطه بااغراض القهوه والشاي
|
احلى شغله مفاطيح وبوفيهات ووناسه وكل المسئله صب قهوووه
يالله همتكم يا شبابب العمل ليس عيب, العيب تكون شنب وامامك الفرص وترضى يان يصرف عليك ابوك او امك |
اذا بطلع موسسة اروح للغرفة التجارية
وكم العمال يعطوني هل فيه صعوبة |
مشروع رائع جدا
بالتوفيق ان شاءالله |
أعرف أحد الأشخاص لديه محل متخصص في التصوير (فيديو و فوتوغرافي) و ترتيب الضيافة للأعراس و المناسبات (رجال و نساء) و ت
الإدارة و جميع الموظفين سعوديين الرجل له أكثر من 10 سنوات في هذا المجال هذا المجال في خير كثير لا تفوتوه يا شباب طبعاً الرجل كانت بداياته بسيطة بدون محل من المنزل و الآن لديه محل في شارع تجاري و أسم معروف لدى الكثير |
مثل تعطير الحفلات برضو مايكلف ومايحتاج ترخيص :wa ربحة اليومي 3000 بتواريخ القاعات والمناسبات الله لايقطعها :wa ومثل مايقولون الرضا بالقليل يجلب الكثير لأنه آخر الشهر بيكون مبلغ حلو :rolleyes: وكلها تصلح للنساء والرجال على حسب القاعة طريقتة سهلة كل ربع ساعة المبخر والمرشات تدور على المعازيم بعد الشاهي والضيافة سواء انت اللي تختار لهم البخور وتنوع أو من عندهم ابدا على بركة الله والله يوفقك ويسعدك |
فيه مثل المشروع ذا بجريدة وسيط
تنظيم الافراح والحفلات وقهوجيين قريت اكثر من اعلان |
اقتباس:
:Thumbs: |
مشروع جيد بس السعودي عنده كرامه رغم انها مو عيب الشغله
|
شفهم بمكه ب 100 ريال الواحد هم علا رئيسيهم كل واحد 100
ابو يمن ينصب امكن علا حسب المنقطه ؟ |
اليمني بصراحه مكافح
|
عذرا لصاحب المشروع قمت بحساب الدخل اليومي والشهري والسنوي ولم تقوم بحساب المصاريف لهذا المشروع
أولا حفل الزواج يشتغلونه ب 2000 ريال والصباب الواحد ياخذ 500 ريال يعني اربع صبابين المشروع خسران ودائما مشروع ماتقدر تصيطر فيه على العمالة خسران 100 % وشكرا وجهة نظر |
مشكلة شبابنا الخجللللللللللللللل
|
اول شي ما شاء الله والله يرزقه ويرزق اي شخص يدور على الرزق سواء كان يمني او غييييره لان الرزاق هو الله المشكلة بشبابنا لأنهم يرفضو العمل باي شي يبغون يجلسو على مكاتب الفكرة جداااا حلوة ومربحه يا ليتني رجال كنت ما استنيت دقيقه. :i |
اقتباس:
احسبها الان المجموع 4000 طلع منها مصاريف الشاهي والقهوه 500 ريال الباقي 3500 دخلهم في يوم واحد 3500 وين الخسارة الي تقول |
مووووضوعك مرره اوكيه ويخلي الناس تشغل المخ المقفل
ههههههههه والله بس لو شبابنا يشغلو مخهم لانصير احسن ناس اليومنا والهنود فبلادنا شغالين احسن من عيال البلد عارفين ليه لان عندهم قاعده اسمها الشغل مو عيب فكل شي يشتغلو فكل شي فيه فلوس يشغلو مخهم ناس تحب الكسب الحلال والشغل مو عيب اهم شي عندهم شغالين وماعندهم عنطزه وكذب البرستيج ضيعنا ياعيال البلد والتبطح هذا ماخدنا شي من وراه لو نبدا من الصفر ومن اي مجال راح نصير احسن استفيدو من تجارب الاجانب |
حارقين كرت اليمن في هالمنتدي هههه
|
اخوي الغالي انا اذا جاء عندي مناسبة اجيب قهوجي و2 صبابين ب 500 ريال
لو كنت صاحب محل وكل خميس وجمعة تدخل 1000 ريال يعني في الشهر 4000 ريال ورواتبهم نفس الدخل يعني المشروع خسران واذا غلط حسبتي عطني الحسبة اللي مشيت عليها |
ما شاء الله
|
اقتباس:
اذا كانت مؤسسه ومرتبه اعتقد المبلغ راح يصير اكثر من كذا .. انا اقول لاخواننا اليمنين الله يرزقهم والله لم اجد الكفاح والعمل الجاد الا عندهم ناس يحبون العمل ومجتهدين الله يرزقنا ويرزقهم |
ماشاءالله مشروع صعب ان يتوقعه الشخص و مذهل ومدهش
جميل وتستحق الثناء علي هذه المعلومات التي تخفى عن الكثير مع اطيب تمنياتي لك بالكل التوفيق |
لكل مجتهد نصيب
|
شوفو دامه ماضر احد لله يرزقة وزياده اعترف بفضل الله وقالك كم رزقة لو انه سعودي كان خاف تحسدة
تدرون وش اللي قاهرني انو فالنهايه ما استفدتو من التجربة كلكم بتجيبون يمنيين وتشغلونهم نفففس القضية من اللي فيكم قال بشتغلها ولا وااااحد تحياتي لبريستيجنا |
الله يوفق الجميع
|
مشروووع ناجح
|
اهنيك ع تفكيرك السليم واتمني لك دوام التوفيق والتخطيط النااجح
|
اقتباس:
ويصرحوا كم يكسبوا وحتى لو ما صرحوا ترى معروف لأن اللي يدفع يتكلم وأيضا تعرفين من طلبهم لما تطلبيهم ومن كروتهم التسويقية ! في منتدى أسواق ستي مؤسسة معلنة إعلان فيه كامل التفاصيل من إلى من ناحية البرستيج صحيح فيه كثير يرفضوا أشياء كثيرة بسببه الله يوفقهم ويرزقهم أيا كانت جنسياتهم اللي يشتغل بالحلال وفي السليم يستاهل الدعاء في ظهر الغيب |
مشروع جميل وفعلاً الأرباح صحيحة ولكنها تتفاوت من مكان إلى آخر
وأي عمل يخص الأفراح والمناسبات تكون الأرباح فيه عالية .. طبعاً مشروع القهوجي ما يحتاج رخصة .. أو بالأصح راح يتعب لو يبغى يطلع رخصة لهذا الشيء لذلك فيه مشاريع كثيرة مربحة دون رخصة .. واللي يعملون فيها كافراد وكل شيء يتم عن طريق الجوال مثل المذكور بالموضوع فكرة المؤسسة جميلة جداً .. خصوصاً في المناطق الكبيرة والمدن الرئيسية او تأجير العمالة على قصور الأفراح .. لأن بعض القصور تبغى تقدم هذا الشيء ضمن خدماتها شكراً لموضوعك وطرحك المتميز وربي يبارك ويوفق الجميع .. |
والله البلد فيها خير وهذولا الأجانب يعرف يطلع الريال من تحت الرمل
|
مشروع مربح خاصة ان المناسبات تقريبا
طول السنه غيرالمناسبات العاديه والشغل مهماقلت مرتبته ماهوعيب طال ما انه حلال ولنافي انبياء الله قدوة مافيه نبي مااشتغل بالرعي واللي خياط ونجاروالواحد يعمل ويشتغل حتى يكفل نفسه مايقول انتظرالوظيفة أم راتب يمكن تبطي ويروح العمروحنافي انتظار.. ولانلقيباللوم على الاجانب والناس اللي تاركها عيالها ويدورون رزقهم عندنا لا نلوم انفسنا حنا اللي تركنامكان فارغ ممكن ان احنا نسده.. مرة احتجناشغاله مدة شهر ولقينا حبشية قالت لنامرة ان اخوها يجي للسعودية متخلف ويرحلونه ويرجع بنفس الطريقه من المتخلفين تقول لان هنا فلوس انتم يالسعودين ترمون بفلوسكم بالزباله ياإخوة الواحد يبدأشوي شوي حتى يكبرويكسب خبره ويتعود على الصبرويعرف قيمة الريال.. اتمنى لكل واحد او وحده الرزق الحلال وعلوالهمة والاقبال على الحياة والبداية الموفقه.. يااخوة اللي راقت لهم فكرة المشروع ابدأو من اللي حواليكم واعرضوهاعليهم وابدوا واسسواوبإذن الله راح تنجحوا. |
الساعة الآن 10:10 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين