السلام عليكم ورحمتة الله وبركاته

ياليت احد يساعدني في حل مشكلتي

انا موظف عارض منتجات في شركة نادك شغلتي اني اصف اللبن والعصيرات والاجبان وانا عانيت من قائد الفريق اللي شغلته مساعد مشرف
كان اول نفس شغلي عارض وترقى ويوم ترقى قلب علينا وترقى بدون تدريب بدون اي شي ومو عرف وش الشغله
كان والله اكثر من 17 عارض سعودي وكلهم طلعو بسببه مابقى الا انا و4 جدد تحت التدريب كل ماجاء اسوق رتبناها مايقولك تعال شوف سويت غلط صلحه لا يعلمك معه كاميره يصور ويفضحك في كل الشركه والله حتى عامل النظافه يعلمه
واذا غبت انا عند الدوام يمسك مكاني ويلعب في الاسواق المحددينها لي الشركه ويلعب بالثلاجات
واذا جيت عند المشرف كلمته اقوله يلعب في اسواقي يخرب ويورطنا يقوله انشاء الله بجي اشوف والله مااشوف وجهه رحت للموارد البشريه ولافيه فايده اخرتها سبب لي مشكله في اسواق وقالو الاسواق والله نشتكيك فالادارة قال اشتكوني قالو وش اسمك راح قال اسمي انا ماقال اسمه يبيها تجي فظهري
والمشرف يجي الصباح يدق الكرت يجلس شوي ويروح البيت والين جاء الظهر قال عندكم مشاكل فالاسواق وهو فالبيت من اللي قاله قائد الفريق يعلمه و المشرف فبيته ويكذب يقول انا جيت
اسأل الاسواق انا جاء المشرف يقولون لا ولاشفناه ويظلمنا دوامنا من السبت الى الخميس الجمعه راحه قائد الفريق اكثر اوقاته يروح للبيت او استراحة اصحابه بالسلي قريبه من الشركة لاني قد راقبته جبت صورللثلاجات اللي ملعوب فيها ولا فيه فايده يصكتون له ويعطوننا انذار لانهم يروحون لبيوتهم ويدفونه بالعموله وانا انكرف والمدير الاقليمي مامنه فايده ماينفع كل مقلت وينه قالو مسافر طلع تعبان وش هذا مااقول الا حسبي الله عليهم
قائد الفريق:عبدالمجيد العتيبي
المشرف:ابراهيم الفارس
المدير الاقليمي:عادل النعمي
هذي اسمائهم ياليت احد يقدر يساعدني والا وش اسوي

افا
عاد المدير الاقليمي انا مسوي مقابله معه في رمضان

بس تبي الصراحه مارتحت له احسه كذاب مايبي سعوديين

اسألته واجد يبي يحجر لي عشان ماتوظف عنده

لكن اخوك ذيب

انا قريب بتوظف عارض منتجات عندهم
وبشتغل وببدع ان شالله
وخلني اشوف ازعاج بس منهم والله لوريهم نجوم الليل هههه
بالتوفيق

آولآ اسآال الله آن يصبركـ عليـهم

وعسسى آلله يشغلـهم في نفسسهم


وثآني شي يآخووكـ ترآ آلدحلسسه مطلـوبـه

خآصتن للشكليآت هآذي

يعـني آنت مآششآء الله عليكـ صبرررت كل هالفترهـ وهو مطفششك

مآقدرت تلمـه آو تتعمق فيـه آكثررر

تزورهـ بالبيت ولا تعزمـه عندكـ

ويكـون بينكم عيش وملـح على قولـه المصرييين

وآذآ مآنفـع يآخي شوف اللي يجلسس معآهم

مو بآلدوآم خآرج الدوم
وسسآل من آقرب شخص لـه واحكيلـه مشكلتك بدون مآيدري قآئد الفريق بينكـ

ويبن الشخص


وآذآ مآنفـع معآه روح وآجـه شخصيآ وحآول تتنآقشش معـه ليه يسسوي هالحركآت هآذي

آذآ مآتجآووب لآبوهآ لا بو الوظيـفه آدعسس على خشم مندوبـه

[align=center]
الله يكون بعونك وحسبي الله ونعم الوكيل على كل ظالم
خل اتكالك على الله ومن توكل على الله فهوا حسبه
لا تخسر وظيفتك بسببه خلك قوي ولا تجعل اي ريح تهزك
اطنشه وقول ياربي وكلتك عليه والله سبحانه ماراح يخيبك
[/align]

لازم تواجهة

وتقوله انت اشبك تعاملني كذا

لايكون غلط عليك وانا ما ادري

شوف بعدين ان شاء الله راح يحترمك ويقدرك

سوي اللي قلتلك عليه وشوف