اذا كنتم مكاني .؟ هل تنتهي حياتي ..!
 

السلام عليكم

اول شي انا متوظف عسكري وفي ديرتي وعند اهلي

نسبتي الثانويه 87 علوم طبيعيه والقدرات 74 وعمري 20 يعني بعز الشباب

وانا مو مرتاح مره في العمل وكل ماداوم كأن الموت قدامي مع ان العمل مو صعب مره

ودور براسي الفصل من العمل لكن المشكله الوالد اول شي وضاغط علي هو ومايدري اني مو مرتااااح

واتمنى الموت لاني تعبت
وثاني شي انتم تعرفو كلام الناس انا مااهمني هي المشكله ابوي

وحبيت اطرح لكم مشكلتي ربما تجدون الحل مع اني ليس امامي غير الفصل او المتابعه

وعليكم السلام ورحمة الله وبركاته ،

أبداً
لا تخلي طاري الفصل في بالك ..

من المهم أنك كتبت سنك
أكيد نفسية العمل لها دور وخصصوصاً زملاء العمل وطبيعة احتكاك معاهم
العسكريه عسيره شوي ولكنها مراجل ...مدرسة رجال

ك نصيحه
اصبر وتعلم الصبر وعلم نفسك ع المثابره في التحمل كل يوم عمل وكل مشكله تمر عليك
هي تعطيك مساحه جديده في داخلك من ناحية التحمل
اليوم مشكله وبكره تنحل ومع الايام تصير متحمل بشي اوسع ..
هذا حال الوظايف لو فصلت الان ورجعت تبني حياتك من جديد ك دراسه الخ
راح تتعب صدقني لكن اذا مصمل ع الدراسه
ابحث لك عن جامعه انتساب وانصحك في اللغه الانجليزيه لان توظيفها طيب

حاول تواجه مخاوفك ومشاكلك في العمل
أستعن بالصلاه والصلاه والصلاه والصبر

والايام دول بين الناس
راح يجي يوم تنبسط من العمل وتجياك ايام تكرهه اكثر
وهذا هو الحال

توك في بداية حياتك الوظيفيه
اتمنى الله يوفقك ان شاء الله

واذا كان لديك مشكله بالعمل اطرحها هنا ان شاء الله الاخوان يساعدونك

احس اني خرجت من عالم ودخلت عالم ثاني مختلف تخيل كل اللي حولك اول مثل عمرك والان كلهم كبر ابوي

ههههههه
اسعدك الله دنيا واخره
هذولي الان اسمهم " زملاء عمل " لو كان عمره 60 الا يوم
يبقى زميل عمل وانت تعاملك معاهم بيكون من باب الاحترام لكبير السن
لا تحاول تضغط على نفسك
مع الايام تصبح ان شاء الله مختلف وتتعلم منه الزين وتترك الشينه
وهذا حال الزمن
حتى لو دخلت جامعه وتخرجت وصرت مدرس مثلاً
راح تجد كبار السن امامك


حاول تجاوب على سوال الاخ الي قبلي في بالك
وفكر في امورك
وربي يكتب لك الخير

آلله يعينك شيل فكرة آلفصل من رآآسك ودآآمك في ديرتك آكيد آلي معك من نفس جمآآعتك<<صرت آتنرفز من ذآآ آلشي آلمهم مآآ عليك آذآآ فيه مشآآكل خآآرجيه وقآآبلتهآآ قدآآمك في آلعمل آنتظر يجي تشكيل وصدقني لو تروح عن ديرتك 2000كم وآنت في بآآلك آلفصل مآآ رآح تظبط آمورك لين تتجه آلى آلله سبحآآنه وتعآآلى
وآنآآ آعرف نآآس يمرون في آلشي ذآآ حآآول ترسل لي مشكلتك على آلخآآص وآآنآآ آن شآآء آآلله آظبطك..

اكمل دراسه المشكله اني مو مرتاااااااح

احس اني اسعجلت مره وندماان والله لكن فات الوقت ((( شكلي ماني مطول ))

طيب وش بتسوي اذا شكلك مو مطول


وين بتروح بتقولي ادخل جامعه طيب واذا تخرجت من الجامعه وش بتسوي

يابن الحلال غيرك بشهاداتهم الجامعيه وواقفين في طوابير الانتظار امام وزارة الخدمة المدنية او الشركات الخاصة

احمدربك عمرك عشرين سنة ومتوظف جمع راتبك عشان يمديك تتزوج وتفتح بيت وتشوف ذريتك بدري

غيرك من اصحاب الشهادات وصلت اعمارهم 30 و 35 ولا مداه يتوظف عشان يقدر يفتح بيت قولي هذا متى بيشوف عياله ومتى بيربيهم

شوف اخوي اذا مافصلت شكلي ابي اروح لمستشفى النفسيه بسبت العمل اقوولك تعباان ومتحطم وضاايع ولا ادري ويش اسوي باختصار كأن احد يخنقني يوم ادااوم

آنآآ قلت آرد مره ثآآنيه عشآآنك آعرف وآآحد صآآر له مثل مآآ صآآر معك آلمهم آلرجآآل طلع فيه عين آو شي وفصل وجلس 5 سنوآآت ورجع وتعب مره ثآآنيه ويوم فصل آرتآآح..
سؤآآلي لك هل آنت مو مرتآآح في بيئة آلعمل آم آن هنآآك نآآس في آلعمل يضيآآقونك آم آن رئيسك يكلفك مآآ لاطآآقة لك آنآآ حآآولت آحصر آلمشآآكل آلي تخطر على آلبآآل وآذآ كآآن على قولك تحس آحد يخقنك لا يكون فيك عين حآآول تقرآآ على نفسك روح خذ لك عمره تقرب آلى آلله.
آرجع وآقول لك رآسلني على آلآيميل qpn-@hotmail وآحآآول معك آن شآآء آلله

يارجال وظيفه عسكريه راتب كبير .. ماشاء الله
وعند اهلك < يعني استقرار
كمل دراسستك .. بقولك قصة خويي عسكري مثلك

كان في الجوازات وكل الناس تتمنى هالوظيفه وهي قريبه من اهله يداوم 100 كيلو عن اهله

بس مثل حالتك مو عاجبته العسكريه مايشوف نفسه فيها

فا الرجال كمل انتساب .. بس مافصل من وظيفته

كمل في وظيفته عشان يصرف على نفسه
وكمل جامعته ..

تخررج الرجال .. ودخل مسابقه في وزارة العدل وماشاء الله توفق

وقبلوه على المرتبه السادسه وراح وقدم استقالته من العسكريه

وماشاء الله .. تعيين في كتابة العدل جنب بيت اهله

وظيفه مدنيه وشهاده جامعيه وخبره عسكريه

اشياء كثيره استفادها ماشاء الله

الصبرر زززين كمل جامعتك وانت في شغلك

ودور وظايف غيرها , لين الله يفرجها عليك

وبيني وبينك العسكريه مافيها مثلها

طلاب الجامعه يدرس 4 او 5 سنوات ويتخرج .. ونقول لقى وظيفه
وانت ثانويه ولقيت وظيفه عسكريه .. انت وياه نفس الراتب

فا تزوج << وبتنبسسسط وكمل دراسسة

(:

!!

ودي اكمل انتساب بس طبيعة العمل مااتسمحلي لاني مااني لاقي وقت اناام فيه كيف اذااكر

اخوي ان شاء الله اضيفك ونتفاهم

نصيحة لك حاول كل ما تقضي الحاجة تتوضئ وتصلي 3 ركعات قبل النوم صلي ركعتين وبعدين سلم وكمل ركعة
وجيب ماء واقرأ عليه المعوذات وآية الكرسي وامسح فيه جسمك لانها يمكن تكون عين

اقر سورة البقرة
وتحصن بالاذكار
وكمل الجامعة توك صغير وخلك بعملك
واصبر وتصبر واضغط ع نفسك
انت خل ثقتك بنفسك عالية
واستعن بالله واكثر الاستغفار

والله نفس الاحساس جاني يوم

اشتغلت شهر بمدرسه على الحاسب

كل اللي حولي عجز تفكيرهم غيرررررر عن نفكيري جاتني حاله نفسيه

والله يوم كنت ادخل المدرسه احس ودي اشرد ... ماالومك والله لاتضغط

على نفسك اكثر واذا تقدر تكمل دراسه لو انتساب حاول توفق بين الاثنين

عشان تجدد وجوه يمكن تتجدد نفسيتك مع عيال الجامعه وعاد تصبر على الشياب

بساعات الدوام لانك محتاج الوظيفه ..

لا حول ولا قوه الا با الله رح عند شيخ يقأ عليك

اول شي انت عند اهلك نعمة من الله انا لي 4 سنوات بعيد عن اهلي 4 مرات ارفع نقل ويرفض اتمنى اني بين اهلي بس الله ما اراد تعبت اول ما تعينت بس الحمد لله ولا العطاله من الثانوية على مدينة تدريب الامن العام من والله ابوي وامي واخواني فرحانين فيني وهذا انا اكمل دراستي لي سنة مسجل بالجامعة واترك الناس عنك والله ما احد بينفعك تزوج وعيش حياتك ونصيحة هي اكثر من الاستغفاااار والله ب استلامي اللي اسويه ما اكلم احد استغفر الله واتوب اليه وسبحان الله وبحمده سبحان الله العظيم واذا خلصت دوامي بالاستراحة مع الشباب بلوت وبلاستيشن وضحك وناسه والله شوف عمال البوفيات وعمال النظافة اسئلهم له كم ما شاف عياله واهله ولا راح ديرته انا اذا ضاقت فيني اجلس معاهم واسئلهم كم ما شفت اهلك واستحقر نفسي الرجال صابره وانا منفس وزعلان واحمد ربي على وضعي واتمنى لك الخير وكل الاخوان والله ييسر الامور
ودعـــــــــــــــــــــــــــــــــــــــــواتـــ ـــــــــــــــــــــــــــــــــــــــــــكم