رايكم في المشروع هذا ؟؟
 

السلام عليكم ورحمة الله وبركاته

فكرة المشروع شركة سوفتوير تصميم برامج للشركات والمحلات والمشاريع المختلفه تقريبا أقدر أسوي كل شئ في الحاسب حسب احتياجات العميل من تقارير و برامج وحسابات وتنسيق و طباعه وقواعد بيانات وتحليل

طبعا الشغله هذي يبغى لها مجموعه وكلمت كذا واحد وتقريبا المجموعه جاهزه من مصمم ومبرمج و قواعد بيانات

بس فيه نقطيتين مهمتين

الأوله : بصراحة ما عندي فكره من راح يحتاج الشغله هذي وهل يوجد طلب عليها ؟؟ مثلا الشقق المفروشة والمستشفيات الاهليه و الشركات الصغيره وكيف يوصلون لك

الثانية : هل أبدأ بشكل رسمي واشوف الاجراءات ولا أخليها على موقع واعلانات مع العلم إني موظف ولو يدرون عني ممكن تصير مشاكل :wa


أتمنى تفيدوني بأراكم في المشروع هذا ويعطيكم العافية

هلا


يا بن الحلال اقل برنامج تسويق اليوم سعرة 500 ريال

واي برنامج يقبل التعامل مع اجهزة البركود وماسحات الليزر مطلوب

وهناك كثير من المستثمرين مستعدين يدفعون اللي تبي بس توفر لهم طلبهم زي ما يبون

لان اغلب البرامج الموجودة ما تقبل الاضافة والتعديل لانهم ما يعرفون المصمم

واغلب البرامج اللي موجودة بالاسواق محتكرينها المصارية وشغالين

انت اخوي نزل موضوع هنا بالمنتدى عن امكانيتك صنع اي برنامج لاي مشروع وحسب طلب العميل

ومو شرط برنامج تسويقي اي برنامج يفيد اي شخص في عملة سواء كان قطاع خاص او عام


وعندك اخوي المدارس يطلبون برامج

المسشفيات

جميع المحلات التجارية

جميع المؤسسات والشركات بجميع التخصصات

حتى الطلاب


البرمجة اليوم اهم نشاط


اهم شي انت لا تتوقف عند منتدى او غيرة


انت رح وابحث عن مستثمرين او زبائن

سو لك كم برنامج ونزلة باغلب المنتديات وخله هو واجهه لك او دعاية

وخله مجاني عشان ينتشر بسرعة

اهم شي انك تتحرك

واذا استطعت ان تكون شركة في ها المجال


فلا تتردد واذا مؤسسة في البداية افضل

لي رجعة


موفق

تقدر تتم المشروع من غير خساير تذكر كيف؟
تسوي اعلان في الجرايد المبوبه الوسيط الاسبوعيه وغيرها
وتجرب اذا مشي الحال وصار في طلب وكثرو زباينك ومنت قادر تلحق توكل على الله وسوي مؤسسه واجمع خويانك


بالتوفيق

بإإنتظار رجعتك

شغل البرمجة يبغاله وقت وجهد وخبرة

يعني تشتغل شهرين ثلاث عشان تخلص برنامج معين حسب احتياج العميل اكيد بتآخذ مبلغ كبير على جهدك

وكل ما كان معك مجموعة كل ما زادت سرعة الشغل يعني اللي تسويه في شهر بتسويه في اسبوعين اذا معك مجموعه

بس انا كل اهتمامي على الطلبات هل يوجد طلبات بتجيني ؟؟؟

الله يعطيك العافية

أنا اللي في بالي هاللحين إني أجمع المجموعة ونفتح موقع ونسوي إعلانات من هنا وهنا

إذا كان فيه طلب وشفنا الموضوع يخارج استمرينا وإذا ما جا شئ وشفنا الموضوع ما يخارج كل واحد بطريقه ^_^

بس الجانب اللي أنا أجهله إيش انواع البرامج المطلوبه مثلا هل تتوقع المستشفيات تطلب ولا الشقق المفروشة ولا ايش

وثانيا في بالي فكره ثانيه إني أصمم برنامج وابيعه مثلا للشقق المفروشة يكون قابل للإستخدام في جميع الشقق المفروشة واللي يبغاه يشتريه واذا احتاج تعديلات من أي ناحية على البرنامح كل شئ بحقه

بس برضه إذا سويت البرنامج وتعبت عليه هل تتوقعون السوق يطلب زي كذا برامج ولا آخذ برنامجي واتصور جنبه :d

[align=center]أمنى للي عندهم خبرة لطلبا السوق من البرامج يفيدونا

للرفع
[/align]

السلام عليكم
ماشاء الله تبارك الله ربي يوفق الجميع
البرمجة مجال رائع لكن كما تفضلت تحتاج جهد ذهني وبدني ولكن ثمرة النجاح تنسيك كل هذا
حاول تبدا ببرنامج مصغر لايحتوي على كل الاقسام بل الرئيسية فقط وبعدين تاخذه الى اقرب مستوصف او مؤسسة وتعرضه عليهم مع استعدادك لاضافة كل ما يحتاجة النشاط الخاص بهم
وجود مقر رئيسي لك بيساهم في انتشارك والوثوق بك اكثر لكن كبداية لا مشكلة ان تكون عن طريق الانترنت والتنفيذ من المنزل
بارك الله في كل يد عامله بشرف في طلب الرزق

الله يعطيكم العافية

وش رايك تعطي دورات في البرمجة على النت بمقابل مادي ..انا اول تلاميذك :rolleyes: