موظفه بشركه وعندي مقابله في بنك البلاد .. مشورتكم
السلام عليكم
يا اخوان ابي خدمتكم في موضوع حابه استشيركم فيه انا حاليا موظفه في قطاع خاص تقريبا من شهر بديت فيه وانا اصلا هذي اول وظيفه لي لاني خريجه جديده 2011 ووظيفتي هي محاسبه عندي مقابله لبنك البلاد ومحتاره جدا في الموضوع انو لو قبلوني هل اروح والا استمر بعملي وهل يأثر اني توظفت شهر واحد في السي في بشركتي الحاليه وايش افضل عمل الشركات العاديه والا عمل البنوك لاني دايم اسمع عن البنوك شغلها صعب كثير ومسؤوليه وسالفه طويله فماني عارفه ولا اعرف احد ببنك البلاد فابي معلوماتكم عنه كم رواتبهم ودوامهم وكذا وايش افضل صراف والا خدمه عملاء ؟ وابي نصيحتكم لو قبلوني اترك وظيفتي الحاليه والا لا مع العلم ان الوظيفه الحاليه راتبها 5 ودوام الى 4 ونص مشوووووووووووورتكم :eek: |
اول شي اختي صلي ركعتين واستخيري
ثاني شي نصيحه لله ابعدي عن البنوك والشبهات كثير ناس اعرفهم رواتبهم توصل 7 ومايكملو نصف الشهر ثالثا دام انك مرتاحه بعملك وماشاء الله راتبها حلو خليكي فيه رابعا الصراف هي من خدمه العملاء كلها زي بعض هذا يصرف فلوس وهذا يرد على التلفون وكلها من خدمات العملاء. مجرد رأي والقرار لكي اختي |
خليك بوظيفتك وصدقيني رواتب البنوك كل الموظفين فيها يقولون مافيها بركه واحد يستلم 15000 يقول تطير بيوم مافيها بركه وودهم ينقلون من البنك خليك بمكانك احسن لك
|
لو كنتي في بنك ثاني كان نصحتك تروحين لكن بنك البلاد ما انصحك
اذا انتي مرتاحة بالشركة استمري معاهم |
فعلاااا خلك بالشركه اللي انتي فيهاا
لان بنك البلااد رح يتعبك كثير وفووق هذا رح يطلبون منك تارقت كل يووم وحتى ان جبتي لهم كل شهرمارح يقدروا جهدك وتعبك بكل الاحوووال انتي استخيرري وبالتووفيق لك |
اساسا بنك البلاد بس شغلتهم يسوون مقابلات ولايوظفون
وغير كذا التارقت الي يطلبونه مو طبيعي ! انا اقول ريحي نفسك وحتى المقابله لا تروحين مافيهم خير |
اقتباس:
ابعدي عن الشبهات البنوك لا تخلو من شبه وفقك الله |
اختي اذ مرتاحه في وظيفتك وراتبها حلو 5000
خليك فيها والله احسن لك بصراحه من البنوك والمسئوليات .. وكمان كثير يقولون شبهات فيها اذ مرتاحه خلك على وظيفتك لاتنديم لمن تروحين البنك وانتي استخيري بالاول والاخير |
انصحك خليك في الشركة . البنوك الموظف دائم على اعصابه لا فيها استقرار وظيفي و لا شي يعني اي غلطه او شكوى من عميل خلاص امسك الباب.
|
اختي الكريمه ....
نصيحه لك خليكي بوظيفتك دام راتبها كويس البنك نفسية بتكوني فيها صحيح مميزات حلوه بس مافي راحه ولا بركة بالراتب واهم شي عند الانسان انه ربي يطرح البركه براتبه حتى لو 2000 ريال انا اعرف اثنين بالبنك موظفين ومناصب والله ولهم 25 سنه موظفين ولحد الان ساكنين بايجار ورواتبهم فوق 25000 وا30 فلا تقربي من البنوك وعلى سالفة خدمة العملاء تردي على تليفونات وتستقبلي عملاء وتفتحي حساب ووكذا اما الصراف تصرفي شيكات او تودعي للعملاء بس ركعتين استخاره لله بيدلك على الطريق الصحيح والله يوفقك ويكتب لك الخير ... |
الله يكتب لك كل الخير .. بس نصيحه انتي توك خريجه وبمرتب 5 الله يزيد ك ويبارك لك فرصه البنك ماله امان .. ليتنا لاقين غيره مالتفتنا له بس قدمنا ولا ردوا لنا بس انتي الحمد الله عندك وظيفتك ومرتاحه البلاد يطلبون تارقت فوق المعقول ومااايقدرون تعبك ومجهودك .. واستخيري والله يكتب لك الخير كله يآآآرب
|
[align=center]
شوري عليك يا اخـــتي تتركين وظــائف البنــــوك اتركـــــيها لوجــــه الله مـــدام فيـــها شبهات وصدقينـــي ربي بيعوضك بــأحسن منهــــا وانتي ماشالله عليك خريجه جديده وبنفس الوقت في عمـــل راتبه معقووول يعني ناقصــــك خـــبره فقط .... الله يعينك تكـــــدين شوي على هالشركه وبكره انشا الله انتي الي تتحكمين بالراتب والشركه الي تبينـــهـــا ...... ربي يوفقك ويستر عليك ياختي [/align] |
اقضبي ارضك البنوك ما من وراها فايده ولا راحه نفسيه
و اذا شركتك محتاجين محاسبات تراي موجوده : |
ماراح ازيد عن اللي قالوه الاخوان ..رائي من رايهم ....و الله يوفقك
|
الساعة الآن 03:52 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين