حلول البطالة Unemployment Solutions - دقت ساعة العمل دقت ساعة الزحف دقت ساعة الإنتصار ( لا رجوع )

السلام عليكم ورحمة الله وبركاته

لجميع الأخوان المقبولين في جميع مدن التدريب بمختلف المناطق

خلاص مو باقي لكم على دخول الدوره إلا 18 ساعه أو أقل

أرجو من الجميع الإلتزام بكافة القوانين والأوامر تجنباً للجزوات والتصليبات

وغير كذا لا أحد يفكر بالإنسحاب مهما كانت الظروف وإن شفتو أحد قرر الإنسحاب لا أحد يفكر يروح وراه

لأن ألي يدخل الدوره وينسحب منها هذا ماهو رجال ولاهو قد المسؤوليه

إنت ما دخلت الدوره إلا لأنك تبي تعتمد على نفسك وتبي تبني مستقبلك وتتزوج وتستقر

إذا إنك دوره عسكريه مكونه من 10 أشهر بالكثير ما قدرت تتحملها كيف بتتحمل مسؤولية بيت وحرمه وأولاد ؟

مافي شي يجيك من دون تعب

صحيح أجواء الدوره مقرفه وممله وتجيب المرض ولاكن إصبر وتحمل وإن شاء الله نهاية صبرك بتتعوض خير

وعاد ألي بيتخرج وكيل رقيب ورقيب هذا لا يفتح فمه بكلمه ويحمد ربه إنه راح يتخرج بهالرتبه

هذا نفس الكلام ألي كنت أسمعه قبل لا أدخل الدوره وشفته بعيني وحسيت فيه بالنهايه بعد التخرج

هذا أنا ولله الحمد دخلت الدوره وعشتها بحلوها وبمرها وتخرجت منها وألحين مرتاح على الآخر

ولو كنت أدري إن نهايتها كذا راحه ما كان تذمرت وأنا بالدوره

غير هذا لا يروح في بالكم بإن الدوره كلها نكد x نكد ؟

هي بس فترة الـ 45 يوم وبعدها إجازه 10 أيام ( أصلاً الدوره كلها فترة الـ 45 الباقي كلام فاضي )

بعدها كم أسبوع تخرج فيه ربوع وخميس وبعدها تجيك مساندة رمضان تاخذ قبلها إجازه 5 أيام

( عاد مساندة رمضان والحج أحلا م بالدوره تبعدك عن الأجواء المقرفه )

بعد مساندة رمضان تاخذ إجازه 17 يوم وترجع لهم

وكلها فتره وتجيك مساندة الحج وتاخذ قبلها إجازه 5 أيام

بعد مساندة الحج تاخذ إجازه 16 يوم وترجع لهم

وبكذا يكون خلاص ما بقى لك إلا أربعة أشهر وتخلص من الدوره بإذن الله

رجاءً رجاءً لا أحد يفكر بالإنسحاب أو الهروب

ولا يسويها إلا الرخمه أو ضعيف النفس أو الحرمه

يا أخوان والله ما نزلت هذا الموضوع إلا لأني أتمنى لكم الخير مثل ما أتمناه لنفسي

تكفون فرحو أهاليكم بتخرجكم لا تسودو وجيههم

تخيل وجه أبوك لا أحد سأله ولد وش سوا بالدوره ؟

وحتى الحريم نفس الشي هههههههههههه

يا فلانه وش سوا ولد عساه تخرج من الدوره ؟

عاد ما أبي أكثر عليكم كلن عقله في راسه يعرف خلاصه

أتمنى لكم التوفيق من أعماق قلبي