بسم الله الرحمن الرحيم

السلام عليكم و رحمة الله و بركاته

ابقول لكم قصتي مع سامبا و اللي الى الآن ماكملت سنه معهم و التطفيش بدأ معي

طبعاً انا موظف عن طريق شركة متعاقده مع سامبا

سامبا ياطويلين العمر راح اقول لكم نبذه عنهم

طبعاً وظيفتي في قسم بطاقات الائتمان .. عندنا مدير القسم يحسب نفسه الكل بالكل .. اخر شخص ترسّم كان بداية عام 2008 .. من بعدها مافيه اي شخص تم ترسيمه

طلعو لنا بقصه اللي هي الموظف المثالي و قالو اللي يطلع اسمه ياخذ 5000 ريال على طول قلنا اوك .. تخيلو 3 مرات يطلع اسمي فيها .. ديسمبر - فبراير - مارس .. و مع ذلك ماشفت شي و الشباب كلهم يقولون هذي نصبه بس يبونك تقدم افضل ماعندك

و الدوام طبعاً شفتات .. كان فيه اوفيسر الله يذكره بالخير اقسم لكم بالله ياجماعه ان اللي بيقابله غصب غصب غصب غصب بيحترمه .. من اسلوبه و تعامله معك تحترمه .. الآن انتقل إلى قسم اخر و جانا اوفيسر الله لايوريكم .. انا مره انتهى دوامي قبل وقته .. و بصمت و مشيت .. من بكره يقول ليش تطلع بدري قلت دوامي خلص قال لا تنتظر لين ينتهي دوامك الساعه 4 العصر و تمشي .. قلت ماني مجبور انتظر ساعه علشان ابصم بس !!

ولا مره علشاني رفعت صوتي على العميل .. العميل قعد يهدد و يتوعد و يسب و يشتم فيني شخصياً و رفعت عليه صوتي و قلت له بالحرف الواحد .. اذا هذا اسلوبك انا اترفع عن خدمتك و من بكره جايني يهدد يقول اذا سويتها بعطيك انذار .. على ايش تعطيني انذار !! علشانه سبني و شتمني يعني !!

تبي تحسنون صورة البنك اللي زي الزفت على حساب موظفينكم !!

و الأدهى و الأمر من ذلك اني اقول له بوصل الوالده للموعد و ارجع .. و اذا بتأخر بس 10 دقايق ماراح اطول و رفض و رحت له لمكتبه و قلت له انا احترمتك و قدرتك و جيت لين عندك .. 60 كيلو جيتها علشانك و اخرتها تقول لا قال محد قال لك تجي !!

ياناس ياعالم وش اسوي فيه ذا .. افجرّه ولا اقتله ولا وشو بالضبط ؟

ابي حل لهالعاهه تكفون

و بالأخير .. انصح الجميع لوجه الله .. سامبا لاتقربهم الا اذا كنت بالاداره .. اما الهاتف المصرفي ترى التعامل فيه زي الزفت

الله يعينك عليه
توني مسجل فيه بنك سامبا وش رايك اخويه اكنسل التسجيل او لا

وايش الشهاده اللي معك

الله يستر من البنوك هذي

متى الراحه

انا عن نفسي ما اعجبني العمل اللي فيه الاشكال هذي من الاداره بصراحه .. سواءاً في سامبا او في اي قطاع اخر حكومي كان او خاص

معي بكالوريوس اعلام صحفي

المظلوم الأول

الله يعين و انا اخوك .. صرت ادور الطلعه باللي هي به .. المشكله انهم يهظمون حقك وهذا اللي يقهرك

من حق المسئول عليك محاسبتك على التاخير وعلى الغياب وعلى الطلوع من الدوام قبل وقته
معروف ان الاجازة الاضطرارية 15 يوم
لكن اللي يمكن تجهله انت وانا وغيرنا ولا دريت عنه الا قريب
ان ما يقبل اي عذر كان ما عاد الوفاة الله لا يقولها لغيرك
يعني الوالده مريضه الله يقومها ويعافيها ويحفظها ووديتها المستشفى وتاخرت او حسب ما جيت يحسب غياب عن العمل ولا يقبل عذر
العذر يكون لك انت فقط
لا لاحد لغيرك يستثنى من ذلك الوفاة لا قدر الله
بنسبة لمعاملة المدير او المسئول المباشر
انت ماجبت شي جديد كلنا نعاني من ذا الشي ويمكن الا عندك ارحم شوي
وبعد للمكافئه حق الموظف المثالي اللي هي 5000 اذا فيه ما يثبت كلامه بخطاب رسمي
تقدر تاخذ حقك غصب عن خشمه وعن خشم البنك
اتمنى من الله يفرجها علينا جميع لانه والله طفح الكيل
الله يوفقك ويوفق الجميع

اذا معـك عذر طبي ... ورفضه تعرف كيف تدخل بعينه
من حق اي موظف اذا معه عذر طبي من اي مستشفى يقبل من غير جدل
بس ويفضل انه يتم ابلاغه بضرف الصحي الا انت فيه حتى لو رفض بلاتصال
ليه ترضى ان احد يرفع صوته عليك
ليه ماترد عليه بنفس الاسلوب الا يتعامل فيه معاك ومع غـيرك
واقولك شي
اذا اعطاك اي انذار وقال وقع وابصم عليه ارفض تمام
لو سويتها بيستخدمها عليك وتصير ضدك
وتقدر تترافع بذا الشي بشكوى لمكتب العمل
انا اتكلم بواقع تجربه من اكثر شركه وصارت معي بشركتين الا قبل ذي
والحين تصير معي بس ماحد يقدر يمسك شي
وقع تعهد بعدم الغياب والتاخير مرفوض
يجي يصارخ احد من المسئولين علي اقوم واوقف بوجه
كلمتين اقولها تحسن اسلوبك ولا اخليك تحسنه غصب عليك
خلاص مايقدر يقول شي ينطم ويسكت لانه عارف انك بمرحلة غضب وخايف يلاقي شي منك يضره
نصيه للجميع لا تسكت لاي مسئول مهم ما كان منصبه الوظيفي
وجادله بشي من حقك فيه
واحتفظ بصوره من العقد واي تعريف او اي شي يعطونك هو
لجل تقدر تستخدمه ضدهم اذا جى وقتها

حسبنا الله ونعم الوكييييل ،،

ياصديقي يمكن لو تملحسله لين مايطيح اللي براسه عقب بزوط زي ماتبي

العينة اللي مثل ذي سايرها وعطها جوها