تبي تعمل ولا لديك راس مال-اعمل بجهدك-من اراد دخول مجال العمار يبشر
 

السلام عليكم

انا درست ثلاث سنوات مراقب انشاءات معمارية
اشتغلت سنتين وست شهور في احد الشركات الكبرى مراقب انشاءات معاريه
واكملت دراستي والان باقي ثلاث شهورعلى التخرج من التقنيه بنفس التخصص

خلال هذه الفتره امسك عماير اشراف واداره بناء وهاكذا والان ماسك عماره

المهم الي يبي يدخل هذا المجال انا اقدر اساعده بخبرتي مجاناً بدون مقابل

واذا يبيني اعمل معه ممكن ليش لا
(الرياض فقط)

يضيفني على المسانجر ويبي يلقا جوالي
a b a a l r o o s @ h o t m a i l . c o m
أخوكم متعب

بالتوفيق أخوي

بس ممكن أعرف فكرتها أكثر

اخوي / ابا الروس , حياك الله ..
والف الف الف الف الف شكــــر على هالعرض الأكثر من رائع والله يجعلها في موازين اعمالك إن شاء الله ..

هذه فرصة عظيمه بكل معنى الكلمة للشباب العاطلين والنشيطين وأركز جداً على النشيطين لأنها تبي قومه من صلاة الفجر ومجهود ولكن مردودها قوي جداً وقد يصل الإشراف لمبالغ ( 20000 و 30000 ) ريال للفله او العمارة الواحدة ..

الفكرة بإختصار :
لنفرض اني انا ابي ابني فله طبعاً بروح لمكتب هندسي وبيسويلي مخطط للفله من الألف للياء , بعد كذا ببدأ التنفيذ ولكن انا ماعندي خبره في المقاولات يعني ممكن المقاول اللي بيبنيلي البيت ينصب علي في البلك او الحديد او الخرسانه وغيره كثير , هنا انا محتاج لشخص زي اخونا ( اباالروس ) عشان يمسك فلتي ( إشـــراف ) بحيث يكون هو المراقب على اعمال البناء والتشطيب واختيار مواد البناء ويقدم لي افضل المواد من ناحية الجودة والسعر وايجاد البدائل الأقل سعراً .
طبعاً عالم الإشراف واسع وكبير وكل مشروع له اتفاق مختلف عن المشروع الأخر ولا يسعني الحديث عنه هنا لسببين وهما :
ــ إذا حضر المـــاء بطل التيمم .
ــ الشرح في هذا المجال يحتاج لأيام ومجلدات وانا صراحه ما عندي نفس .(شيبة ).

وعلى فكرة ( هذا المشروع له عدة مداخيل مالية ) ولكن هذ دور اخونا ابالروس يبين لكم .

يرعاك ربي ويوفقك

هل يجب ان اكون خريج هندسة او عمارة لكي ادخل هذا المجــــــال ؟؟؟؟؟؟

معليش اخوي ( ابا الروس ) تراني تلقفت في الموضوع لكن والله متحمس بقووووووه مع عرضك ...

لا لايجب ان تكون خريج هندسه او عماره مع انه من الأفضل ذلك عشان ما تاخذ وقت في التعلم , ولكن هناك كثير من المشرفين وما تلقى معه الا شهادة الكفاءة او الثانوية ولكن لديه خبره في هذا المجال تعادل اكير شهادة في الهندسة ..

وتحياتي ,,,,

فتى نجد خذ راحتك

وعلى اجر ان شاء الله

انا بسكت وبكتفي للي بالماسنجر عندي
واناظر ردودك