اقتراحاتكم في استثمار هذا المبلغ
السلام عليكم
يا شباب انا بعد التخرج من الكلية والدخول لعالم العطالة بعت سيارتي وجابت لي 10000 عشرة آلاف ريال طبعا المبلغ هذا دفنته في سابع ارض علشان لا استخدمه ووفيت عليها 3000 ريال صار المجموع 13 ألف ريال أبغا فكرة بسيطه وربحها ممتاز باستطاعتي اضيف 2000 ريال زياده كحد اقصى يعني اعلى مبلغ اقدر اوفره هو 15 ألف مع الملاحظة ما عندي سياره اروح واجي فيها يعني لحد يقولي رح جب حملة بطيخ وابسط عليها:k |
مشروع دواجن , ولا استثمار في الاسهم وليس مضاربه وبكذا بأذن الله بتحقق دخل مو بسيط وربح كويس ..
|
الأسهم ما أفهم فيها
بس كيف طريقة الدواجن ؟؟ كيف استثمر فيها ؟؟ |
وعليكم السلام ورحمة الله وبركاته ..
أنزين بعد مابعت سيارتك بتروح وتجي مع منو ...؟! لو قلت تاكسي بياكل عليك غلطان لأنك بعت السيارهــ شوفي عندي فكرهـ يمكن تناسبك .. حاول تشتري دجاج بلدي مرغوب في السوق وحاول تهجن الألوان ويطلع لك لون مميز تبيعه بمزاد علني والله تربح ربح .. خلني افصل لك بتفصيل .. المكان قول سطح بيتكم حاول تبني لك جبرهـ وراع فيها ان مايدخلها هوا شديد أو مقموته واذا سويتها وخلصت وانتبهت ان في فتوح يمكن تدخل الهوا البارد حاول تصكها بخيشه ( أيام الشتاء ) .. تجارة الدجاج بنسبه لك حلوهـ + متعه صراحه متعه مايبي لك حوسه ولويه .. أنت اشتر فحلين من الدياجه الطيبه وعشر دجاجات أنصحك تشوف فحل لونه مميز تقريبآ عشان تهجن الألوان وحاول تفرخ الدجاجات واحسن واضمن شتشري فراخة بيض تقدر عليها حاول تكون لك خمسين دجاجه وبيعها اتوقع مشروع ناجح واذا تبي تعرف او تتوقع الألوان اللي تبي تهجنها أستعمل تجارب مندل بالوراثه مبسطه وسلسه . المشروع الثاني .. طيور السمان ( الفري ) يتحمل البروده وكثرة أنتاجه تقدر تبيع الواحد بريال واحسب كم بيضه تجيب من الفري اللي شاريهم حاول تهتم بطيور فيها خير لأن اتوقع راس مالك مايفتح مشروع وفقك الله .. |
والله يا رجال سيارتي كانت كابرس
وقصت ظهري بالخرابات ولا عاد لي قدرة اصلح واغير زيت واهتم فيها قلت بدال ما تندمر عندي تروح لواحد بيقدر يصارفها صح انا متوهق ما اقدر اروح واجي لكن يفرجها ربك بخصوص تربية الدجاج انا ماني مقتنع فيها يعني لا عمري ربيت دجاج ولا تعاملت مع الدجاج ولا اعرف لها اعرفه آكله بس انا مستغرب يوم تقول الوان ومزاد مزاد دجاج ؟؟؟ ولون مميز ؟؟ اول مره ادري عن حاجات زي كذا |
والله ياخوي انا اششوف انك تقسط المبلغ هذآ عن طريق أجهزة الايفوون أو الاب توب او كميرات التصوير خلال اربع شهور بنسبة 20 %
|
ماشاء الله بالتوفيق
|
موفق ان شاء الله
فكرة الدواجن حلوه وكذالك التقسيط ولكن يجب التفكير والتقرير والاستخارة والتوكل علي الله |
شوف فكره الدجاج البياض
|
الساعة الآن 12:04 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين