مقابله جريدة اليوم " غداً "
 

الله يوفقك وييسر امورك

يوفق الجميع ،،

اول حاجه سلم عيهم وعرفهم عن نفسك..

بيسالوك تكلم عن حالك ..

هل انت موظف ولا عاطل حاليا !!

تكلم عن مسيرتك لما تخرجت وين رحت ووين جيت !! لاصرت عاطل لفتره 4 سنوات او 3 او سنتين كيف قضيتها !! هل دخلت دورات شتغلت سواق ولا محل خضرة كذاا

وش تعرف عن وظيفة موظف استقال

وش المهارات الي تملكها

ليش نرشحك !!؟ وش المقومات الي عندك الي تميزك عن الاخرين

ليش تبي تتوظف بجريدة اليوم

وش تعرف عن جريدة اليوم !!

مالراتب الي تتوقعه !!

نصيحه لك الله يحفظك وخلها حلقة بذونك لجميع المقابلات ..
(( خلك لبق بالكلام ولسانك يكون متحدث + طور من ذاتك ))

وعمل مقابلة بينك وبين نفسك ولا قدام مرايه => نفسيه ههههههه لالاجد طبعا عشان تعرف كيف تتحاور معه اللجنه

والرواتب وطبيعه العمل والدوام من متى الى متى ؟

الراتب طال عمرك ماعندي علم بس الي اخبره جريدة اليوم بخيلة بالرواتب وكلها متعاقدين مافيه رسمي لاكن بيكون على 3000 ماراح يزيد ولا ينقص تقريبا موب اكيد لانو صقيقي هناك كان يشتغل ويقول رواتبنا حدها 3000 ريال أو 2800 مايقل عن كذا ولا يزيد لانو مابه ترررسيم :) والرزق على الله.. الدوام امكن من 8 الى 4

وهل العمل في جريده اليوم فيه استقرار وظيفي او لا ؟؟
ماعندي علم ..

انصحك تروح المقابله منها تكسب معرفه وخبرة بالمقابلات هذا اول حاجه وثاني حاجه منت خسران شي شوف عرضهم ونت بعدها قرر لانو الرد ماراح يكون بنفس اليوم راح يقولولك راح نتواصل معاك لما يتم الترشيح ونت بهالفتره قلبها براسك وشوف الي يجوزلك لاني ماعرف وش ظروفك الله العالم بحالتك الاجتماعيه الله يوفقك ويسسر امرك دعواتك لي بظهر الغيب بالتووفيق :)

بارك الله فيك اخوي بيري الهواجر

تم عمل المقابله وكانت مقابله جداً بسيطه ،،

عرف عن نفسك من وين وين تشتغل ويش تعرف عن وظيفه استقبال

شاف شهادتي دبلوم تسويق قال لي ويش الفرق بين وظيفه استقبال ووظيفه التسويق

وقال لي كم راتبك في وظيفتك الحاليه ،،

وتكلم لي شوي عن مدينتي يقول لي زوجتي اشتغلت هناك 9 سنوات مدرسه وعندي معارف هناك واحنا حبايب ،،

وقال لي ويش اللوشن الي تستخدمه !!!

قلت له اي لوشن ؟!!! قال لي يدك بارده قلت له لا ماستخدم شي غير العطر فقط لاغير

ودردش معاي عن مدينتي وكم اخو عندك ودردشه عاديه

وقال لي لو كنت استقبال كيف تعاملك مع الجنس اللطيف ؟

قلت له اتعامل معاهم مثل خواتي قال لي ادري مثل خواتك لاكن كيف الطريقه ؟

قلت : لما تجي لي بنت اقول لها تفضلي اختي كيف اقدر اخدمك ،،

قال لي حلوو حلووو ممتاز تعامل ممتاز

ودردش معاي عن وظيفتي الحاليه ويش طبيعه عملكم وهييك

وقال لي تعاملك حلوو ومبين انك طيب وقال لي خلاص النتائج على يوم الاثنين ان شاء الله

اذا توفقت راح يجيك اتصال يوم الاثنين تجي تشوف العرض الوظيفي على خير ان شاء الله

انا حالياً على راس عمل لو يجيني عرض وظيفي براتب اقل من راتبي ماراح اوافق نهائياً وثاني شي اذا ماكانت وظيفه رسميه ماتنفع

انا حالياً على رأس عمل ننتظر عرضهم الوظيفي ونقرر بعدها ،،

تحياتي لك وبارك الله فيك

الله يوفقك ويرزقك الي تتمناه