خيبه بعد طول انتظآر...!
 

حسبي لله على الظالمين اللي ذلونا ذل
ثلاثه شهور وانا انتظر ردهم احسب بالاسبوع وباليوم الى ماتوصل نهاية الشهر
وما اتاهل وبعد انتظار يطلع لي غير مؤهل بسبب العمر 19

ليه اللي عمرها 19 ماتقدر تشتتغل ؟مالها احتياجات ومصاريف ؟
وربي ثلاث ارباع حافز او اغلبها راحت لناس مايستحقونها
واللي محتاج فعلا يذلونه باسباب تافهه مثل وجهيم

انا ما ابي حافز زيادة فشخره ولا طمع انا فعلا محتاجه حافز
جوال ماعندي بالله من اللي الحين ماعنده جوال ؟
اطفال في الابتدائيه يملكون وانا اخس جوال ماقدرت اشتريه
ابوي مو فقير ولا انا من مجاعه لكنه ممتزوج 3 وعياله يالله يحفظهم
يالله يلاحقون بيزوجون هذا وبيجهزون لهذا
واحنا في الهامش اهم شي تحت عينهم وناكل ونشرب وبس
مصروف ينحط باليد ماكو

انا صرت اخجل اطلع برى والكل يعتقد اني انطوائيه وما احب الجمعات
لكني مو كذا بس ما احب احس بالنقص ما احس اني بنت حالي حال البنات
وحطيت كل املي في هالحافز
وانصدم
حسبي الله على الظالم
حسبي الله على الظالم
حسبي الله على الظالم
انا ادري انه الكلام مو مكانه ولا ياخر ولا يقدم لكنه من قهري ومجرد فضفضه

وش لقينا من هالشروط التعجيزيه

ثلاث شهور عشان يردون
الله يعينك لا تيأسي

الله يعوووضك كل خيير

لاتيأسي ..

الله كريم ..

رضينا بالهم والهم مارضى فينا
وكبرنا قبل عمرنا

ماعليه
انتي عمرج 19 يعني العمر قدامج ويجي ابن الحلال انشاء الله ويخطبج
وتتزوجين ويغنيج عن حافز وعن الناس
مو زين البنية تشكي للناس ان ماعندها فلوس عيب مايصير لان عيال الحرام واجد ويحاولون يستغلون الفقارى
انتبهي لعمرج اختي

انا ماشكيت الا من قهري

موب العيب بأنها تشكي العيب انها تشكي ومااحد يسمع ملايين الدولارات تطلع منا ومنا وحنا يحطون لنا شروط وتعقيدات مايرضاها ولا الكافر دول الخليج يعطون ربات البيوت مو بس العاطلين وحنا ذبحنا الفقر والعوز والحاجه اقسم بالله بنت اختي سعوديه ابا عن جد وتزوجت اماراتي الحين تقول يصرفون لها وهي بالبيت ٣٠٠٠وبنتها١٥٠٠ وتقول حتى العمل ماصرت افكر فيه حرام اللي قاعد يصير والله العظيم واقسم بالله يااختي انك قطعتي قلبي بشكواك ولاشكيتي الاوانتي فعلا مقهوره ومحتاجه لاكن مااقول الاالله يوسع برزقك ولايحوجك لهم يارب العالمين وقال ايش قال هاذي اعانه للعاطلين وليس للفقرا هاذي اخت ذي الانسان ليش يبي يشتغل الايسد حاجته عن الناس

اشكركك عزيزتي إمميرهه
مرورك اثلج صدري





ا اقول الا حسبي الله على الظالم