فضفضه .. وأتمنى ألقى حل لمشاكل عملي .. !!!! :(
 

السلام عليكم .. ياجماعة الخير .. بالله أفيدوني .. وبالعقل ( بدون عاطفه ) .. !!

أنـا أتوظفت الحمدلله في خدمة عملاء ( كول سنتر ) ..

وفي رمضان بأكمّل سنه إن ششاء الله .. لكن ورب البيت خلاص .. جاتني حاله نفسيه .. من ثالث شهر في الوظيفه وأنـا مستحمل وأقول أمسك الوظيفه أحسن من العطاله .. والآن أنـا في الشهر العاشر تقريبا ..

أول كان مسكّتني إنه الراتب مع البونس .. ممكن يوصل إلى 5 آلاف وشويه .. يعني الراتب يسكّت .. لكن الآن أتغير نظام البونس .. وصاروا يطلّعوا للواحد أي شي عشان ما ياخذ البونس .. وأنـا صار راتبي أغلب الأشهر ينزل 3700 بدون أي بونس ..

هذا غير طبيعة العمل المقرفه اللي كل يوم بتتكلم مع أكثر من 100 عميل .. وتلاقي منهم العبيط والمهايطي وقليل الأدب .. وأنواع القرف .. !

وغير دوام الشفتات اللي يخليك مقلوب فوق تحت ولا لك نظام محدد تمشي عليه !!
وغير إنه مقر العمل بعيد عنّي وكل يوم أضرب مشوار في زحمة الخط السريع وأنـا من النوع العصبي والمتهور .. وكل يوم وأنـا رايح الدوام .. أكون معرّض لخطر الحادث .. بسبب عصبيّتي والزحمه .. !!

وغير إسلوب المشرف حقي اللي زي الزفت .. ويعتمد على إسلوب التهزيء قدام الناس .. وأنـا أضطر أمسك نفسي لأنه لو خربتها معاه بيستقعدلي على أي شي ويعطيني إنذارات إلين ما يطردني !

والله مابقي أي شي إيجابي في وظيفتي .. وقلت بما إنه الراتب أصلا 3 وشويه !!!
ليش ما أريّح في بيتي أحسن لي وآخذ 2000 من حافز إلى ما ألقى وظيفه ثانيه زي الناس !!!؟
وأصلا كذا ولا كذا أنـا مخطط إن ششاء الله أطلع أدرس برّا بإذن الله لو ربّي سهّلها .. !!

إنتوا إيش رايكم في الموضوع .. والله كنت منسدح من الساعه 7ولا جاني نوم من كثر التفكير .. وأضطرّيت أقوم الآن ( الساعه 10 إلا ربع ) أكتب الموضوع لعل وعسى أرتاح وألقى أحد يفهمني !!

ودوامي الساعه 2 الظهر .. واليوم جمعه .. وأنـا مواصل ومو جايّني نوم !! الله يعين بس !!!

باللللللللله أعذروني على الإطاله .. والله في قلبي كبت وقهر وأضطرّيت أفضفض !!! :c

خلك بها إلين ماتلقى غيرها!!

اذا ما عندك واسطه للوظيفه الحكوميه البد لان القطاع الخاص كلهم مثل كذا شمس ورمضى وين تروح

الله يعيينك ويسهل امرك يارب ،،

لاتشكي لينا ونبكي لك ، الحال من بعضه وانا اخوك

لكن ماقول غير الله يسخر لنا جميعا وظايف وحياه كريمه يارب

الله يفرجها بوجهك وكل مسلم ومسلمه
من كانت بدايته محرقه كانت نهايته مشرقه بإذن الله خليك بوظيفتك عشان يصير عندك خبره، طور نفسك مادام عندك راتب ولم كم شهاده وقدم على وظيفه ثانيه وقبل كل شئ عليك بالتذلل لله والدعاء والله ربي مايخيب رجاك واللي كاتبه لك بتاخذه غصب عن اي احد.... أمرهُ في قول كن فيكون*

الله يعطيكم العافيه جميعا .. ويستر عليكم إن شاء الله ..

ما نقول إلا الله يعين .. وربي يفرجها إن شاء الله ..

نقوووووول ياااااااااارب .. والله يسعد الجميع ..

انا من رايي تضل على الوضيفة وتحاول تقدم على مكان ثاني ولما تضبط بالمكان الثاني اطلع من الاول وادخل في الثاني

صيحه مني خليك فيها واعتبر نفسك مديون وهالوظيفه سداد دين
وادا انته تبغى 2000 حافزخلاص يااخي اعتبر راتبك 2000 وارفع الالف الي تبقى على الاقل تنفعك لنن تسافر تكمل دراستك بره
والله يكتب لك كل خير

أنآ أقولك أجلسس بوظيفتكك لين ربي ييسرهآ لكَ

وبآلنسبة للدوآمكك روح قبلَ آلدوآم بنص سسسآعهه
حتي لآ أحــــد

يمسك عليك َ شى من مشرف آو مسؤول وتحمل ضغط العممملَ وتحمل آلليَ يهآيط وآلليَ يستغبيَ مش عشآنهآ عشآن تعيش حالك

ششدَ حيلك ودور علي وظيفة وآنت جآلسس يعني برآس عملكَ َ وآن شآإءالله آسسمع عنكك أخبآر حلووة

بآلتوفييييييييييقَ لك آحترآميَ .~:)