السلام عليكم ورحمة الله وبركاته

اخواني

انا عندي مشكلة مع الشركة اللي انا فيها ..

اشتغلت عندهم في شهر 3-2012 وفي شهر 4 كان عندي غياب بدون عذر بسبب ظروف عائلية مرت علي والله يبعد عنكم كل شر ..

المهم اني تغيبت في شهر 4 مدة 20 يوم متقطعه يعني اسبوع اجي واسبوع اغيب فيه 4 ايام وعليها .. علماً اني في فترة تجربة ولم اتعداها .. وفي بداية هالشهر 5 قدمت استقالة وقالو لي انت مفصول من عندنا اساساً بسبب الغياب , وما يحتاج تقدم استقالة ..

قلت طيب خلصو اوراقي وخلوني امشي واشوف لي وظيفة ثانية ,
لاني لاقي وظيفة ثانية وانتظر بس انهم يخلصون اوراقي من عندهم اللي هي : حذف اسمي من التأمينات الاجتماعية ومن صندوق الموارد البشرية ومن وزارة العمل ..

علما اني موقع عقد معهم على صندوق الموارد البشرية , يعني انا قدمت عندهم ومن طريقهم وما جيت للصندوق الا بعد ما وقعت العقد معهم .. وعلما اني كنت مدعوم من الصندوق سابقا في شركة اخرى , ويوم جيت لهذه الشركة قامو بإعادة دعم للصندوق لأسمي .. وربطو اسمي واشتغلت عندهم ..

المشكلة هنا يا اخوان اني قعدت اسبوع انتظرهم يخلصون اوراقي , وراجعت مواقع التأمينات والصندوق ووزارة العمل وشفت انو لا يزال اسمي موجود في شركتهم ..
علما اني ما داومت عندهم من عقب ذاك اليوم اللي قالي انت مفصول الى اليوم ..

ويوم دقيت عليهم استفسر , قالو لي انت عليك مبلغ مالي لازم تدفعه ولا ما نحذف اسمك من التأمينات ولا الصندوق ولا وزارة العمل .. قلت المبالغ ليش ؟ , قالو هذي حقت ايام الغياب اللي غبتها .. لازم تدفعها ..

المشكلة انهم خاصمين من راتبي مبلغ 1500 ريال في شهر 4 .. وفي شهر 3 ما خصمو شيء علي .. وكان عندي برضو ايام غياب قليله في شهر 3 ..


المهم مالكم بالطويلة .. انا ابغى اعرف : هل لازم ادفع لهم حق الغياب اللي يقولون عنه ؟
علما ان المبلغ تقريبا نصف راتبي او ثلثله .. وراح اتسلف وادبره لهم

عموما ً انا ابغى اخلص منهم , ولكن ابي اضمن نفسي انهم يحذفون اسمي من عندهم
بصراحة عافتها نفسي .. ولا همني هالمبلغ ادفعه او لا ..
بس بغيت اتأكد أخاف انه تلاعب وكذب , لأني بصراحة اول مرة اشوف هالشيء في الشركات

ياريت انكم تردون علي وتساعدوني ولكم الاجر


--

بنسبة لحذف اسمك من التـامينات انت خذ اخلاء طـرف منهم
وروح بنفسك نزل اسمك من التامينات اعطيه اخلاء الطرف بس وهو يسقط اسمك
او تعطي الشركه الجديده اخلاء طرف وهم ينزلون اسمك ويسجلونك
بنسبه انك مطالب بمبلغ مـالي وهم خاصمين عليك
مالهم حق يطالبون المبلغ وهم خاصمين من الراتب وتقدر تشتكي عليـهم
لمكتب العمل وتاخذ حقك منهم
انت لك مو بعليـك
لك الايام اللي حضرت فيها العمل بعد خصم ايام الغياب الا باخر شهر داومته
المحاسبه بالغياب تكون كل يوم بشهره يعني غبت اربعة ايام من شهر 3 يخصمونه بنفس الشهر 3
مايخصمون بشهر 4 او غيره
انت كلمهم وخلك حاد بكلامـك ولا تفاصلهم وخذ حقك لو ريال
ولو رفضوا يسمعون منك قولهم كلمتين بس بينا مكتب العمـل
يفضل الاتتصـال وعدم الذهــاب
خير واحسنلك
اتمنالك التوفيق

بالنسبة للحسم اتوقع والله أعلم بسبب انك اخذت اكثر مما تستحق في الشهرين
انت قلت ان كان عندك غياب في شهر 3 ولم يحسم شي وفي شهر 4 خصم اقل من عدد الغياب
طبعا بتقول ليش لم يحسم في نفس الشهر !؟
السبب اخوي ان ايام الغياب احيانا تكون بعد منتصف الشهر يعني مثلا اذا غبت في ايام 22 ، 23 , 24
والرواتب كانت تُعد في يوم 20 من الشهر لكي تنزل يوم 25 في الحساب بالحالة هذي يرحل ايام الغياب الى
الشهر التالي وهكذا ، وبمثل حالتك لو كنت داومت شهر 5 كامل راح تتفاجئ بالحسم والسبب الغياب في شهر 4
وفي سبب اخر ان يكون مديرك مارفع عدد ايام الغياب الا متأخر .
وانت اخوي تقدر تحسب كم لك وكم يجب ان يحسب عليك بتقسيم راتبك على عدد الايام بالشهر وتضربها بعدد ايام الغياب والباقي هو ما تستحقه .
واذا كانت ماخذ اكثر لازم ترجع اللي اخذته .

اما بالنسبة للموارد البشرية والتأمينات ورقة اخلاء الطرف كافية بحفظ حقوقك ،،

ليه تدخل وتذل نفسـك على المدير العـام انا ادري شنو بيقول
روح لمسئولك المـباشر
اتصل عليهم وشوف شنو يقولـون لك
وحل الموضوع وارتاح
وخذ اخاء طرف ونزل نفسك من التامينات
وارتاح
ربي يوفقك

يعطيك العافية ...

قدم شكوى لمكتب العمل و صدقني راح يترجونك ويتوسلون فيك بس على شان تلغي الشكوى