|
يمديني أقدم على بنك التسليف ؟!
السلام عليكم ورحمه الله وبركاته ابي استفسر منكم عن بنك التسليف انا فيه مشروع كوفي شبابي في بالي دائما وخفت اقدم على اي جهه مموله الا بنك التسليف ابي اقدم عليه بمسار المشاريع الناشئه بس فيه اشياء ابستفسر عنها 1-انا ماسويت لا دراسه جدوى ولا شي اقدر اقدم كذا والا لازم دراسه جدوى ؟ 2- المشروع اديره بنفسي والا اعين احد مكاني لان استحاله مشروع مثل هذا اكون أديره بالمكان 3- في المقابله الشخصيه اسوي عرض باوربوينت لا ن في الشرط ( 3- تقديم عرض توضيحي لفكرة المشروع (باوربوينت) ﻻ تزيد مدته عن 10 دقيقة. والعرض يتكلم عن ايش بالضبط كتابي او صور او الموقع والديكور 4- بعد اجتياز المقابلة الشخصية شهادة اجتياز الدورة التدريبية التي تنظمها الجهة الراعية.( وش راح تكون الدوره عنه ومنهي الجهه الراعيه ) 5- بعد اجتياز الدورة التدريبية تقديم خطة عمل للمشروع يتم إعدادها بالتعاون مع الجهة الراعية.( خطه عمل يعني دراسه جدوى ؟) 6- بعد توقيع عقد التمويل (ويمكن تأجيلها إلى حين استﻼم الدفعة اﻻولى) الدفعات تطول وتكون وراء بعض ؟؟ ياليت الله يعرف بهالاشياء لايبخل علي |
مرحبا اخت كيان
الردود حسب الترقيم تبعك 1- التقديم مبدئي فقط ولايتوجب عليك التكلف بأي شي 2- يلزم على المتقدم ان يدير مشروعه بنفسه ( المشروع يكون نسائي فقط ) 3- لايشترط 4- الجهة الراعيه ( ريادة ) 5- نعم المقصود بها دراسة جدوى وهذه وبالتعاون مع ( ريادة ) 6- المتقدمة هي التي تتحكم بصرف الدفعات اي في حال صرف اول دفعه يتوجب عليك انهاءه بأسرع وقت لطلب الدفعه الثانيه وهكذا . اتمنى لك التوفيق... |
وعليكم السلام ورحمة الله 1-انا ماسويت لا دراسه جدوى ولا شي اقدر اقدم كذا والا لازم دراسه جدوى ؟ *تقديمك على المشاريع الناشئة باي وقت عن طريق الموقع الخاص بمعهد ريادة وبالنسبه لدراسة الجدوى مو شرط تسويها قبل التقديم لانهم بيطلبونها منك بعد المقابله اذا تمت الموافقه عليك 2- المشروع اديره بنفسي والا اعين احد مكاني لان استحاله مشروع مثل هذا اكون أديره بالمكان *لابد انت اللي تديره شرط اساسي من شروط بنك التسليف 3- في المقابله الشخصيه اسوي عرض باوربوينت لا ن في الشرط ( 3- تقديم عرض توضيحي لفكرة المشروع (باوربوينت) ﻻ تزيد مدته عن 10 دقيقة. والعرض يتكلم عن ايش بالضبط كتابي او صور او الموقع والديكور * الباور بوينت الافضل لك انك تسويه لانه في احتماليه يطلبونه منك بالمقابله اما بالنسبه ايش تذكر بالعرض اذكر فيه معلومات مشروعك فكرة مشروعك اهدافك مشروعك يعني بشكل عام اذكر اي شي بالمشروع مع ارفاق صور ابحث عن اي صور بالنت شبيها لمشروعك ولا تشيل هم الباور بوينت تراه مو مهم للاحاطه سويه 4- بعد اجتياز المقابلة الشخصية شهادة اجتياز الدورة التدريبية التي تنظمها الجهة الراعية.( وش راح تكون الدوره عنه ومنهي الجهه الراعيه ) *الجهه الراعية معهد رياده وهذه الدورة اللي بتاخذها تعلمك اساسيات وبشكل عام كيف تبدأ مشروعك وووو .....يعني كلها ثلاث اسابيع وهي ماشيه وهذه الدوره لابد منها وإلا دراهم مراح يعطونك ههه 5- بعد اجتياز الدورة التدريبية تقديم خطة عمل للمشروع يتم إعدادها بالتعاون مع الجهة الراعية.( خطه عمل يعني دراسه جدوى ؟) * هذه ماعندي علم بس اعتقد انها خطة سريان العمل يعني ايش بتبتدئ فيه بعد مايتم تمويلك يعني بالبداية تبحث عن موقع بعدها تركيب ديكور وبعدها توفير المواد الاستهلاكية ووو ويمكن قصدهم دراسة الجدوى ان شاء الله يجي من يفيدك افضل مني 6- بعد توقيع عقد التمويل (ويمكن تأجيلها إلى حين استﻼم الدفعة اﻻولى) الدفعات تطول وتكون وراء بعض ؟؟ * الاجابة عند اللي تم تمويلهم ان شاء الله يجي من يفيدك واللي معروف انه لكل انجاز تسويه يعطونك المبلغ للي بعده يعني يعطونك للاجار اذا كان المكان بأجار وتأجر الموقع وبعدها بيعطونك للديكور ... وهكذا وبموقع البنك مذكور انه دفعات او دفعه وحده يعني لاتشيل همها ويارب اكون افدتك |
[align=center]
وعلى فكره اذا كان المتقدم انثى لابد المشروع يكون نسائي للمعلوميه [/align] |
طيب اذا كان المشروع فيه عوائل اقدر اقدمه او لا
لان لو بفتح كوفي نسائي مااتوقع يمشي كثر مايكون عائلي |
اقتباس:
إذا كان المشروع عائلي لايمكنك التقديم لأنه في هذه الحالة لايمكنك إدارة المشروع والسبب انه راح يكون هناك موظفين رجال |
| الساعة الآن 11:50 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين