مشروع بيع تلفزيونات (بحاجة شريك)
 

السلام عليكم ورحمة الله وبركاته

خلوني ادخل بفكره مشروعي مباشره ودغري زي ما يقولون :d

انا طالب متواجد بالولايات المتحدة الامريكية

بالفتره هذي كنت جالس ادور اثاث لشقتي ومعدات الكترونيه وغيره

لفت انتباهي اسعار التلفزيونات والفرق الكبير بالسعر بين هنا والسعودية

طبعا فيه شركات كثير هنا لكن اغلى الشركات واكثرها نجاح هي نفسها الموجوده بالسعودية

وان كان باقي الشركات تلفزيوناتها فيها جوده ممتازه

لكن خلونا نتكلم عن الشركات المشهوره ال جي و سامسونج وسوني

طبعا انا قارنت اسعار التلفزيونات هنا وبالموجوده في اكسترا

طبعا بعض الموديلات ووجدت انه هنالك فارق في السعر ببعض الموديلات يتجاوز 3000 ريال

خصوصا بالتلفزيونات اللي تتجاوز حجمها 47 و 50 بوصه وصاعد طبعا قارنت الاسعار اللي هنا مع اسعار محل اكسترا

لكن الفرق ان الشاشات اللي راح نجيبها من امريكا ما فيها ضمان لان ضمانها بامريكا واذا ارسلناها خارج امريكا راح الضمان

طبعا انا بما اني هنا بامريكا اقصر اتصيد الخصومات والمناسبات والاعياد عندهم لان بالاعياد والمناسبات يعملون خصومات كبيره على السلع

طبعا انا تواجهني مشكله انه لا يوجد عندي سجل تجاري للاستيراد فلذالك ما استطيع ارسال كميات

لكن اقدر بالبداية ارسل عبر البريد السريع مثل اراميكس ودي الش ال

صحيح التكلفة غاليه وقد تصل حدود 1000 ريال على الشاشة غير سعر الشراء لكن ان كان عندي شريك يقدر يتفق مع المحلات بالسعودية ويصرف اي تلفزيون اقدر بكل اسبوع ارسل شاشة واذا شفنا الامور ماشية نقدر نتوسع وناخذ سجل تجاري للاستيراد
وربما نفتح وقتها محل ونفتح فيه صيانه ويكون الصيانه على الاجهزه عندنا وهذا باب دخل ثاني

ووقتها راح تكون تكلفه ارسال الاجهزه اقل بكثير حيث راح تنزل الى 200 ريال تقريبا على الشاشة

اتمنى من يحب مشاركتي بالفكره ولديه اضافات واقتراخات او لدية نظره بالموضوع يعطيني راية

انتبه
كونك طالب في امريكا لا يحق لك العمل
و ادارة الهجرة لها الحق في اتخاذ اي قرار تجاهاك اذا اكتشفوا انك تعمل

من خلال معرفتي
هم يراقبون التحويلات المالية الداخله لك و الخارجة منك
و هنالك عدد معين من السيارات التي يحق تصديرها و بعد ذلك يسألونك عن السبب الي خلاك تشحن اكثر من سيارة فاذا اكتشفوا انك تعمل في التصدير سوف تكون لك عقوبة اقصاها الابعاد من الاراضي

فارجوا الانتباه خصوصا انك سعودي

السلام عليكم

كلامك صحيح يالغالي

لكن انا ما بستخدم حساباتي بامريكا

معي فيزه سعودية والشراء عن طريق تحويلات البريد

بحيث اطلب الشاشات على بريد بامريكا مخصص للتحويل الى السعودية على عنوان شريكي بالسعودية فبكذا نتجاوز دائره الهجره وكل الامور المتعلقة بالحكومة الامريكية

طيب الشركات اللي انت ذكرتها لها وكلاء هنا

هل راح يسمحولك مره بعد مره بايستيرادها للداخل ؟؟؟

ارجو ترك ايميل لك على الخاص

السلام عليكم

اخوي نضام المملكة اذا معك رخضة استيراد وتصدير تقدر تستورد اللي تبي برسوم جمركية وخلاص

هذا فيما يتعلق بالالكترونيات

فكره جيده جدا ارجو منك ترك رسله لي على الخاص بايميلك اذا اقدر اتواصل معك

شكرا الله يرزقك

طيب لكن الناس الي تبيعهم ما راح يقبلون بالتلفزيونات من غير ضمان كيف تصرفها