|
استفسار
السلام عليكم ورحمة الله وبركاته كيف حالكم اخواني منتدى حلول البطاله اتمنى ان اجد جوابي هنا انا طالب في الثانويه وقاعد اختبر حاليا ليوم الاربعاء القادم نعطل نسبتي الفصل الاول 71 والنص الثاني اعتقد بال 70 وحولها من الدفاره ولله والقدرات 62 و شايل هم النسبه والقدرات ولله بالنسبه لشروط كلية الظباط الحرس الوطني عندي واسطة لواء وعقيد باذن الله ينفعوني عماني بارك الله فيهم المشكله النسبه ياخوان ؟ ولا اقدر ادخل لان العم مدري عنه يقولي لك مقعد بالحرس كلية الظباط وانا خايف من النسبه مع اني ماحب اقط وجهي عند احد وواسطه ومن هالكلام الواسطه موجوده بس ياليت اعتمد على نفسي بس شيء مستحيل وانتم عارفين هالشيء بهالزمان الغريب العموم متى يبدا فتح ابواب التسجيل لخريجي الثانوي بكلية ظباط الحرس وشاكر لكم جزيل الشكر ومراح انساكم من الدعوات والعمل الصالح وبالتوفيق لجميع اخواني الاحباء |
الله يوفقك يالغالي ويرزقك من حيث لا تحتسب
نصيحتي لك يالغالي تكمل جامعه وبعدها اذا في راسك عسكريه تدخل الكليه الامنيه اما بالنسبه لفتح التسجيل بالكليه ماعندي علم ... كلم اعمامك يقدرون يفيدونك متى يفتح بالتوفيق يالغالي |
الحرس يقبل الا نسبتههه شرعي فوق : 80 % وعلمي فوق : 75 % والوآإسطةة فوق القآإنون هذا شىء معرووف التقديمم أتوقع يفتح بـ شههر ثمآإنيةة وم ـوفق خير انشالله |
جزاكم الله خير احبابي
اخوي عاطل فاصل ريوس ولله وجهي ماهو وجه جامعه يالغالي بالعافيه عديت الثانوي ولو دخلت جامعه زاد الطين بله واخوي مارتن المطيري مشكور يالغالي على ردك الجميل وشاكر لك و لاخي عاطل فاصل ربي يجزاكم الجنه |
والله وانا اخوك الواسطة تجيب لو نسبتك 65 والله الواسطة تسوي المستحيل
والله يوفقك |
مشكور على ردك اخوي يوم الواسطة هذا الي خايف منه
دام الواسطه تسوي كذا خير ان شاء الله ******** منصدم جزاك الله خير يوم الواسطه وجزاك الجنه وفتح التسجيل تتوقعون بشهر 8 كلية الظباط الحرس الوطني ؟؟ |
[ALIGN=CENTER][TABLE1="width:95%;"][CELL="filter:;"][ALIGN=center]
بعد مآ تخرج من الثآنويه خلك مسنتر عند الموقع حق كلية الملك خالد والتسجيل في بداية شهر 8 او نهآية 7 . [/ALIGN][/CELL][/TABLE1][/ALIGN] |
اقتباس:
حبيت افيدك بالمعلومه ذي واحد من جماعتنا عميد والله ما عنده ما عندي جدتي لا يهش ولا ينش الجندي عندي واسطة افضل منه وازيدك من الشعر بيت خويي يلعمني يقول ولد خاله يبي كلية عسكرية وابوة عقيد وله معارف يقول والله ما قدر يدخله بالكلية وعلى نسبته تمام وقدرات بس ما ياكل معاهم شي اهم شي خلهم يضبطون وضعك من الحين وفالك القبول وتعلق نجمة |
جزاكم الله خير ربي يجعلها في موازين حسناتكم
كفيتو ووفيتو بيض الله وجيهكم وباذن الله اكلم العم يظبط الوضع واسنتر قدام الموقع كلية الملك خالد بداية فتح التسجيل والله يكتب الي فيه الخير ويحقق امنيتي ويحقق امانيكم ولايحرمنا من شيء |
والله ياخوي الحرس صار اصعب من اول. خصوصاً بعد ماستلمه الامير متعب بن عبدالله
ونسبتك نزله مرره بس على حسب واسطتك اذا ينشد فيها الظهر تسهلت عليك |
| الساعة الآن 04:39 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين