المظالم" يقرر إلغاء قرار وزير العمل بعمل الرجال والنساء في محل واحد
>> ..ياانك ياوزير العمل توفر لبنات ديرتك مكان عمل محترم يابلاش
من هالوظيفه من اصله,, >>طبعا انا اتكلم باسم البنات اللي رافضين الاختلاط جملة وتفصيلا .. أكد على ضرورة عمل المرأة في محل مستقل وعدم الإلزام بتوظيفها عبدالله البرقاوي - سبق - الرياض : أصدرت المحكمة الإدارية بالرياض صباح اليوم ، حكمها ، في الدعوى المرفوعة من أحد رجال الأعمال ضد وزارة العمل، والتي طالب فيها بعدم الإلزام بتوظيف النساء. وتضمن الحكم الذي صدر اليوم وكشف عنه المحامي محمد الزامل ، أحد المترافعين في القضية مع المحامي محمد السلطان ، إلغاء الفقرتين الثالثة والتاسعة من قرار وزير العمل ، والتي كانت تسمح بعمل الرجال مع النساء في محل واحد ، إضافة لإلزامها أصحاب المحلات بتوظيف النساء. أوضح ذلك لـ"سبق" المحامي محمد الزامل الذي قال بأنه وبهذا الحكم سيكون عمل المرأة في محلات مستقلة لا يدخلها الرجال حتى المتسوقين مبيناً أن الحكم جاء ليؤكد استقلالية القضاء وهيبته ، وجاء لكون قرار وزير العمل خالف الهدف المنشود بحفظ كرامة المرأة وعدم تعريضها للتحرش والاختلاط. |
حتى إحنا مانبي أختلاط بالوظايف مع أخواتنا البنات هذا تفكير ليبرالي أحسه
نبيهم يوفرون وظايف نسائيه مستقله عن الرجال وكذالك نفس الحال للرجال مره ماتت الغيره عندك ياوزير العمل |
اخيرا نزله هالقرار
محد فينا من البنات ترضا بالاختلاط وياليت يطبق هالنظام قريبا للنساء لوحدهم |
اقتباس:
|
اقتباس:
ليش قالو شنسوي نبي نتوظف واحتدينا..انا ماالومهم يبون يترزقون الله ماعليهم شرهه .. بس الشرهه على وزير العمل ..بس الحمدالله قضائنا نزيه وحسم المووضوع :tsfiq: |
يا اخوان .. طبعاً لكل منا رأيه ...
بس اعتقد مافي اي مشكلة من الاختلاط في الوظائف ..تفاقم المشكلة وكبرها في عقول اولاد البلد وبناتها مش الجميع البعض الكثر منهم يفكرون بنفس الطريقة ان الاختلاط شي مش كويس مثلاً؟؟؟ طيب وش السبب .. ليش مانترك لنفسنا وقت نجرب فيها وضعنا كيف بيكون ... الشي جداً عادي وموجود في كل مكان ... وين الغلط في الموضوع .. اذا كل واحد احترم نفسه اتوقع بتكون الحال افضل ... ولا لساتكم ماشيين على مقولة ( مركب يديره قبطانيين يعني يغرق ) .. بما معناه التساعد شي زين .. واتوقع ما ننكر ان في بعض المجالات ماتكتمل الشغلة عند الرجال الا تكون عند النساء خبرة فيها بالنسبة لي تعزيز المرأة وثقتها بنفسها تظهر في مثل هالاجواء (اجواء الاختلاط ) ... ليه نقبلها برة ومانقبلها هنا.. المسألة مجرد تقبل للموضوع والتعود عليه والبحث عن ايجابياته قبل سلبياته |
كـــــــــــــــــــــتو وربي اخيرا المفروض من زمان اصلا الي تقول الاختلاط عادي ومدري شنو شوفي قرار سماح دخول الشباب للمراكز التجاريه من دون العائلة شنو سوو ؟؟!! من النظرات بس سقط قلبي في رجلي من بعدها ما طبيت للاسوااااق وربي صرت اشيل هم اجل شلون الاختلاط ؟؟ مثل ما يقولون نظره فكلمة فلقاء ف ..... اكملي طال عمرك
|
اقتباس:
وحنا موضوع الاختلاط اتوقع اسهبنا فيه لين قلنا بس وكلن قال رايه وكلن طلع سلبيات وايجابيات مش هذا موضوعنا انا ببداية الخبر قلت انا اتكلم باسم البنات اللي رافضين الاختلاط جملة وتفصيلا وانا على رأسهم ..واللي فرحني بالخبر اكثر ديوان المظالم اللي ولله الحمد اصبح ضد بعض القرارات الغبيه اللي تصدر من بعض الوزراء هداهم الله,, |
ياعزيزي الي تقول الأختلاط مافيه مشكله والي محترمه نفسها أوكي أتفق معاك
بس بعض الرجال يجيك عينه زايغه وممكن يتسبب للبنت بأي مشكله عشان ترضخ لرغباته إذا أنت ترضى لأختك تتوظف بوظيفه فيها إختلاط غيرك مابيرضى من كثر المشاكل الي نسمع عنها بسبب الأختلاط كثير من البنات يتعرضون للأبتزاز بسبب الأختلاط فيه بنات حدتهم الحاجه يتوظفون بوظايف فيها إختلاط مثلا عندك الدكتوره والممرضه هذي واجبها يحتم عليها أنه تختلط أما إختلاط بشركه أو بمركز تجاري أحسها صعبه شوي أتمنى تتقبل وجهة نظري بصدر رحب أخوي |
اقتباس:
واعيه تفرق بين الصح والغلط..والشكر مقدما للمحاميين محمد الزامل ومحمد السلطان |
الساعة الآن 04:45 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين