|
بخصوص زيادة رواتب المعلمات دون الاداريات
السلام عليكم ورحمة الله وبركاته
انشالله الكل بخير :d طبعا الكل يعرف عن زيادة الرواتب في المدارس الاهلية وشمول القرار للمعلمات . والمديره . والمساعدة . والوكيلة . والمرشدة الطلابية . ومحضرة المختبر . وامينة المكتبة . لاحظو >> باستثناء المراقبات ومدخلات البيانات فقط >>هذولا مالهم رب المراقبات مايكرفون ولا بنات البطة السودا نفسي اعرف سبب استبعادهم ؟؟؟؟ والله نتعب واكثر من المعلمات وننضغط حتى بريك ماناخذ الموية والله مانشربه من تسجيل غياب والاتصال الهاتفي والاستئذان والسجلات الادارية ومتابعة دخول المعلمات الحصص ومتابعة ومطاردة الطالبات هذا غير الاعصاب الي تتلف من الركض ورا البنات الي بالموت تدخل فصلها والي تنحاش في الحمامات والي تختفي وعليك يالمراقبة البحث :(هذا من غير المناوبة اليومية مع الطالبات في الساحه وبالحر ولكم تتخيلون الوضع وبعد الفسحة بطلوع الروح ندخل الطالبات للفصول والله طول يومي مااجلس ولا اشرب الموية ولا افطر هذا من غير التكليف الاداري بالاعمال الاضافية ؟؟؟؟ بالله مو حرام نحرم من زيادة الرواتب المشكلة ماعبرونا بزيادة لو الف ريال هذا عدل ؟؟؟ وين المساواه اذا ع البكالوريوس اغلب المراقبات الحين بكالوريوس وحتى لو ثانوي يحق لها الزيادة لو بالشي البسيط ... الموهم انا كلمت ادارة التعليم الاهلي وحاولت اعرف سبب استبعاد المراقبات ومدخلات البيانات من الزيادة قالو هذا قرار ملكي مانقدر نعدل فيه <<< طبعا ماصدقو خبر ولا ناقشو الديوان الملكي في موضوعنا وقالو افضل طريقة للمطالبة بالزيادة ارسال برقية باسم كل وحده منكم للديوان الملكي لانه لكم الحق تزيد رواتبكم اسوة في اخواتنا المعلمة ع الاقل 4000 ولا اذا بكالوريوس 5600 المشكلة اني في مدرسة ادارتها روعه ولا ابي افرط فيهم وهم بعد يبوني ادارية وقالو بنكلم صاحب المدارس يزيد لك 500 :Thumbs_down:>>> ولا لقيت وظيفة معلمة من هنا يابنات خلونا نطالب والي عندها فكره تطرحها والي بترسل برقية ياااااااااااااليت عشان تتضامن الاصوات وينفذون المطلب تكفوون بنات خلونا نتضامن يد وحده ماتصفق :s فديتكم اتمنى القى تفاعل منكم :) |
المفروض الزياده تشمل كل الموظفات على الاقل اللي معهم البكالوريوس
وحلو تجمعوا وارسلوا برقيه مثل ماقال لاتسكتوووووووووووووون واللي يقهر بعض المدارس رواتبها الف وثمان والف وخمس القطاع الخاص على الاقل ثلاث الاف الحد الادني ومايكون في اقل منها بس من يسمع على فكره حبيت مدرستك اذا صار احتياج اداري عندكم خبريني :m |
تسلمين عاشقة العزوبية على المرور مادري ليه مافيه تفاعل
|
امحق منتي ملاقيه احد
|
بالتوفيييييق لكم كآآن بودي
اتضامن معكم بس مو ادارية ان شاء الله صوتكم يوصل |
الله المستعان :(
|
طيب حتى الاداريه اللي معها ثانويه ترا تتعب نفس التعب اللهم انها ماكملت الدراسه لظروف اكيد غصب عنها لاتقهرونهم ---- ماتتكلم عن نفسها ابد خخخخخ
المشكله الحين اي مدرسه تقول لازم بكالوريوس طيب العمل اقدر اقوم به معي كمبيوتر قسم بالله وحده اعرفها معها بكالوريوس وماتعرف ابد كمبيوتر وش فايدتها بس كذا انا احس فيه ظلم الله يسخر لنا من عنده ويسهل طريقنا |
بكالوريوس ثانوي دبلوم الأهم الراتب يكون مناسب لساعات وضغط وأيام العمل ...
المفروض تحديد أدنى أجر لموظفي وموظفات المدارس الخاصة السعوديين والسعوديات لا يقل عن 5000 آلاف ريال سعودي مع ألف ليرة لبنانية بدل سكن |
فعلاً الثانوي ولا بكالوريوس بالنهاية نفس العمل ونفس الضغط نبي حل يابنات ارسلت لحالي برقية باسمي من عنده فكره ولاحابه توصل صوتها معي بخطاب لادارة التعليم او برقية او التواصل مع سبق
|
ارفعو صوتكم وصدقوني محد بيقصر معكم فيه نهضه بالبلد .. والله يوفقكم
ويسعد قلوبكم يارب |
| الساعة الآن 03:28 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين