متعاقد بوزارة الخارجية أو بند مستخدمين 32 ؟
 

مؤهلاتك قوووووووووووووووووويه

الله يوفقك وتحصل الي ببالك

استخر لان انت الي بتتوظف مو نحنا وكل واحد له نفسيه غير

الله يجزاك خير يالغالي

والله يكتب الخير ويوفقك بالدنيا والآخرة

شكرا لك

اللي عنده أي معلومة فديتكم لا تبخلون

الله يوفقنا وياكم

هلا اخوي

انت دخلت الاختبار ابو يومين وقبلوك. ودرست بالمعهد الدبلوماسي.

اذا أيييييييه كل وظايف الخارجية ممتازة وانت قلت راح نص العمر وهذي فرصة


بس مؤهلاتك. ماشاء الله المفروض. وظيفتك تكون ملحق بوزارة الخارجية سواء داخلي ولا خارجي

والاغلب خارجي بامريكا اللاتينية او اسبانيا او البرتغال وتدرجات هالدول من ناحية الراتب احسن من غيرها لو منك اخترت خارجي

ادري أني خبصت بس هذا اللي أعرفة.

الله يوفقك

مرحبا الله يسعدك وشاكر لك المداخلة

الدخول للمعهد الدبلوماسي هذا بعد الاختبارات تبع وظيفة ملحق

أنا طبعا متعاقد يعني لا دبلوماسي ولا شي راتب مقطوع ودبر نفسك بتأمين طبي وسكن وتذاكر

هذا اللي عرفته خلال اليومين اللي راحت لأني سألت

الواسطات ذبحتنا ناس تتحدث لغات وعندها دورات وجالسة وناس ماعندها ماعند جدتي وفيتامين واو مسلك وضعها
لكن نرجع ونقول هذي ارزاق من عند الله سبحانه ولا نقدر نعترض

اعتراض الجميع مو بس لحالي على الواسطة اللي قتلت طموح الشباب

علما بأن الدورات اللي حصلت عليها اقل دورة مدتها يومين أي مايقارب 10 ساعات للدورة الواحدة وبعض الدورات تصل إلى 45 ساعة وأغلبها دورات علم اجتماع وعلم نفس ودورات تطوير الذات وإدارة الأزمات وتأثير واقناع وأكتشاف الجرائم من الكتابة اليدوية وغيرها كثير

لكن ما استفدت منها شي بالتوظيف بس على المستوى الشخصي

نصيحتي للشباب

الدورات اللي تفيدكم بالتوظيف [ دورات اللغة الانجليزية ومو كلها بعد يفضل تكون ست شهور وأكثر ]
[ ودورات الحاسب الآلي ومو كلها بعد يفضل تكون من ثلاث شهور وأكثر ]

والدليل حتى بجدارة مايناظرون للدورات المؤهل واقدمية التخرج وبس

شكرا جزيلا لك على المرور والله يوفقك دنيا وآخرة

بالتوفيق

أمين

الجميع يارب

بارك الله فيك

هلا فيك اخوي

صديقتي السنة اللي راحت ادخلت الاختبار ابو يومين وهي بكلوريوس انجليش

وحلت زين. تقول وحنا بالقاعة. فيه بنات واضح عليهم انهم جايين. بووووواسطة

وبعد طول انتظار للنتيجة. لقت اساميهم. باول القائمة

اما هي شوتوهااا ياحرام. والله ان لغتها ومعلوماتها العامة وخاصة الجانب السياسي ممتازه.

بس الواسطة وش نقول غير حسبنا الله والنعم الوكيل

أتصدق أني ببداء ادور واسطة من الحين

سؤال.

ليش متقدمة على الاختبار. كل سنة يسوونة. وتراهم. محتاجين إسباني كثير

قراسيس سنيور. تراني اعرف

مرحبا فيك

أكيد صديقتك قدمتك على وظيفة ملحق دبلوماسي

أنا قدمت كثير ولا انجح الدعوة كلها واسطات لما يقدم باللغة الاسبانية 5 اشخاص بس وياخذون اثنين

اللي ينقبلون عوائل معروفة وتجار وناس واصلة

نترجم زين واللغة ممتازة عندنا سواء بالاسباني أو الانجليزي لكن مالله كتب لنا لعلها خيرة

مالنا إلا الدعاء وواسطتنا الله .. وأي شخص تجيه واسطه لازم يتأكد إن الله سبحانه ساق له هالشخص

خلي خويتك تتصل على قسم تدريب زوجات الدبلوماسيين بالمعهد الدبلوماسي يمكن تلقى وظيفة لو تعاقد بالمعهد

de nada