15 يوم من بعد الاستقاله
 

مسالكم الله بالخير ...

الموضوع انه مر 15 يوم على تاريخ اخلاء الطرف ومازال اسمي منشط في التأمينات ؟!

الي بأفهمه هل اسقاط اسمي يستغرق هالوقت كله ولا الشغله فيها ( إن )

وسلامتكم

الموضوع كما قلت اخي لان حذف الموظف لايحتاج سوى دقيقه واحدة من النت طبعا بس ممكن تراجعهم لانهم يكونوا نسوا اسمك والله المستعان

اهاا اجل هيك

لا مانسوا لاني سالت الي في الموارد البشريه عنها وقال شلتك لكن يبي لها 24 ساعه عشان ينحذف < والكلام هذا قبل ثلاث ايام !

انا بطلع الحين افطر ثم لما جات الساعه 7 رحت للتامينات وبشوف وش الموضوع ولو يتغرمون هذولاك ابرك :d

هو اصلا ما ياخذ وقت حتى بعض الشركات مع استلام اخلاء الطرف يتم حذفك من التأمينات..

راجعهم بنفسك وشوف وش المشكلة..

الله المستعان بسس ،،

مجرد تعطيل لمصالح الناس لا أكثرر

حسبي الله عليهم ونعم الوكييل

دايما كذا ولاحسيب ولا رقيب الله يسهل امرك

المفروض وانت واقف معهم تاخذ اخلاء الطرف معك يعني الشغلة مايبيلها بس شكلهم عندهم موضوع ويبون يستغلونها في حاجات تمشي امورهم . انا اقول رح للتامينات واشرح لهم وهم يعفون وش يسوون.

الحذف فوري وبالامكان تشيك على النت وتتاكد ولكن اذا تبي ترتاح اما عن طريق النت تقدم شكوي او تذهب الدور الخامس قسم التفتيش اذا انت بجدة وتقولهم على المشكله اسبوع زمان وتنحل المشكله

اشكر كل من مر وشارك بكلمه ولا نصيحه ..

اليوم اخذت اخلاء الطرف ورحت للتامينات وصدمت صراحه من تعاملهم وتعقيدهم لموضوع هو اتفه ما قد يواجههم ,

زبده الكلام الي اخذ 4 ساعات عندهم (( وش نسوي لك ؟ ,, ماتقدر تشتكي الا اذا مر شهر على تاريخ اخلاء الطرف ؟؟؟؟ لا واذا اشتكيت بياخذ الموضوع ازود من الشهر ))

الكلام هذا للاسف صدر من مدير قسم شؤون المشتركين .,

قلت يا ابن الحلال انا وانت ندري انهم يماطلون لين يمر على توظيفي 3 شهور و15 يوم عشان أسجل سعودي ويكسبون اسمي لصالحهم<< يعني باقي 14 يوم ,, قال : (( أدري )) لكن النظام يعطيهم شهر شسوي لك :do5h:

قلت وانا انتظر سموهم الكريم لين يسقطون اسمي ؟ أمس بغيت اوقع عقد مع مستشفى قال لي مدير الموارد البشريه اسمك ليلحين بالتامينات روح نزله وتعال ,

يعني اجيه بعد اسبوعين بيعرفني اصلا ؟؟؟؟؟؟؟؟؟؟؟؟؟؟

لابوهم لابو من جمعهم على راسي

تابع ردي بالاعلى لحل الموضوع رح بقسم التفتيش اذا انت بجدة عند واحد اسمه وليد الجابري وبيخلص موضوعك انشاء الله

الله يعطيك الف عافيه وماتقصر , لكني بالشرقيه يالغالي

ولمن يمر شهر بيقولون لك اوكي بيطلع مفتش للشركة يتأكد الخ ..

يعني حتى لو مر شهر ماراح يشيلونك ..

روح للشركة نفسها وقول لمدير شؤون الموظفين يشيل اسمك وانت عنده .. وتأكد انه حذفك ..
اول مايشيل اسمك ينشال مباشرة لايحتاج 4 ساعات ولا أي شيء .. يصير فوري ..