مشروع بـ خمسون الف ريال
 

اهلين بالتجار



معي راس مال 50 الف ريال فقط لاغير


اريد مشروع يكون دخله شهري اقل شيء 3500 ريال


هل يوجد ؟؟ وماهو ؟؟؟ مع العلم بأني مبتدئ بالتجاره


احتاج نصايحكم واراءكم


طبعا العقار ومواضيع السيارات مابيها ..


اتحفونا ..:h

يجئ من يفيدك والله يوفك

مغااسل سيارات

بوفيه

الله يوفقك ويوسع رزقك يارب

البوفييه اخي انسب شي لرأس مالك فلو اردت بوفيه فيها طلبات منوعه ومستوى خدمه عالي تقريبا اقل رأس مال تحتاجه 70 الف

بس اتوقع لو حددت اشياء معينه ممكن تقدما يمكن يكفيك 50 الف وسوي دراسة جدوى

وممكن تفتح محل كبده :)

بالتوفيق

هلا ابو سعد

الله يرزقك ويوفقك والجميع يارب

شوف وأنا اخوك خصوص أنك جديد بالتجاره

فلا تبداء ب 50 الف مره وحده خذ 10 الاف ريال ،

وخل 40 الف "

وعندك مشارعي كثيره ودخلها طيب ،

مثل " تشتري لك تيوس من اعمار 4 شهور الى 5 شهور

أو طلينا وتخبر رمضان والعيد واضحيه جايك وهذا موسمها


والمشروع الثاني " التمر ،

تشتري جمله تمر وتبيعه ب اعلى سعر مثلا تشتري كرتون ب 100 تبيعه ب 1400 ريال

شي طيب،

واسئل الله لك وللجميع الرزق "

وبالتوفيق ،




( قبل تبداء ، سو تخطيط ، لا عمل بدون تخطيط ، ولا تخطيط بدون عمل )

بالتووووووووووووووووووووفيق اخوي

كل عام وانتم بخير

بالاوقيييييق اخوي

احسن شي انك ما تدخل براس المال كله ابدا . خاصة لو كان هذا الي تملكه
احسن شي تدخل في بيع ومشترى براس مال قليل يعني بحدود العشرة الف
بيع واشتري في اي شي اشتر جمله وفرد
وخمسين الف لمحل ما تكفي ابدا وخذها مني
لانه بتطلعك اشياء يمكن ماكنت حاسب لها حساب

الله يوفقك يارب بالرزق المبارك

حبيبي المشاريع كثيره والرزق عند الله سبحانه ولكن تبي لها واحد لها ويشتغل ويطلع رزقه , انا بنصحك بمشروع عن واقع تجربه وكانت تجربه لاتعدى شهرين الى شهرين ونص ونجحت فيها ولله الحمد وان شاء الله راجع لها ..
بتقول مشروع قديم او متعب ولكن حلو .. المشروع دواجن ..

تستأجر لك حوش ولا استراحه , تشتري لك فقاسه حقت 3000 الاف بيضه جديده قيمتها 4000 الى 5000 وفي اقل منها على 1200 ولكن عدد البيض اقل .. وبعدها تشتري لك بيض مخصب وكثير اللي يبيعه .. وبعدها حط البيض المخصب بالفقاسه لمده 21 يوم وكل يوم تقلب البيض مرتين في اليوم وبعد مايعدي للبيض 19 يوم توقف التقليب وتتركه يومين ويبدا البيض يفقس .. نقول طلع لك 3000 صوص بعد اسبوع تروح تبيعها بسعر ريالين للحبه يعني 6000 الاف ريال في شهر .. نخصم منها 400 ريال نقول ادويه وتحصينات للصوص 5600 ريال , المشروع حلو وناجح بعد توفيق الله سبحانه شاور وفكر فيه وأتكل على الله

واسف اذا اطلت عليك ولانسقت للمووضوع بشكل زين
ولكن اذا احتجت شي بالخدمه حبيبي

بالتوفيق

ايش اللى مشروع يدخل 3500!!
يا حضره العقيد بدايه تفكيرك غلط *غلط
فيه مشروع مغسله يدخل 3500 وفيه مشروع مغسله يدخل 500 وفيه مشروع مغسله يخرج ما يدخل
50 الف هذى تأخذها يا عقيد وتروح تلف الشوارع والحارات المكتظه بالسكان ووتدور على محلات للايجار او التقبيل (لعدم التفرغ,,هذولا اكثر ناس نصابين ,أجل عدم التفرغ وهي تجيب لك الااف شهريا,أجل فاضي لايش)وتوقف عند احد هالمحلات امام المحل بالظبط وتدير له ظهرك وتنظر الى المارين من امامه,,لو كانوا اطفال ومراهقين سوي محل العاب او بوفيه ولو كانوا عسكر وعزابيه سوي مغسله ولو كانوا حريم سوي مشغل ولو كانوا شيبان سوى محل تمور ولو كانوا عمال سوى اتصالات وووووووووو هكذا يا حبيبي
والهدف اللى بوصله لك ان محلك لازم يكون في موقع مكتظ ويخدم الشريحه المكتظه
وفى الاخيره حاب اتاكد انت عقيد,,لو كنت عقيد ترانى عريف يعنى راس براس