|
استفسار عن دورة الصاعقه
عندي دورة بعد 3 شهور فيها
ممكن اللي اخذها يشرح لي بالتفصيل وشكرا لكم |
الله يوفقك اخوي
الصاعقه من اسمها معروف مايتخرج منها الا رجال شرواك وبعد الدوره راحه ورواتب وفله ولعب سله مادخلتها لاكن اسمع من ناس يقولون الدوره تعب بال45 وبعده دلع |
اقتباس:
تسلم يالغالي شرواك الطيب ابي برنامجها بس يارجال 45 وراحه ههههه هي مدتها 8 شهور ماهي فرد اساسي 45 وبس الله يعطيك العافيه |
للرررررفع..
|
السلام عليكم اتمنى بردي هذا أكون اوفي واكفي بجواب مقنع وشافي دورة الصاعقة 3 شهور إذا الدورة كانت بأمن البحرية الخاصة تأخذ دورة الصاعقة في باكستان وإذا كانت تبع اللواء المظلي تأخذ دورة الصاعقة في فرنسا أو في تبوك مفهوم دورة الصاعقة ان الفرد الحاصل على دورة الصاعقة يعتبر عن 10 رجال بالخبرة العسكرية في ساحة الحرب او في حماية الشخصيات او المواقع يتميز حامل دورة الصاعقة بلياقة عالية مما اعتاد عليه في الدورة السير الطويل يصل لـ300 كيلو والهروله لـ80 كيلو إلى 120 كيلو بالعتاد<<<<<<يعني بالعده سلاح وخيمة وكل حاجه هع اثناء دورة الصاعقة في أسبوع أسمه أسبوع التعايش إللي فيه ياكلون الثعابين <<<<<على فكرة يقولون طعم الثعبان قريب من طعم السمك يعني جنااااان وفيه أسبوع أسير تأكلها ضرب وتعذيب وحرمان بس متعه لأنها تفيدك بوقت الحروب لو سرت أسير <<يحلموون>> يآخذون منك معلومه صح يعني ماعليك خوف بعد أمان الله هذا تقريباً مفهوم دورة الصاعقة وصنفها مثل ماقال اخونا 400 ريال تضاف لراتبك نهاية كل شهر بالنسبة لدورة الضفادع البشرية فهي أصعب من الصاعقة بمراحل كثيرة مدتها 6 شهور 3 شهور تأسيس ضفادع بشرية و3 شهور ضفادع بشرية خاصة او تخصصيه فيها أسبوع الجحيم وأطول أسبوع هو عندنا بالسعودية في أمريكا أسبوع الجحيم 4 أيام وفي مصر والأردن حول 5 أيام في السعودية وهي الدوله الوحيده اللي فيها اسبوع الجحيم يكون اسبوع كامل مفهوم دورة الضفادع البشرية التكيف مع الحياة البحرية خاصة والحياة البرية والجوية بالعموم حامل دورة الضفادع البشرية يسبح لمسافات طويلة توصل لـ9 كيلو<<<<<<وغلات من يقراء كلامي ان 9 كيلو ماهي مبالغ فيها لأن في أسلوب للسباحه غير اللي نعرفه يكون مريح ومو متعب حاولت أتعلمه بس ماعرفت لأن ولد خالي حاول يعلمني بس خويكم بالله مفهي شوي المهم يتعلمون جميع انواع السباحه بسلاح وبيد وحدة وانواع كثير وغالباً تكون عمليات خاصة بحرية واللياقة فيها تكون أعلى من لياقة حامل دورة الصاعقة على فكرة يعتقدون قادة الحرب للدول المعادية وفي أي دولة تواجه دوله أخرى ان أثناء الحروب العدو الوحيد لهم هم وحوش الضفادع البشرية >>باللغة العامية>> يعني تشوف واحد عنده ضفادع بشرية وقت الحرب أذبحوه لاتخلونه حي مانبغاه حتى أسير المهم مايبقى عحي لأن حامل الضفادع البشرية يعتبر وحش بجميع المعاني وصنفها بالقوات البحرية 350 ريال وفي القطاعات الثانية مثل الدفاع المدني وحرس الحدود 750 ريال او 1250 ريال هذا ماعندي واعذروني على التقصير سي يو ^^ منـُقؤٍلـّه ٍ .. ( إُحّبُ إُ`لفُقـًرٍإْءٍٍّ ) :ash::w |
أفادك الأخ فقعسي الله يجزاه خير
ورجل الصاعقة في اي قطاع له هيبه واللي يشوف شعار الصاعقه ماراح يطالع في كتفك ويشوف الرتب ولا بيطالع فالساعد ويشوف كم شرطه يكفي الشعار هذا لحاله لأن مايخذه غير وحش وللتوضيح دورة الصاعقة في القوات الخاصة البحرية شهر ونص في السعوديه صاعقه وشهر ونص صاعقه متقدمه كوماندوز في باكستان واللواء الخاص 3 أشهر ولاكن عشان تاخذ الصاعقه في اللواء الخاص لازم تعدي دورة المضلات ومدتها شهر وتكمل الصاعقه ومدتها شهرين وأتوقع بعدها فيه دورة أسمها دورة صقر في فرنسا مدتها 4 شهور وكلها صعبه بالنسبة للقوات الخاصة البحريه حتى وقت الكشف الطبي صعبه لأن يسون لك كشف في المنطقه الشرقيه ومن ضمن الكشف وانا سويته يجيبون لك جهاز تنفخ بفمك باقوى ماعندك ولك حد معين لازم توصله عشان تنجح في الإختبار وطبعاً كثير بنشرو وفيه بعضهم رسبوا وأكثر من تعب المدخنين لأنه يختبر قوة النفس عندك وفيه جهاز كبير زي المركبه اسمه الشنبر يدخلوه 6 أشخاص ومعهم دكتور الجهاز هذا فيه ضغط هواء نفس الضغط اللي بالبحر يعني يبدأ معك تدريجي كانك نازل لأعماق البحر ويعطونك اوكسجين تتنفس منه اول ما تركب وطبعاً كل مايزيد الضغط يصعب النفس عندك ويقل نفس البحر اللي جرب الغوص ويدخلون عليك هواء بارد جداً وشوي هواء حار جداً عشان يشوف التحمل وايضاً فيه نجاح ورسوب وحذرونا منه قبل لا نسوي الكشف وطبعاً مجموعات شفنا كثير ماتحملوا وكثير أنسحبوا وفي مجموعتنا فيه واحد جاه صرع داخل الجهاز وزي ماهو كمل الدكتور واللي نزل دم من اذنه وحال ذاك اليوم المهم بالنسبه للضفادع البشريه صعبه جداً عشان كذا ماتدخلها الا وأنت مهيأ بالكامل ولائق طبياً لأن يبيلها قوة تحمل كبيره وايضاً دورة المضلات صعبه لأن فيها طلوع ونزول لجبل اللوز وأنت في ضهرك جعبه وخيمه ثقيله جداً ويبيلها لياقه عاليه وتجلس في جبل اللوز 45 يوم ومشاريع واللي يبزوط بيضر المجموعه كامله واذا أنهيت ال45 يوم فيه قفزة ليليه 800 متر وانا وضحت لك الكلام هذا فقط عشان تهون عليك الصاعقه ومقارنه بالمضلات والضفادع البشريه الصاعقه ولا شي والله يوفقنا وياك وان شاء الله تاخذهم كلهم :D |
الله يعطيكم الافيه يا شباب
بالنسبه للدوره يا شباب في الاستخبارات العامه 8 شهور صاعقه ومظلات ومكافحه ارهاب بس يعني الضفادع البشريه ضمن هالمجموعه او لها دوره خاصه |
دورة الصاعَقة المظلات :: تتكون من شهرين مقسمة 3 أسابيع تدريبات في المدرسة ومنها تدريبات التسلقات الجبلية والحواجز ورفع مستوى اللياقة ولاننسى السهر حيث انك تنام من ساعة لساعتين فقط باليوم والأكل راح يكون بالعدد من 1 - 5 يعني 5 ثواني
ومن ثم تطلع مشروع لمدة 5 اسابيع خارج المدرسة منها اسبوع تدريبات رماية ومهمات وتفجير وأسبوع تدريب دوريات برية وأسبوع دوريات بحرية بالقوارب وأسبوع أحتلال قمم جبلية وتسلق جبال اللوز وأسبوع جبال الزيتا ويكون فيه التسلق الجبلي الحر والنزول من الجبال بالأحبال وطول مدة الدورة من الفرد الأساسي |
انا خلاصت اوراق وباقي موعد الدوره سجلت قبل اسبوعين وكل شي تمام معليك كلها سبعه شهور او اقل وتاخذ7400 وانا شاء نصير سواء في الدوره وقوي قلبك استرجل هههههه مافي الا كل خير لاتسمع كلام الناس يخوفونك ترا احسن من البطاله علي فكره مافي اسبوع الاسير كان موجوده زمان الحين لا ام الصاعقه ترا شهرين لكن التعب في اسبوع وطبعا علي حسب اللياقه عندك انا كنت خايف منها لكن لما لقيت زميل لي قال الدوره فيها شوي تعب لكن بعدين فله دوام فله وارتب فله
|
يعطيكم العافيه
سطام انا لي في الخدمه 8 سنوات : ) انت اللي قوي قلبك وعقبال ما نستلم سوا , شكرا لكم |
| الساعة الآن 10:05 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين