|
شرعية فتح محل او مكتب وتأجيرة مع الاسم على عامل
السلام عليكم ورحمه الله وبركاته
اخواني بغيت استفسر عن شرعية افتتاح محل باغراضة او مكتب بمتطلباته وتأجيره على عامل مقابل مبلغ شهري متفق عليه عند محامي ... مثلاً افتتحت مغسلة بكافة معداتها ومسكتها هندي على ان يدفع لي 1000 ريال شهرياً صافي ... هل يجوز هذا شرعاً ام لا ؟ افيدوني بارك الله فيكم والله الموفق والمستعان |
ياخوي هذا حلالك مافيها شي والعقد شريعة المتعاقدين .
بس نصيحه شغله شهرين او 3 اشهر وخلك متابعه واعرف كم مبيعاتك الشهريه بعدين اطلب المبلغ اللي تشوفه مناسب لك يعني 1000 ريال اشوف انها قليله اذا انت مجهز المغسله تجهيز كامل فلاترضى بالقليل لاأنه مكاسبه كبيره وحرام فيه واشكاله زود المبلغ اذا رضى او دور غيره كثير وشوف ابو يمن ارحم من الهنود بس لازم تشرط عليهم نقل الكفاااااااااله لااااااااازم |
اقتباس:
الله يعطيك العافية اخوي , 1000 ريال مجرد مثال بارك الله فيك ... وشكراً عالنصيحه الطيبة . طيب اخوي مثال انا عندي مكتب مكون من غرفتين ... انا احتاج غرفة وحدة فقط ... يجوز ااجر الغرفة الثانية مع السجل او الاسم التجاري لنشاط اخر غير نشاطي طبعاً مقابل مبلغ شهري متفق عليه ... بدون ما اتدخل في رأس مال المتاجر انا فقط اجهز له المكتب ... اذا لك علم بالموضوع لا تبخل علينا يا طويل العمر |
اخي الكريم ، لو كنت في الرياض ، ابلغني هنا ،،،
وبعد ما أشوف ردك ،،، ارسل لك رقم جوالي على الخاص ونتفق على موضوع استئجار المكتب منك... الله يوفقك |
اقتباس:
بالتوفيق ننتظر مشاركات باقي الاعضاء |
اخوي انت كذا بتساعد الاجنبي على التمادي
هذا حلالك لابد انك تديرة بنفسك الاجنبي راح يكسب ذهب ويعطيك الفتافيت |
الله يوفقك يارب
وانا مع رائي اخوي الصد والهجران ليش نعطيهم مجال ونخليهم يتحكمون فينا احنا مانحسدهم الله يرزقهم بس مو لهالدرجه |
عندي زوج عاطل وحابة افتح له مغسلة بقرية يعيش فيها لان القرية مافيها حتى بقالة
واهلها يضطرو يروحون لقرية تبعد 20 كيلوا لغسل ملابسهم وكويها فشايفة اني لو فتحتها في هالمكان وزوجي دارها راح نكسب الكثير واكون ساعدة بشغلة بس ابي اعرف فتح المغسلة وش يحتاج من اوراق وكم تكلف تقريبا ولو خليته يقدم على باب رزق وانااكفله هل يوافقون على مغسلة بقرية |
اقتباس:
صادق ياخوي ... لكن انا متفرغ لمشاريع اخرى اراها مناسبة لي اكثر ... وفي مشاريع يصعب فيها الجرد والمتابعة ايضاً ... الله يرزقك ويوفقك |
اقتباس:
نفس الرد على اخوي الصد والهجران الله يوفقك ويرزقك |
| الساعة الآن 02:05 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين