وظيفة في سابك او الخطوط السعودية
 

بسم الله الرحمن الرحيم
[warning]null[/warning]السلام عليكم ورحمة الله وبركاته،،،
يقولون ماخاب من استشار وارائكم مهمه جدا لي.
انا موظف في شركة سابك بالجبيل وجاني عرض بالخطوط السعودية بجده وراتب اعلى من سابك مع العلم اني مالي في سابك غير سنه وانا من اهل جده.ومحتار جدا ياريت الي عنده الخبره يتحفنا بما لديه من اراء والي ماعنده خبره يعطينا رأيه.

يالطيبين وين الردود

أولا ما شاء الله

والله يالغالي ان القرب من الأهل غنيمة

الراتب أعلى و المكان في جدة والوظيفة الخطوط السعودية
هذه بحد ذاتها مكسب

سابك حلوه ولو العيشة عجبتك هناك في اللي راح تفرق معاك
لان الراحة النفسية أهم من كل شيء حتى لو فرق الراتب الفين أو ثلاثة

- انتبه لاتكون في شركة تابعه للخطوط
لان الخطوط صارت أكثر من شركة وركز على الشركة الأم

* ياليت مؤهلاتك لو سمحت



بالتوفيق لك والله يكتب لك اللي فيه الخير

انا اشوف تجلس في سابك افضل مستقبل واكثر امان وظيفي
وتأمين طبي ممتاز جدا .وصدقني القرب من الأهل حلو لكن برضو الحياة مافيها راحة وانا اخوك فكر في مستقبلك وكيف تأمن لأهلك حياة افضل..سابك تطور من موظفينها..وتطوير لك بشكل كبير.. هذي وجهة نظري بكل امانة..وعلى فكره فيه ناس بالخطوط بالمبيعات وربي يسبون الشركة سب وهواش اربع وعشرين ساعه قدام المراجعين مع المشرفين حقينهم ..والخطوط سمعتها صارت زفت
اجلس في سابك ولا تشــــاور....وفي النهاية نصيحة وعن تجربة..استخر رب العالمين..واللي ترتاح له روح له..

يعطيكم الف عافيه وماقصرتم في الردود لكن باقي متحير شوروا علي يالربع

هلا فيك إخوي

أنا مازيد على كلام الاخوان حرف واحد

كفووو وفووو. ماقصروا.

اقول سابك أمان وظيفي ممتاز ويكفي الخبرة والفائدة والاحتكاك مع مختلف الثقافات

وقريب من الأهل

والله يوفقك ويتمم عليك

رايي من راي الاخوان بالضبط

خلك في سابك افضل لك مستقبلاً الا اذا انت ودك مررره مو متحمل البعد عن اهلك

فهذا شي يرجع لك بس قبل ان تتخذ اي قرار فكر فيه من كل النواحي علشان ماتقول في الاخير انك والله تسرعت و و و و

فالله يوفقك ياخوي انت والجميع

وشي مؤهلاتك؟

جامعي كلية العلوم من جامعة الملك عبدالعزيز
لكن مع الخبرات 4 سنوات وربنا يوفقنا يارب بس قولوا

ماشاء الله

ماشاءالله.

أنت أدرى، لكن خوفي تترك سابك وتروح عليك فرصة .. وصعب تقعد تتنقل ومالك خبرة في شابك إلا سنة.

لكن أنت حط ايجابيات وسلبيات القرار.

القرب من أهلك (كم يهمك في هذا الأمر حط له نسبة)، الراتب (يعني هل رابتك في سابك شين؟؟ وتطمح للأفضل حط نسبة) ، التطور الوظيفي (الترقيات في كلا المكانين كيف؟ حط نسبة)، وأهم حاجة انتبه لنقطة ذكرها أحد الأخوان إنه تتأكد من الشركة إنها الأم مب تابعة + تتأكد من صدق العرض وشهو من لحية.

وقبل كل شيء أتمنى منك تستخير وتطلب الخيرة من الله.. ثم استشير أحد له خبرة أو حكمة (يعين أكبر منك) عمرًا ووظيفة.

موفق.